Matthieu 6:6 - NYANMIƐN NDƐ'N 1998

⁶ Sanngɛ ɔ liɛ'n, kɛ a nin Nyanmiɛn amun ´koko yalɛ'n, wlu ɔ́ sua ba'n nun lɔ nyin anuan'n nan a nin ɔ Si b'ɔ o nvialiɛ nun'n amu'an ijɔ, yɛ ɔ́ Si b'ɔ wun nvialiɛ nun sa'n, ɔ wa yo wɔ mo.

Nyanmien nde Ufle

⁶ Sannge o lie'n, ke a nin Nyanmien amunh kôkôh yale'n, wlu o sua ba'n nun lo nyin anuan'n nan a nin o Si b'o ô nvialie nun'n, amuan idyo, ye o Si b'o wun nvialie nun sa'n, o wa yô o mô.

Matthieu 6:6 Iomraidhean Croise

2 Famiɛn Mun 4:33

Yɛ ɔ wluli sua ba'n nun lɔ-ɔ, ɔ nyinnin be nnyɔn'n bé su anuan, nan ɔ'a srɛ Anannganman'n.

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Nyanndra Mun 25:22

Sɛ a yo sɔ'n, ɔ ti kɛ sɛnmlɛn nyannyan yɛ w'a tiɛn i nuan i ti'n su sa. Yɛ Anannganman kusu ɔ ´yo wɔ mo .

Ezai 26:20

Min nvle'n nunfuɛ mun, amun `ko wlu amún sua ba'm be nun, amun `nyin amun sin anuan. Amun `fia lele man Anannganman i ya'n ɔ jɔ ka nan amu'an fite.

Ezai 65:24

Yɛ m bɔbɔ n ´dun mmua n tɛ be su kwlaa nan b'a flɛ min, be nuan su tɔ-man nan m'an yo like nga be usa'n m'an man be.

Matthieu 14:23

Kɛ ɔ mannin sran'm be atin bɔ be ɔli'n, i ngunmin ɔli oka'n su lɔ kɛ ɔ nin Nyanmiɛn be ko koko yalɛ. Kɛ lika'n ´dun'n, wuun i kunngba yɛ ɔ o lɛ-ɔ.

Matthieu 6:18

nan ɔ'a yo-man kɛ a su fa ɔ́ wun kle sran mun kɛ a su kpɛ srɛ nun. Sanngɛ fa ɔ́ wun kle ɔ Si b'ɔ o nvialiɛ nun'n, yɛ ɔ Si b'ɔ si nvialiɛ nun sa mun'n, ɔ wa yo wɔ mo.»

Matthieu 6:4

nan like nga a fa man yalɛfuɛ'n ɔ'a yo nvialiɛ nun, nan ɔ Si b'ɔ wun nvialiɛ nun sa'n ɔ'a yo wɔ mo.»

Jean 1:48

Natanaɛl usɛli i kɛ: «?A si min nin?» Jésus seli i kɛ: «Kɛ Filip nian flɛ-man wɔ bɔ a o figie'n bo lɔ'n yɛ n wunnin wɔ-ɔ.»

Jean 20:17

Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Sa nga bé yôli'n 10:30

Yɛ Kɔrnɛyi seli i kɛ: «Le kun nnɔsua wia'n nun kɛ n wo ń sua lɔ bɔ n ´koko yalɛ kle Nyanmiɛn'n, n ´nian-an, bian kun bɔ i wun tralɛ ti nyɛnnyɛnnyɛn kpa'n yɛ, ɔ wa jrannin min nyrun lɛ. Kɛ ɔ yoli sɔ'n, i le nnan yɛ.

Sa nga bé yôli'n 10:9

Kɛ aliɛ cɛnnin'n, be fali atin'n. Kɛ be ´mantan klɔ nuan lɔ'n, wuun Piɛr kusu ɔ'a fu sua i ti gbagblagba'n su kɛ ɔ ko koko yalɛ kle Nyanmiɛn. Kɛ ɔ ´yo sɔ'n, wuun wia'n su wa jran.

Sa nga bé yôli'n 9:40

Piɛr man sran'm be kwlaa be fiteli, ɔ kotoli, ɔ koko sa sɔ'n kleli Nyanmiɛn, i sin ɔ kpɛli i nyin fuɛn'n i wun lɔ, nan ɔ'a se kɛ: «Tabita, jao!» Kɛ ɔ tikeli i nyin b'ɔ wunnin Piɛr'n, ɔ jao trannin ase.

Rɔmfuɛ Mun 8:5

Afin be nga klɔ sran nzuɛn'n tɛ yo be fɛ'n, klɔ sran ninnge'n yɛ ɔ lo be-ɔ, sanngɛ be nga be ti Nyanmiɛn Wawɛ'n liɛ'n, i ninnge'n yɛ ɔ lo be-ɔ.

Efɛzfuɛ Mun 3:14

I sɔ'n ti'n, n koto e Si'n i bo.