Matthieu 6:2 - NYANMIƐN NDƐ'N 1998

² I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Nyanmien nde Ufle

² I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo.

Matthieu 6:2 Iomraidhean Croise

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Jue Mun 37:21

Klunwifuɛ'n ɔ usa afɛ-ɔ, ɔ yi-man. Sran kpafuɛ'n ɔ si aunnvuɛ ti sɛ be usɛ i afɛ-ɔ, ɔ man.

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 20:6

Sran'm be pɛ lika be yi be bɔbɔ bé wun ayɛ. Sanngɛ sran ng'ɔ ti kpa'n be kunndɛ i-ɔ, be nyɛn-mɛn i.

Akunndanfuɛ'n 11:2

Fa wie cɛ sran kpanngban, afin a si-man nyrɛnnɛn ng'ɔ wa tɔ ɔ́ su nyanmiɛn'n bo wa cɛn wie-ɔ.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Matthieu 15:7

Dunman klofuɛ mun, amún wun ndɛ bɔ Ezai kannin'n ti nanwlɛ. Ɔ seli kɛ:

Matthieu 16:3

Yɛ nglɛmun an se kɛ nzue'n wa tɔ ndɛkɛn, afin wia'n tuli i bo ndɛ. An si nyanmiɛn su lɔ ninnge'm be nzɔliɛ, sanngɛ an si-man blɛ'm be nzɔliɛ.

Matthieu 22:18

Sanngɛ Jésus b'ɔ si be akunndan tɛ bɔ be bu'n, ɔ usali be kɛ: «?Gblɛ tofuɛ mun, nguɛ ti yɛ an kan min nian-an?

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Matthieu 23:6

Kɛ be ´di like nzra nun'n, be klo sran dandan'm be tranwlɛ'n nun tranlɛ, be klo Nyanmiɛn ndɛ suanlɛ nin i srɛlɛ sua nun bia kpakpa'm be su tranlɛ.

Matthieu 24:51

Ɔ ´kpɛkpɛ i nun, ɔ ´fɛ i wla dunman klofuɛ'm be nun kan be sun be di be je lɔ'n.»

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Matthieu 6:3

Sanngɛ ɔ liɛ'n, sɛ a ´fa like man yalɛfuɛ'n, nán man ɔ́ sa bɛ'n si nga ɔ́ sa fama'n yo'n

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Matthieu 7:5

Dunman klofuɛ, yi janvlɛ'n b'ɔ o ɔ́ nyin su'n ka, nan w'a wun ase a yi ɔ niaan'n i nyin su wla'n.

Marc 12:39

Kɛ be ´di like nzra nun'n, be klo sran dandan'm be tranwlɛ'n nun tranlɛ, yɛ be klo Nyanmiɛn ndɛ suanlɛ nin i srɛlɛ sua'n nun bia kpakpa su tranlɛ.

Marc 7:6

Jésus seli be kɛ: «Dunman klofuɛ mun, amún wun ndɛ bɔ Ezai klɛli'n ti nanwlɛ, afin ɔ klɛli i kɛ: ‹Sran nga'm be kɛn i bé nuan bui su kɛ be bu n sran, Sanngɛ be anwlɛn'n nun-man n su,

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

JÉSUS-CHRIST I DYASIN FE'N BO LUC KLELI'N 11:43

Amun Farizifuɛ mun, an yako! Yɛlɛ kɛ an klo Nyanmiɛn ndɛ suanlɛ nin i srɛlɛ sua nun bia kpakpa'm be su tranlɛ, yɛ an klo kɛ be yo amun like nzra nun.

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

JÉSUS-CHRIST I DYASIN FE'N BO LUC KLELI'N 12:56

Dunman klofuɛ mun, an si asiɛ'n su wa nin nyanmiɛn su lɔ ninnge'm be nzɔliɛ mun. ?Nguɛ ti yɛ an sie-man blɛ nga an wo nun yɛ'n i nzɔliɛ nin-ɔn?»

JÉSUS-CHRIST I DYASIN FE'N BO LUC KLELI'N 13:15

Yɛ e Min'n seli kɛ: «?Amun dunman klofuɛ mun, amun nun onin yɛ wunmiɛn-delɛ-cɛn nun ɔ nyannji-mɛn i nannin annzɛ i aflunmun b'ɔ o tuin'n nun'n ɔ ko mɛn-mɛn i nzue-ɔ?

JÉSUS-CHRIST I DYASIN FE'N BO LUC KLELI'N 20:46

«An `sasa amún wun mmla klefuɛ'm be lika, be klo tralɛ tɛnndɛn wla wlan sinlɛ, be klo kɛ be `yo be like nzra nun, be klo Nyanmiɛn ndɛ suanlɛ nin i srɛlɛ sua nun bia kpakpa su tranlɛ, yɛ kɛ be ´di like nzra nun'n, be klo sran dandan'm be tranwlɛ'n nun tranlɛ.

JÉSUS-CHRIST I DYASIN FE'N BO LUC KLELI'N 6:24

Sanngɛ amun anyanbeunfuɛ mun, an yako, afin amu'an dun mmua nyan amun klun ninnge liɛ'n!

JÉSUS-CHRIST I DYASIN FE'N BO LUC KLELI'N 6:42

?Wɔ bɔ a wun-man janvlɛ'n b'ɔ o ɔ bɔbɔ ɔ nyinma su'n, ɔ yo sɛ yɛ a se ɔ niaan'n kɛ: ‹Min niaan, jran man n yi ɔ́ nyin su wla nin-ɔn?› Dunman klofuɛ, yi janvlɛ'n b'ɔ o ɔ bɔbɔ nyin su'n ka nan w'a wun ase a yi ɔ niaan'n i nyin su wla'n.»

Jean 13:29

Kɛ bɔ Zidas yɛ ɔ sie be bɔlɛ'n ti, be wie'm be bu i kɛ ɔ seli i kɛ ɔ ko to like nga be ´fa di cɛn'n annzɛ ɔ `cɛ yalɛfuɛ'm be like wie.

Jean 5:41

N kunndɛ-man kɛ sran bo n dunman.

Jean 5:44

?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Jean 7:18

Sran ng'ɔ kpɛ i bɔbɔ klun kle like'n, ɔ kunndɛ i bɔbɔ dunman. Sanngɛ sran ng'ɔ kunndɛ kɛ sran ng'ɔ sunmɛnnin i'n nyan dunman'n, ɔ ti sran kpa, sa tɛ kaan sa bɔn-mɛn i wun.

Sa nga bé yôli'n 10:2

Ɔ nin i awlofuɛ'm be ngba be sro Nyanmiɛn. Ɔ yo yalɛfuɛ'm be ye kpa, ɔ koko yalɛ kle Nyanmiɛn tititi.

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Sa nga bé yôli'n 10:4

Yɛ Kɔrnɛyi niɛnnin i siin, srɛ kunnin i, ɔ usɛli i kɛ: «?Nannan, nguɛ-ɔ?» Yɛ anz'n seli i kɛ: «Ɔ like bɔ a srɛ Nyanmiɛn'n , ɔ ti, yɛ ye bɔ a yo yalɛfuɛ mun'n, ɔ wun i, i sɔ'n ti i wla o wɔ su.»

Sa nga bé yôli'n 11:29

Jésus sɔnnzɔnfuɛ'm be kwlaa be bo yoli kun kɛ sran'm be kwlakwla be fa like nga bé sa ju su'n be ko man aniaan nga be o Zide lɔ'n man be fa ti bé wun nyanman nun.

Sa nga bé yôli'n 24:17

Kɛ n tuli m bo Zerizalɛm lɛ b'ɔ dili afuɛ lɔuun'n, like nga be fa man yalɛfuɛ mun nin like nga be fa man Nyanmiɛn'n, n fa blɛli min nvlefuɛ mun.

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

1 Korɛntfuɛ Mun 13:3

Man n fa ń sa nun ninnge'n kwlaa n fa ta yalɛfuɛ mun, yɛ man n fa m bɔbɔ nannan su nan n nyan su dunman, sɛ n klo-man sran'n, ɔ yo-man sa fi ye man-man min.

Galasifuɛ Mun 2:10

Like kun nga be srɛli ye kɛ e yo'n yɛlɛ kɛ e `bu yalɛfuɛ mun bɔ be o be nun'n be akunndan, yɛ n kusu m miannin min nyin sa sɔ'n i yolɛ'n nun.

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.

1 Tɛsalonikfuɛ Mun 2:6

E kunndɛ-man kɛ amun annzɛ sran wie bo e dunman. Sanngɛ kɛ Krist sunmannin ye'n ti, sɛ e yo é wun kɛ e lɛ nyrun'n, wuun y'a bo-man aosuan.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

Filemɔn 1:7

N niaan bian, klolɛ nga a fa klo be'n ti'n, ɔ man ń wla gua ase yɛ n klun jɔ dan, afin wɔ man Nyanmiɛn i sran'm be anwlɛn tɔ nzue nun.

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!

1 Samiɛl 15:30

Sail waan: «M'an yo sa tɛ, sanngɛ ɔli nán gua mín nyin ase Izraɛl kpɛnngbɛn nin Izraɛlfuɛ'm be nyrun. Sa ɔ́ sin bla man n ko koto Anannganman b'ɔ ti ɔ Nyanmiɛn'n i bo.»