Matthieu 5:5 - NYANMIƐN NDƐ'N 1998

⁵ Be nga be ti wɛtɛɛfuɛ'n, be liɛ su ti ye, afin mɛn'n ɔ wa yo be liɛ!

Nyanmien nde Ufle

⁵ Bé nga bé ti weteefue'n, bé lie su ti yé, afin men'n o wa yô bé lie!

Matthieu 5:5 Iomraidhean Croise

Jue Mun 147:6

Anannganman suan yalɛfuɛ'm bé bo. Ɔ kan klunwifuɛ'm be ase lele be tɔ asiɛ wun bɔ.

Jue Mun 149:4

Afin Anannganman i nvlefuɛ'm bé ti, i klun ti jɔwa. Ɔ bu be nga be kan bé wun ase'n be sran, i ti ɔ de be.

Jue Mun 22:26

Anannganman, wɔ yɛ man n kwla manman wɔ sran nga be yia kpanngban'n be nyrun-ɔn. Be nga be fa bé wla be gua ɔ su be nyrun'n, like nga n kan kleli wɔ kɛ n ´yo man wɔ'n, n ´yo.

Jue Mun 25:13

I sɔ sran liɛ'n, i wun jɔ i fɔuun. Mɛn'n ɔ ´yo i osu'n nunfuɛ'm be liɛ.

Jue Mun 25:9

Ɔ kle wun ase kanfuɛ mun kɛ be `fa yo sɛsɛ `ju'n. Ɔ fɛ i atin'n kle wun ase kanfuɛ mun.

Jue Mun 37:11

Yalɛfuɛ mun yɛ mɛn'n ɔ wa yo be liɛ-ɔ. Bé wun ´jɔ be kpa fɔuun !

Jue Mun 37:22

Be nga Anannganman yra be nguan'n, mɛn'n ɔ ´yo be liɛ. Be nga kusu bɔ be bo sannzan'n, be ´jaso lɛ.

Jue Mun 37:29

Mɛn'n ɔ ´yo sran kpa'm be liɛ. Be ´tran nun tititi.

Jue Mun 37:34

Fa ɔ wla gua Anannganman su, fɛ i atin'n su. Yɛ ɔ ´di wɔ nɛnnɛn, mɛn'n ɔ ´yo ɔ liɛ. Klunwifuɛ'm be nunnunlɛ'n ɔ ´yo ɔ nyrun.

Jue Mun 37:9

Be nga be yo sa tɛ'n, be ´kan bé bo. Yɛ be nga be fa bé wla gua Anannganman su'n, mɛn'n ɔ ´yo be liɛ.

Jue Mun 69:32

Anannganman, a klo i sɔ'n tra kɛ m'an kun nannin m'an man wɔ'n. A klo i sɔ'n tra nannin tola b'ɔ lɛ wunmiɛn kpa'n bɔ be kun i be man wɔ'n.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Matthieu 21:5

«Se Siɔn wa bla'n kɛ: Nian, ɔ famiɛn'n su ba ɔ sin. Ɔ ti wɛtɛɛfuɛ dan kpa, ɔ fu aflunmun su, ɔ fu aflunmun b'ɔ ti nnɛn b'ɔ sua trɔ'n i wa bɔ ɔ'a kpɛ cro'n i su .»

Rɔmfuɛ Mun 4:13

Nyanmiɛn seli Abraam kɛ mɛn'n ɔ ´yo i nin osu nunfuɛ'm be liɛ. Nán mmla'n b'ɔ fa su'n ti yɛ ɔ seli i sɔ-ɔ, sanngɛ i bɔbɔ Nyanmiɛn i su b'ɔ lafi b'ɔ i kusu bu i sran kpa'n ti yɛ ɔ seli i sɔ-ɔ .

Galasifuɛ Mun 5:23

be yo wɛtɛɛ, yɛ be yo sa i nuan su. B'a sie-man ninnge sɔ'm be su mmla fi.

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

Jacques 1:21

I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .

1 Piɛr 3:4

Sanngɛ man be wun amun klanman'n amun nzuɛn'n, nin amun anwlɛn wɛtɛɛ'n, ɔ nin diin bɔ an ti'n nun. Klanman sɔ'n wie-man, ɔ ti kpa Nyanmiɛn nyrun.