Matthieu 6:31 - NYANMIƐN NDƐ'N 1998

³¹ I sɔ'n ti, nán an koko se kɛ: ‹?Ndɛ nguɛ yɛ e ´di-ɔ? Annzɛ, ?Nguɛ yɛ e ´nɔn-ɔn? Annzɛ, ?Nguɛ yɛ e ´kla-a?›

Nyanmien nde Ufle

³¹ I so'n ti, nanh an kôkô sé ke: ?Nde nzu ye é dio? annze, ?Nzu ye é noon? annze, ?Nzu ye é klaa?

Matthieu 6:31 Iomraidhean Croise

2 Be Nyoliɛ 25:9

Amazia usali Nyanmiɛn nuan ijɔfuɛ'n kɛ: «?Yɛ jɛtɛ ufue tɔnun nsan nga n fa mannin Izraɛl sonja mun i nun ndɛ liɛ'n ti sɛ?» Ɔ tɛli i su kɛ: «Anannganman kwla yo man a ´nyan uflɛ b'ɔ ´tra ng'ɔ o lɛ'n.»

Jue Mun 111:5

Be nga bé nyin yi i'n, ɔ man be like be di. I wla fi-man aenguɛ ng'ɔ nin i fuɛ'm be trali'n .

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 55:22

I nuan nun ndɛ'n ti sa wɛtɛɛ, ɔ ti sa fɛfɛfɛ! Sanngɛ i like b'ɔ klo i'n yɛlɛ alɛ. I nuan nun ndɛ'm be ti kɛ ngo mɔntɔɔn wie sa, kusu wuun be la kpa kɛ kue sa.

Matthieu 15:33

I sɔnnzɔnfuɛ'm be usɛli i kɛ: «?E ´yo i sɛ nan y'a nyan like b'ɔ kwla ju sran kpanngban kɛ nga sa mun aawlɛ flɛnnɛn nga nun wa?»

Matthieu 4:4

Sanngɛ Jésus seli i kɛ, be klɛli i kɛ: «Nán aliɛ kunngba yɛ ɔ man sran nguan-an, sanngɛ ndɛ kwlaa ng'ɔ fin Nyanmiɛn nuan fite'n, i yɛ ɔ man sran nguan-an .»

Matthieu 6:25

I sɔ'n ti, n ´kan kle amun kɛ, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?Nguɛ yɛ e ´nɔn-ɔn? Annzɛ, ?E ´nyan tannin nin yɛ e ´kla-a? ?Nguan ndɛ'n ti-man cinnjin tra-man aliɛ'n? ?Be wunnɛn'n ti-man kpa tra-man tannin?› »

Matthieu 6:27

?Amun nun onin yɛ i kokolɛ nun ɔ kwla guɛ i afuɛ'n su bɔ kan-an ?

JÉSUS-CHRIST I DYASIN FE'N BO LUC KLELI'N 10:41

E Min'n seli i kɛ: «Mart, Mart, a koko, yɛ ɔ́ nyin blo like sunman su.»

JÉSUS-CHRIST I DYASIN FE'N BO LUC KLELI'N 12:11

Kɛ be ´fa amun kɔ Nyanmiɛn ndɛ suanlɛ nin i srɛlɛ sua'm be nun, ɔ nin jɔlɛ difuɛ mun nin kpɛnngbɛn'm bé ja su'n, nán an koko ndɛ nga amun ´kan nan amu'an nyan amún ti'n, nin i kanlɛ wafa nga amun ´kan'n,

JÉSUS-CHRIST I DYASIN FE'N BO LUC KLELI'N 12:22

Kɛ ɔ yoli sɔ'n, Jésus seli i sɔnnzɔnfuɛ'm be kɛ: «I sɔ'n ti, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?E ´nyan tannin nin yɛ e kla-a?›

JÉSUS-CHRIST I DYASIN FE'N BO LUC KLELI'N 12:29

Nán an bu like nga amun ´di'n nin nzue nga amun ´nɔn'n i akunndan, yɛ nán an sanngan amun wun akunndan.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

1 Piɛr 5:7

An `koko sa ng'ɔ o amun su'n i kwlaa kle i, afin i yɛ ɔ nian amun lika-a .