Matthieu 6:12 - NYANMIƐN NDƐ'N 1998

¹² Yaci sa nga e yo wɔ'n cɛ e kɛ e yaci be bɔ be yo é tɛ'n be liɛ'n cɛ be'n sa.

Nyanmien nde Ufle

¹² Yatyi sa nga é yô wo'n tye é, ke é yatyi, bé o bé yô é te'n, bé lie'n tye bé'n sa.

Matthieu 6:12 Iomraidhean Croise

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

1 Famiɛn Mun 8:34

kɛ a o Nyanmiɛn su lɔ'n, tie! Yaci bé wun sa'n cɛ be. Yɛ yo man be sa bé sin lika nga a fa mannin be nannan mun laa'n i nun.

1 Famiɛn Mun 8:39

kɛ a o ɔ tranwlɛ nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa mun-ɔn.

1 Famiɛn Mun 8:50

Yaci bé sa nga be yoli wɔ'n, ɔ nin be nyin bɔ ɔ'a yi-man wɔ'n kwlaa cɛ be. Yo man be kpɔfuɛ'm be si be aunnvuɛ.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 32:1

Jue nga ti David liɛ. I waan: Sran nga Nyanmiɛn yaci i fɔnlɛ cɛ i'n, i liɛ su ti ye! Sran nga Nyanmiɛn yaci i wun sa'n cɛ i'n, i liɛ su ti ye!

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Daniɛl 9:19

E Min, tie e ndɛ'n! E Min, yaci e fɔnlɛ'n cɛ ye! E Min, sie ɔ́ su! Min Nyanmiɛn, nian ɔ bɔbɔ ɔ ti nan bla wa yo e klɔ'n i kpa man ye, yɛ bu ɔ nvle nunfuɛ'm be akunndan afin be ti ɔ liɛ klonglo.› »

Matthieu 26:28

«Amun kwlaa an `nɔn nzan ng'ɔ o nun'n, afin nzan sɔ'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin sran'm be tra'n i nzɔliɛ. Sran sunman be ti yɛ be ´guɛ i ase-ɔ, ɔ man Nyanmiɛn ´yaci bé sa bɔ be yoli i'n cɛ be .

Matthieu 9:2

Be sua bubuwafuɛ kun tɛ nun blɛli i. Kɛ Jésus wunnin kɛ be lafi i su'n, ɔ seli bubuwafuɛ'n kɛ: «N wa, gua ɔ́ wla ase, sa nga a yoli Nyanmiɛn'n ɔ'a yaci a cɛ wɔ.»

Marc 11:25

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

JÉSUS-CHRIST I DYASIN FE'N BO LUC KLELI'N 11:4

Yaci sa nga e yo wɔ'n cɛ ye, afin e kusu, sran nga be yo ye sa'n, e yaci cɛ be kwlaa. Nán yaci ye lɛ man be laka ye.»

JÉSUS-CHRIST I DYASIN FE'N BO LUC KLELI'N 13:4

?Yɛ sran blu-nin-mɔcuɛ bɔ Silɔe akpa fleiin'n bu tɔli be su kunnin be'n, an bu i kɛ bé wun sa liɛ'n tra Zerizalɛmfuɛ'n kwlaa be liɛ'n?

JÉSUS-CHRIST I DYASIN FE'N BO LUC KLELI'N 6:37

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

Sa nga bé yôli'n 13:38

I sɔ'n ti, nja mun, man an si kɛ i dunman nun yɛ be kan é wun sa nga Nyanmiɛn yaci cɛ ye'n i ndɛ kleli amun-ɔn.

Efɛzfuɛ Mun 1:7

Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Kolɔsfuɛ Mun 3:13

Sa nga amun wiengu yo bɔ an wun i'n, man ɔ sɔn amun nun, sɛ sran kun yo i wiengu sa'n, man ɔ yaci cɛ i. Krist yacili sa nga an yoli i'n cɛli amun, ɔ man amun kusu, sa nga be yo amun'n, an `yaci cɛ.