Matthieu 7:17 - NYANMIƐN NDƐ'N 1998

¹⁷ I kunngba nin-ɔn, waka kpa kwlaa su mma kpakpa, sanngɛ waka b'ɔ ti-man kpa'n kusu ɔ su-man mma kpakpa.

Nyanmien nde Ufle

¹⁷ I kunngba nion, waka kpa kwlaa su mma kpakpa, sannge waka b'o ti'a kpa'n kusu o su'a mma kpakpa.

Matthieu 7:17 Iomraidhean Croise

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Zeremi 11:19

Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»

Zeremi 17:8

Ɔ ti kɛ waka wie b'ɔ jin nzue nuan'n sa, bɔ i olui'm be trɛ kɔ nzue ba'n nuan'n sa. Wia'n ´bo-ɔ, i ndɛ nun-man nun. I nnya'n blo-man le. Afuɛ nga nzue'n ɔ'a tɔ-man-an, ɔ ti-mɛn i ndɛ mlɔnmlɔn. Ɔ yaci-man mma sulɛ le.

Matthieu 7:18

Waka kpa'n ɔ kwla su-man mma tɛtɛ, yɛ waka b'ɔ ti-man kpa'n ɔ kwla su-man mma kpakpa.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Jude 1:12

Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.