Matthieu 7:14 - NYANMIƐN NDƐ'N 1998

¹⁴ Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

Nyanmien nde Ufle

¹⁴ Sannge anuan nin atin nga bé sin nun bé nyan nguan'n bé ti kaan, ye bé nga bé kunnde bé wuin'n, ba sonman.

Matthieu 7:14 Iomraidhean Croise

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Ezai 57:14

Anannganman wa se kɛ: «Amun `tike atin kun, amun `siesie i ye, amun `yi like ng'ɔ kata min nvle'n nunfuɛ'm be atin'n i kwlaa.»

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Matthieu 20:16

«Be nga be ka siɛn'n, be wa dun mmua, yɛ be nga be dun mmua'n, be kusu be wa ka siɛn.»

Matthieu 22:14

Yɛ Jésus seli kɛ: «Be flɛli sran kpanngban, sanngɛ be nun kaan sa yɛ be fali be-ɔ.»

Matthieu 7:13

«An `sin anuan fii'n nun, afin sɛ be sin anuan tɛtrɛ'n nun'n, be kpɛn atin dan'n bɔ i awieliɛ ti nyrɛnnɛn'n nun, yɛ be nga be fa atin sɔ'n su'n, be sɔnnin.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Marc 8:34

I sin ɔ flɛli sran mun nin i sɔnnzɔnfuɛ mun, ɔ seli be kɛ: «Sran nga i waan ɔ wa su n su'n, man ɔ klɛn i wun man min, ɔ suɛ i waka'n nan ɔ su n su.»

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 9:32

?Nguɛ ti-ɔ? Afin be kunndɛ-man kɛ be lafi Nyanmiɛn su nan be yo sran kpa, sanngɛ be bu kɛ be yo sran kpa, bé sa kpakpa bɔ be yo be'n bé ti. Bé ja kplali yɛbuɛ bɔ sran'm be fin ase su'n,