Matthieu 5:7 - NYANMIƐN NDƐ'N 1998

⁷ Be nga be si aunnvuɛ'n, be liɛ su ti ye, afin Nyanmiɛn wa si be aunnvuɛ!

Nyanmien nde Ufle

⁷ Be nga bé si aunnvue'n, bé lie su ti yé, afin Nyanmien wa si bé aunnvue!

Matthieu 5:7 Iomraidhean Croise

2 Samiɛl 17:28

be bɛ mun, nin kpongbo mun, nin talie mun. Be blɛ be like diwa ekun, afin be se bé wun kɛ: «Sran sɔ'm b'a fɛ, yɛlɛ kɛ awe nin nzue we kunnin be aawlɛ flɛnnɛn'n nun lɔ.» Like diwa nga be fa bali'n yɛ: ble mma, ɔrz, ble sanmlɛn, ble mma kɛɛnwa, waka mma uflɛ mun, lanti, awɛma nzue, bɛr, bua mun, ɔ nin fromaz bɔ be fa nannin nyɔnflɛn nzue be yo'n.

2 Samiɛl 22:26

Sran ng'ɔ ti sran ndɛnman su'n, a nin i be nanti ye. Sran ng'ɔ ti kpa'n, a yo i kpa.

Jue Mun 112:4

Sran nga be ti sɛsɛfuɛ mun'n, be liɛ'n, kɛ aosin'n ɔ wla tuun'n, kpɛkuun Nyanmiɛn ɔ'a man be kannin. Sran ng'ɔ yaci sa cɛ'n, b'ɔ si aunnvuɛ'n, b'ɔ yo sa i nuan su'n, i kunngba nin-ɔn.

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Jue Mun 18:25

Yɛ sɛsɛ bɔ n ti'n, Anannganman kusu mannin min i nuan like. Sa tɛ bɔ m'an yo-man'n, ɔ mannin min i nuan like kusu.

Jue Mun 37:26

Be usɛ i afɛ-ɔ, ɔ mɛn i klun-ufue su titi. I mma mun nin i anunman'm be di ye.

Nyanndra Mun 11:17

Sran nga i klun ti ufue'n, i bɔbɔ wun kpa yɛ ɔ ´yo i lɛ-ɔ. Sran nga bɔ i klun yo wi'n, ɔ yo i bɔbɔ i wun tɛ.

Nyanndra Mun 11:25

Sran nga bɔ i klun ti ufue'n, ɔ nyɛn i klun-ufue sɔ'n i su nvasuɛ. Sran nga b'ɔ mɛn i wiengu nzue'n i kusu ɔ nyan nzue nɔn .

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Ezai 57:1

Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Ndɛ Nga Nyanmiɛn I Nuan Ijɔfuɛ Oze Kannin'n 1:6

Gɔmɛr wunnzɛli ekun, ɔ wuli ba bla kun. Yɛ Anannganman'n seli Oze kɛ: «Flɛ i kɛ Nsi-man-be-aunnvuɛ, yɛlɛ kɛ n su si-man Izraɛlfuɛ'm be aunnvuɛ kun, n su yaci-man bé wun sa n cɛ-man be kun.

Ndɛ Nga Nyanmiɛn I Nuan Ijɔfuɛ Oze Kannin'n 2:1

Sanngɛ cɛn kun wa ju, Izraɛlfuɛ'm be wa trɛ kaka kpa. Be ka be-ɔ be ko si-man bé nuan. Be ´sɔn kpa kɛ jenvie nuan aunnyan sa. Nyanmiɛn su se-man be kɛ: «Nán min sran yɛlɛ amun kun .» Be ´flɛ be kɛ: «Nyanmiɛn b'ɔ lafi-man'n i mma mun.»

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Marc 11:25

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Rɔmfuɛ Mun 11:30

Laa'n, amún nyin yi-man Nyanmiɛn, sanngɛ Zuif'm bé nyin kekle'n bɔ be yoli'n ti Nyanmiɛn a wun amun aunnvuɛ.

1 Korɛntfuɛ Mun 7:25

Bla nga be nian ja-man bian'n, be liɛ'n, e Min'n ɔ'a man-man min bé wun ndɛ, sanngɛ Nyanmiɛn i aunnvuɛ b'ɔ si min b'ɔ man sran'm be kwla fa bé wla gua n su'n ti, n ´kan n liɛ ng'ɔ o n klun'n.

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

1 Timote 1:16

Min bɔ ń sa tɛ liɛ'n tra sran'm be kwlaa be liɛ'n, Nyanmiɛn sili min aunnvuɛ, nan Krist-Jésus fɛ i anwlɛn b'ɔ trɛ i sran wun'n ´kle be nga be wa lafi i su bɔ be ´nyan anannganman nguan'n. Ɔ man be ´wun kɛ ɔ trɛ i anwlɛn bé wun wie.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .