Matthieu 7:2 - NYANMIƐN NDƐ'N 1998

² afin fɔ kunngba nga an fa bu sran'n, yɛ Nyanmiɛn wa fa bu amun-ɔn, yɛ like nga an fa sunnzun sran'n, i kunngba sɔ'n yɛ Nyanmiɛn wa fa sunnzun amun-ɔn.

Nyanmien nde Ufle

² ye liké kwlaa nga an sé ke, se swran yôo o ti kpa'n, i kunngba so'n ye Nyanmien wa sé amun ke an yôo.

Matthieu 7:2 Iomraidhean Croise

2 Samiɛl 21:5

Yɛ be seli famiɛn'n kɛ: «Bian sɔ'n ɔ wieli e kun, i waan ɔ ´nunnun ye nan nán e wie fi e tran Izraɛl mɛn'n nun.

Jue Mun 109:17

Sannzan bolɛ'n yɛ ɔ klo i-ɔ, man sa tɛ ng'ɔ gugu'n ɔ ju i bɔbɔ su. Ɔ nian bo-man muae nian man-man sran le, nán man i kusu nyan muae le.

Ezipt Lɔ Tulɛ'n 21:24

Sɛ ɔ bo sran kun nyinma'n, be `bo i liɛ'n wie sie i osu. Sɛ ɔ tu sran kun je'n, be `tu i liɛ'n wie sie i osu. Sɛ ɔ bu sran wie sa'n, be `bu i liɛ'n wie sie i osu. Sɛ ɔ bu sran wie ja'n, be bu i liɛ wie sie i osu.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 51:24

Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Matthieu 6:14

Sɛ an yaci sa nga sran'm be yo amun'n cɛ be'n, amún Si b'ɔ o nyanmiɛn su lɔ'n, i kusu ɔ ´yaci amun liɛ'n cɛ amun.

Marc 4:24

Ɔ seli be ekun kɛ: «Ndɛ nga an ti'n, an `nian su kpa. Suliɛ nga an su nun man sran wie mun'n, i kunngba'n nun yɛ Nyanmiɛn ´su man amun-ɔn, ɔ ´uka amun liɛ'n su.»

JÉSUS-CHRIST I DYASIN FE'N BO LUC KLELI'N 6:38

An `cɛ sran like, yɛ Nyanmiɛn kusu ɔ `cɛ amun wie-ɔ, ɔ ´man amun kpanngban kɛ like bɔ be su be tintin su, yɛ be kejekeje i, b'ɔ yi bu gua'n sa, afin suliɛ nga an su nun man sran wie mun'n, i kunngba'n nun yɛ Nyanmiɛn ´su nun man amun-ɔn.»

2 Korɛntfuɛ Mun 9:6

An si kɛ sran ng'ɔ di fie kaan'n, i su like ng'ɔ nyɛn i'n ti kaan, yɛ sran ng'ɔ di fie dan'n, ɔ nyan like kpanngban.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Sa nglô yile 18:6

Sa ng'ɔ fa yoli amun'n, an `nian su yo i wie, an `yo i wunsu sɔ kpɛ nnyɔn! Klowa ng'ɔ su nzan nun mannin amun'n, an `su nzan nga i kekle'n trɛ i liɛ'n kpa'n wie nun mɛn i .

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.

Jɔlɛ Difuɛ Mun 5:27

Ɔ kluli i bo lɛ nan ɔ'a tɔ. Ɔ ja lɛ. Kɛ ɔ kluli b'ɔ tɔli'n, kpɛkuun fɔuun ɔ'a jɔ.

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.