Matthieu 6:10 - NYANMIƐN NDƐ'N 1998

¹⁰ man ɔ sielɛ blɛ'n ju, man e bɔ e wo asiɛ'n su wa'n e yo ɔ klun sa kɛ be bɔ be o nyanmiɛn su lɔ'n be yo'n sa.

Nyanmien nde Ufle

¹⁰ mon o siéle ble'n dyu, man é bo é ô asie'n su wa'n, é yô o klun sa ke bé bo bé ô nyanmien su lo'n, bé yô'n sa.

Matthieu 6:10 Iomraidhean Croise

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 40:8

I ti min waan: «Sɛ ɔ ti sɔ'n, m bɔbɔ m ba. Min wun ndɛ nga be kannin'n, ɔ o mmla fluwa'n nun.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 12:50

Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 26:42

Ɔ yaci be ɔli ekun nan ɔ'a se i Si kɛ: «N Si, sɛ ɔ ti-man bɔ nyrɛnnɛn wie nga to fuan min'n, man n wun nyrɛnnɛn sɔ'n. Sa nga a klo kɛ a ´yo'n, yo.»

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 4:17

Kɛ ɔ fin lɛ'n, Jésus boli Nyanmiɛn ndɛ'n kanlɛ'n bo, ɔ se kɛ: «An `kaci amun nzuɛn'n, afin Nyanmiɛn i sielɛ blɛ'n ɔ'a mantan.»

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Marc 11:10

Nyanmiɛn man famiɛn ng'ɔ ba e nannan David osu nun'n i famiɛn'n yo ye! Man Ozanna'n tɛ nyanmiɛn su lɔ!»

Marc 3:35

Sran ng'ɔ yo Nyanmiɛn klun sa'n, i yɛ ɔ ti min niaan bian, nin min niaan bla, nin min nin nin-ɔn.»

JÉSUS-CHRIST I DYASIN FE'N BO LUC KLELI'N 19:11

Kɛ be ´tie i ndɛ sɔ'n, Jésus buli be nyanndra kun yɛlɛ kɛ be su wa ju Zerizalɛm, yɛ be bu i kɛ ɔ cɛ kaan Nyanmiɛn wa yi i famiɛn'n nglo.

JÉSUS-CHRIST I DYASIN FE'N BO LUC KLELI'N 19:38

Be seli kɛ: «Famiɛn ng'ɔ ba e Min Nyanmiɛn dunman nun'n, man ɔ nyan nguan! Alaje o Nyanmiɛn lika lɔ. Man Nyanmiɛn manmanlɛ'n tɛ nyanmiɛn su lɔ !»

JÉSUS-CHRIST I DYASIN FE'N BO LUC KLELI'N 22:42

«N Si, sɛ ɔ ti ɔ klun su'n, man nyrɛnnɛn wie nga to fuan min! Sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.» [

Jean 4:34

Jésus seli be kɛ: «Min aliɛ'n yɛlɛ sran ng'ɔ sunmannin min'n i klun sa'n yolɛ nin junman ng'ɔ mannin min'n i bo guagualɛ.

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Sa nga bé yôli'n 13:22

Kɛ Nyanmiɛn tuli i famiɛn'n su'n, ɔ fa David sieli i osu. Ɔ kɛnnin i ndɛ kɛ: ‹N wunnin kɛ Izai i wa David ti min anwlɛn su sran, i liɛ'n, like kwlaa nga n se i kɛ ɔ yo'n, ɔ ´yo .›

Sa nga bé yôli'n 21:14

Kɛ i waan ɔ kplin-man su'n, e yacili i ndɛ, yɛ e seli kɛ: «Sa nga e Min'n waan ɔ ´yo'n, man ɔ yo!»

Sa nga bé yôli'n 22:14

Ɔ seli kɛ: ‹E nannan'm be Nyanmiɛn'n ɔ fali wɔ sieli kɛ a si i klun sa'n nan a wun Nanwlɛfuɛ'n yɛ a ti i nuan ndɛ'n.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Efɛzfuɛ Mun 6:6

Nán kɛ kɛ be o lɛ'n i ngunmin yɛ an yo i sɔ nan be klun jɔ amun wun-ɔn, sanngɛ kɛ an ti Krist i kanga'n ti'n, an `tu amun klun yo sa ng'ɔ ti Nyanmiɛn klun su'n.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

1 Tɛsalonikfuɛ Mun 4:3

Sa ng'ɔ yo Nyanmiɛn fɛ'n yɛlɛ kɛ an `kaci i liɛ mlɔnmlɔn yɛ nán an kunndɛ bla nin bian.

1 Tɛsalonikfuɛ Mun 5:18

Sa'n kwlaa nun, an `la Nyanmiɛn ase, afin kɛ amun nin Krist-Jésus amu'an kaci sran wunmuan'n ti'n, Nyanmiɛn klo kɛ an yo sɔ.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 10:7

Yɛ n seli kɛ: ‹Nyanmiɛn, min yɛ, n su ba ɔ klun sa yolɛ.› Afin be klɛli min wun ndɛ sɔ mmla fluwa'n nun .»

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.

1 Piɛr 4:2

Afin Kristfuɛ ng'ɔ wun nyrɛnnɛn'n, wuun ɔ nin sa tɛ'n b'a bu. Ɔ man cɛn nga an tɛ di i asiɛ'n su wa'n, an `fa yo Nyanmiɛn klun sa, nán an yo klɔ sran klun sa kun.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 12:10

Yɛ n tili sran kun nɛn kekle kpa nyanmiɛn su lɔ, sran sɔ'n ɔ seli kɛ: «Siɛn'n, Nyanmiɛn man sran'm b'a nyan bé ti, ɔ'a yi i famiɛn'n nin i kwlalɛ'n nglo. I Krist'n yɛ ɔ sie siɛn nin-ɔn. Afin e niaan'm be sanmanfuɛ b'ɔ sanman be Nyanmiɛn ja su wia nun nin kɔnguɛ'n, Nyanmiɛn ɔ'a kɛn i bo nyanmiɛn su lɔ .

Sa nglô yile 19:6

Yɛ n tili sran kpanngban wie'm be nɛn, be nɛn sɔ'n ɔ tɛ kɛ nzue dan b'ɔ sonji kpuu nin nyanmiɛn b'ɔ kpla dan'n sa. Be seli kɛ: «An `manman Nyanmiɛn! Afin Anannganman Nyanmiɛn b'ɔ kwla like kwlaa yo'n ɔ'a trɛn i bia'n su.

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .