Matthieu 7:11 - NYANMIƐN NDƐ'N 1998

¹¹ Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

Nyanmien nde Ufle

¹¹ Se amun bo an ti te'n, an fa liké kpa tye amun mma mun'n, wuun amun Si b'o ô nyanmien su lo'n i kusu oh fah liké kpa man bé nga bé sre i'n kpe blu.

Matthieu 7:11 Iomraidhean Croise

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

2 Samiɛl 7:19

Yɛ sanngɛ min Min Anannganman, kan w'a fa ye a ju lɛ'n, ɔ ti kaan ɔ nyrun. ?Sa nga a wa yo man min osu'n nunfuɛ mun cɛn wie'n yɛ a su kɛn i ndɛ ekun-ɔn? ?Yɛ m bɔ n ti klɔ sran'n, yɛ a bo ndɛ nga su kle min-ɔn?

Zɔb I Nyrɛnnɛn Wunlɛ 15:16

yɛ ɔ waan sran b'ɔ ti kain, bɔ ɔ'a kplɔ, bɔ sa tɛ'n ti i nzue yɛ ɔ nɔn'n yɛ ɔ lafi i su-ɔ!

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Jue Mun 85:12

Sɛ e ´kwla se'n, nanwlɛ dilɛ'n fifi asiɛ wun kɛ waka mma sa. Sa i nuan su yolɛ'n fin nglo lɔ yɛ ɔ ba-a.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 49:15

Anannganman tɛli su kɛ: «?Bla ta kun wla fi i wa'n su? ?Ɔ si-mɛn i bɔbɔ i klun ba'n i aunnvuɛ? Kannzɛ i wla fi i wa'n su bɔbɔ'n, sanngɛ min liɛ'n, mín wla su fi-man amun su le.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 33:14

«Anannganman waan: ‹Cɛn wie lele Izraɛl osu'n nin Zida osu'm bé wun ndɛ fɛ nga n kannin'n, n ´yiɛ i nuan.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 23:9

Nán an flɛ klɔ sran fi amún si, afin amún Si'n ti kunngba cɛ, i yɛ ɔ o nyanmiɛn su lɔ nin-ɔn.

Matthieu 7:10

?Annzɛ sɛ ɔ se i kɛ ɔ `mɛn i kpatra'n ɔ fa wuo mɛn i-ɔ?

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Rɔmfuɛ Mun 3:9

?Sɛ ɔ ti sɔ'n, e ´yo i sɛ? ?E Zuif mun e ti kpa tra sran nga mun? Ɔ ti-man sɔ mlɔnmlɔn! Afin y'a dun mmua se kɛ sa tɛ'n ɔ'a ka sran'm be kwlaa be nun, Zuif mun o, sran wie mun o.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Galasifuɛ Mun 3:22

Sanngɛ e kɛnngɛn i Nyanmiɛn Ndɛ nga be klɛli'n nun kɛ sa tɛ'n ti mɛnmɛnfuɛ'm be kwlaa be nzuɛn. Ɔ yoli sɔ nan like nga Nyanmiɛn waan ɔ ´yo man sran'n, be nga be fa ndɛ sɔ'n su'n be nyɛn i Jésus-Krist bɔ be lafi i su'n ti.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 4:10

Klolɛ sɔ'n, nán e yɛ e kloli Nyanmiɛn-ɔn, i yɛ ɔ kloli ye-ɔ nan ɔ'a sunmɛn i Wa kunngba'n kɛ ɔ fɛ i wun yi é ti tɛ.