Matthieu 7:15 - NYANMIƐN NDƐ'N 1998

¹⁵ «An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Nyanmien nde Ufle

¹⁵ Anh sasa amun wun bé nga bé ton bé wun suen ke bé ti Nyanmien nuan idyofue'n bé lika. Bé fa bua kplô wla bé wun, bé ba amun wun, sannge bé ti gbôklô bé satyi nnen mun.

Matthieu 7:15 Iomraidhean Croise

1 Famiɛn Mun 13:18

Yɛ bian'n seli i kɛ: «M bɔbɔ n ti Nyanmiɛn nuan ijɔfuɛ kɛ wɔ sa. Anannganman fali ndɛ wlali anz kun nuan kɛ ɔ se min kɛ: ‹Ko fɛ i bla wɔ awlo wa nan ɔ di like ɔ nɔn nzue.› » Kannzu gblɛ yɛ ɔ kpɛ-ɔ.

Zeremi 29:21

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɔlaza i wa Akab nin Maazeza i wa Sedesias bɔ be tɔn bé wun suɛn kɛ be ijɔ mín nuan'n, bé wun ndɛ bɔ n kan'n yɛ: ‹An `nian, n ´fa be n ´wla Babilɔni famiɛn Nɛbikadnɛzar sa nun, ɔ ´kun be amun nyrun.

Zeremi 29:32

Anannganman'n wan yoo: «E nin Sɛmaɛza b'ɔ ti Neselamfuɛ nin i osu'n y'a nyɛn i. I fuɛ'm be nun kun sa i nyin su tran-man su nan se kɛ nɛnnɛn nga n ´di min nvlefuɛ mun'n ɔ ´wun nun. Sa ti b'ɔ ´yo sɔ'n yɛlɛ kɛ ɔ su sran'm be bo kɛ nán be nyin yi min.»

Ezekiɛl 13:16

Be nga be tɔn be wun suɛn kɛ be ti min nuan ijɔfuɛ Izraɛl mɛn'n nun, bɔ be kan sa nga be wa ju Zerizalɛm klɔ'n su'n, bɔ be waan aunjuɛ o lɛ kusu wuun aunjuɛ nun-man lɛ'n, be liɛ'n ɔ'a wie.» Anannganman Nyanmiɛn yɛ ɔ kan sɔ-ɔ.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Daniɛl 11:34

Yalɛ klelɛ sɔ nun'n, be ukafuɛ'm be su sɔn-man, afin be nga be ´jran bé sin'n, be ´yo i bé nuan bui su.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Zakari 13:4

I sɔ blɛ nun'n, be nga be tɔn be wun suɛn kɛ be ti min nuan ijɔfuɛ sɔ'm be aolia nun ninnge nga be wun i'n, i kanlɛ ´yo be nyannzuɛn. Ɔ su kpɛn-man be klun kɛ be `wla nnɛn ndrɛ tralɛ nan be `lakalaka sran mun kun.

Matthieu 10:17

An `sasa amún wun sran'm be lika, afin be wa fa amun kɔ jɔlɛ difuɛ'm bé ja su, be ´bo amun nin ngble be Nyanmiɛn ndɛ suanlɛ nin i srɛlɛ sua'm be nun.

Matthieu 16:11

?Kɛ n kan kleli amun kɛ an nian amún wun Farizifuɛ mun nin Sadisefuɛ'm be kpaun ayre'n i lika'n, ɔ yo sɛ ti yɛ amu'an wun-mɛn i wlɛ kɛ nán kpaun ndɛ yɛ n kan kleli amun-ɔn?»

Matthieu 16:6

Jésus seli be kɛ: «An `nian amún wun kpa Farizifuɛ mun nin Sadisefuɛ'm be kpaun ayre'n i lika.»

Matthieu 24:11

Sran kpanngban bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao laka sran kpanngban.

Matthieu 7:14

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 6:26

Kɛ sran'm be kwlaa be ´bo amun dunman kpa'n, an yako, afin kɛ be nannan'm be boli be bɔ be tɔn bé wun suɛn kɛ be ti Nyanmiɛn nuan ijɔfuɛ'n be dunman sɔ-ɔ!»

Jean 10:12

Sanngɛ bua sunianfuɛ'n b'ɔ ti-man bua tafuɛ, bɔ bua'm be ti-mɛn i liɛ'n, kɛ ɔ wun kɛ gboklo'n su ba'n, ɔ yaci be wanndi. Gboklo'n ɔ'a wlu be nun kpɛkuun b'a bo a sanndi.

Sa nga bé yôli'n 13:40

I sɔ'n ti an `sasa amún wun, nán man sa nga be klɛli i ndɛ Nyanmiɛn nuan ijɔfuɛ'm be fluwa'n nun ɔ tɔ amun su. Be klɛli i kɛ:

Sa nga bé yôli'n 13:6

Kɛ be kpɛli mɛn sɔ'n bɔ nzue sin yiɛ i'n, bɔ be juli Pafɔs'n, be toli atrɛ yifuɛ kun bɔ be flɛ i Bar-Jésus'n lɔ. Ɔ ti Zuif, ɔ tɔn i wun suɛn kɛ ɔ ti Nyanmiɛn nuan ijɔfuɛ.

Galasifuɛ Mun 2:4

San be nga be tɔn bé wun suɛn kɛ be ti e niaan'n, be yɛ be klo kɛ ɔ yo sɔ-ɔ. Be wluli e nun blɛlɛlɛlɛ kɛ be ´kpla e nian é ti bɔ e bɔ e nin Krist-Jésus y'a kaci sran wunmuan'n bɔ y'a nyɛn'n ti, be waan be ´fa e wla kanga'n nun.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Filipfuɛ Mun 3:2

An `sasa amún wun be bɔ be ti kɛ alua sa bɔ be yo sa tɛtɛ'n, bɔ be wla klɛn bé kplo'n su ngbɛn'n be lika.

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

2 Timote 4:3

Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

2 Piɛr 3:17

Sanngɛ amun bɔ an ti n sran kpa'n, bɔ an si sɔ laa'n, an `nian amun wun, kɛ ɔ ´yo nan amu'an su-man sran tɛtɛ bɔ be yo sa b'ɔ ti-mɛn i su'n, bé su nan amun ta a kpɔ-man.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.

Sa nglô yile 16:13

N wunnin like tɛtɛ nsan, be fin dragɔn'n, nin nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n bé nuan nun fiteli, like sɔ'm be ti kɛ klɛ sa .

Sa nglô yile 17:6

N wunnin bla sɔ'n, Nyanmiɛn i sran mun nin be nga be lafi Jésus su bɔ i ti be kunnin be'n, be mmoja'n ɔ'a bo bla sɔ'n kɛ nzan sa. Kɛ n wunnin i'n, ɔ boli mín nuan dan kpa.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.