Matthieu 6:25 - NYANMIƐN NDƐ'N 1998

²⁵ I sɔ'n ti, n ´kan kle amun kɛ, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?Nguɛ yɛ e ´nɔn-ɔn? Annzɛ, ?E ´nyan tannin nin yɛ e ´kla-a? ?Nguan ndɛ'n ti-man cinnjin tra-man aliɛ'n? ?Be wunnɛn'n ti-man kpa tra-man tannin?› »

Nyanmien nde Ufle

²⁵ I so'n ti, nh kanh klé amun ke, nanh an kôkô ninngé bo an lemen'n ti sé ke: ?Nzu ye é dio? [?Nzu ye é noon?] annze, ?É nyan tannin nin ye é klaa? ?Nguan nde'n ti'a tyinndyin tra'a alie'n? ?Bé wunnen'n ti'a kpa tra'a tannin?

Matthieu 6:25 Iomraidhean Croise

Jue Mun 55:22

I nuan nun ndɛ'n ti sa wɛtɛɛ, ɔ ti sa fɛfɛfɛ! Sanngɛ i like b'ɔ klo i'n yɛlɛ alɛ. I nuan nun ndɛ'm be ti kɛ ngo mɔntɔɔn wie sa, kusu wuun be la kpa kɛ kue sa.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Matthieu 10:19

Sanngɛ blɛ nga be ´sanman amun'n, nán an koko ijɔlɛ wafa nga amun ´fa ijɔ'n, nin ndɛ nga amun ´ko kan'n ti. Ndɛ nga amun ´ko kan'n, Nyanmiɛn bɔbɔ wa kle amun dɔ kunngba sɔ'n su.

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Matthieu 6:31

I sɔ'n ti, nán an koko se kɛ: ‹?Ndɛ nguɛ yɛ e ´di-ɔ? Annzɛ, ?Nguɛ yɛ e ´nɔn-ɔn? Annzɛ, ?Nguɛ yɛ e ´kla-a?›

Matthieu 6:34

I sɔ'n ti, nán an koko ainman liɛ'n, afin ainman bɔbɔ yɛ ɔ ´kunndɛ i wun like-ɔ. Cɛn ba kun nun afɛ'n ɔ ju cɛn sɔ'n nun.»

Marc 13:11

Kɛ be ´fa amun ko man sran mun'n, nán an dun mmua bu ndɛ nga amun ´kan'n i akunndan, sanngɛ an `kan ndɛ nga Nyanmiɛn fa man amun dɔ sɔ'n su'n, afin nán amun yɛ amun ´ijɔ-ɔ, Nyanmiɛn Wawɛ'n yɛ ɔ ´ijɔ-ɔ.

Marc 4:19

sanngɛ mɛn'n nun ninnge'n i ngokoɛ'n, nin anyanbeun i klolɛ'n, nin bé nyin b'ɔ blo ninnge wie'm be su'n, ɔ tra Nyanmiɛn ndɛ'n, ɔ man ndɛ sɔ'n yo-man kpa.

JÉSUS-CHRIST I DYASIN FE'N BO LUC KLELI'N 12:11

Kɛ be ´fa amun kɔ Nyanmiɛn ndɛ suanlɛ nin i srɛlɛ sua'm be nun, ɔ nin jɔlɛ difuɛ mun nin kpɛnngbɛn'm bé ja su'n, nán an koko ndɛ nga amun ´kan nan amu'an nyan amún ti'n, nin i kanlɛ wafa nga amun ´kan'n,

JÉSUS-CHRIST I DYASIN FE'N BO LUC KLELI'N 8:14

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

1 Korɛntfuɛ Mun 7:32

N klo-man kɛ an koko sa fi su. Sran ng'ɔ lɛ-man bla'n, e Min'n i ninnge'm be akunndan yɛ ɔ bu-ɔ, yɛ ɔ yo sa nga b'ɔ man e Min'n i klun jɔ i wun'n.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

2 Timote 2:4

Sonja ng'ɔ ti sonja kpa bɔ i waan ɔ ´yo sa ng'ɔ ti i su kpɛn'n i klun su'n, ɔ fɛ-mɛn i wun wla-man like nga sran kun'm be yo'n nun.

1 Piɛr 5:7

An `koko sa ng'ɔ o amun su'n i kwlaa kle i, afin i yɛ ɔ nian amun lika-a .