Matthieu 6:24 - NYANMIƐN NDƐ'N 1998

²⁴ «Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

Nyanmien nde Ufle

²⁴ Swran kun min kwla yô'a nnyon, san oh kpoh kun, oh klôh kun, oh feh i wun mantan kun, ye oh yôh kun finfin. An kwla yô'a Nyanmien i swran, nan amun kunngba'n amuan yô sika'n i klôfue.

Matthieu 6:24 Iomraidhean Croise

Bo Bolɛ 47:17

Yɛ be ´fa be nnɛn'm be ´ba yɛ Zozɛf ´man be aliɛ-ɔ. Afuɛ sɔ'n nun be fali be nnɛn kpanngɔ mun, nin be bua mun, nin bé boli mun, nin be nannin mun, nin be aflunmun mun, be kwlakwla bali, kpɛkuun Zozɛf mannin be aliɛ.

1 Famiɛn Mun 18:21

Eli jrannin nzrafuɛ'm be nyrun, ɔ seli kɛ: «?Nan kɛ amun ´fa atin nnyɔn su tititi sa? Sɛ Anannganman yɛ ɔ ti Nyanmiɛn'n, amun `su i e! Sɛ kusu Baal yɛ ɔ ti Nyanmiɛn'n, amun `su i e!» Nzrafuɛ'm b'a tɛ-mɛn i su.

2 Famiɛn Mun 17:41

Nvle sɔ'n nunfuɛ'm be kunngba'n be su Anannganman, yɛ be kunngba'n be su be amuɛn mun. Be mma mun nin be anunman'm be kusu be yoli sa kunngba nga bé si'm be yoli'n wie. Lele ndɛ be tɛ yo i sɔ.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

JÉSUS-CHRIST I DYASIN FE'N BO LUC KLELI'N 16:11

?I sɔ'n ti, sɛ amun di-man nanwlɛ sika ng'ɔ man ndɛ sran'm be di-man nanwlɛ'n su'n, wan yɛ ɔ ´fɛ i like kpa man amun kɛ an fa sie-ɔ?

JÉSUS-CHRIST I DYASIN FE'N BO LUC KLELI'N 16:13

Sran kun i min'n kwla yo-man nnyɔn, san ɔ ´kpɔ kun ɔ ´klo kun, ɔ ´fɛ i wun mantan kun, yɛ ɔ ´yo kun finfin. An kwla fa-man Nyanmiɛn yo-man amun min, nan amun kunngba'n amu'an fa sika a yo amun min.»

JÉSUS-CHRIST I DYASIN FE'N BO LUC KLELI'N 16:9

I sɔ'n ti, amun kusu an `fa amun sika b'ɔ man ndɛ sran'm be di-man nanwlɛ'n, an `fa tra sran'm be janvuɛ nan cɛn nga amún sa nun wie'n, b'a sɔ amun nun anannganman tranwlɛ'n nun lɔ.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»