Matthieu 5:6 - NYANMIƐN NDƐ'N 1998

⁶ Be nga be konvi sɔ Nyanmiɛn klun sa yolɛ'n kɛ awe nin nzue we kun sran sa'n, be liɛ su ti ye, afin be klun wa jɔ !

Nyanmien nde Ufle

⁶ Bé nga bé kônvi so Nyanmien klun sa yôle'n ke awé nin nzué wé kun swran sa'n, bé lie su ti yé, afin bé klun wa dyo!

Matthieu 5:6 Iomraidhean Croise

Jue Mun 107:9

Afin sran nga bɔ nzue we kunnin i'n, ɔ mɛnnin i nzue. Sran nga bɔ awe kunnin i'n, ɔ mɛnnin i aliɛ ɔ dili i ku yili.

Jue Mun 145:19

Be nga bé nyin yi i'n, ɔ fa like bɔ be kunndɛ'n man be. Ɔ ti be nɛn'n yɛ ɔ de be.

Jue Mun 17:15

N liɛ'n, m'an yo-man sa, ɔ man n nian wɔ-ɔ ɔ yo ye. Kɛ n lafi n tinnge'n b'ɔ n wun wɔ'n, n klun jɔ lele tra su.

Jue Mun 63:5

Kɛ min nyin tɛ o su'n, wɔ asenna'n su wie-man n sa nun le. M ´man n sa'm be su m ´manman wɔ.

Jue Mun 65:4

E fɔnlɛ nga e fɔn'n, e suɛn i bo-ɔ ɔ yo-man ye, sanngɛ a ´yaci be cɛ ye.

Jue Mun 84:2

Anannganman, wɔ bɔ a sie mɛn wunmuan'n, n klo ɔ sua nin o!

Nyanndra Mun 10:24

Like nga bɔ klunwifuɛ'n sro i'n i cɛ yɛ ɔ tɔ i su-ɔ. Yɛ like nga kusu bɔ sran kpa'm be kunndɛ'n, Nyanmiɛn man bé sa fua su.

Nyanndra Mun 21:21

Sran nga nanwlɛ dilɛ nin klun-ufue yolɛ'n ɔ yo i fɛ'n, i sɔfuɛ'n ɔ ´di mɛn ´cɛ. Be bu i sran kpa yɛ ɔ nyan nyrun.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezai 41:17

Yalɛfuɛ mun nin nyrɛnnɛnfuɛ'm be kunndɛ nzue, sanngɛ be nyan-man wie. Nzue we'n ti be konviabo ɔ'a wu kee. M bɔbɔ min Anannganman n wa tɛ be srɛlɛ'n su. M bɔbɔ min bɔ n ti Izraɛl Nyanmiɛn'n, n su kpɔci-man be.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Ezai 66:11

I liɛ'n, fɔnvɔlɛ ng'ɔ ´fɔnvɔ amun'n, amun klun wa jɔ kɛ ba nɔnman bɔ i nin nyɔnflɛn nzue fɛfɛ b'ɔ nɔn'n ɔ jɔ i klun'n sa.

Zeremi 31:25

Afin be kwlaa nga b'a fɛ'n, n ´gua be anwlɛn su nzue. Be kwlaa nga be fɛfɛ'n, n ´fa like ng'ɔ fata'n m ´man be.»

JÉSUS-CHRIST I DYASIN FE'N BO LUC KLELI'N 1:53

Be nga awe kun be'n, ɔ man be like kpakpa man be ku yi. Ɔ man anyanbeunfuɛ'm be fa bé sa ngbɛn kɔ.

JÉSUS-CHRIST I DYASIN FE'N BO LUC KLELI'N 6:21

Amun bɔ awe kun amun ndɛ'n, amun liɛ su ti ye, afin cɛn wie amun ku wa yi! Amun bɔ amun su sun ndɛ'n, amun liɛ su ti ye, afin cɛn wie amun wa sri!

JÉSUS-CHRIST I DYASIN FE'N BO LUC KLELI'N 6:25

Amun bɔ amun ku ɔ'a yi ndɛ'n, an yako, afin cɛn wie awe wa kun amun! Amun bɔ an su sri ndɛ'n, an yako, afin cɛn wie amun wa kaci sɛnvuɛ, yɛ amun ´sun!

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Jean 7:37

Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

Sa nglô yile 7:16

Awe su kun-man be kun, nzue we su kun-man be kun, wia'n su bo-man be kun, aunyɛyɛ su kun-man be kun .