Matthieu 5:48 - NYANMIƐN NDƐ'N 1998

⁴⁸ I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

Nyanmien nde Ufle

⁴⁸ I so'n ti, anh yô swran kpa ke amun Si b'o ô nyanmien su lo'n ti kpa'n sa.

Matthieu 5:48 Iomraidhean Croise

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

2 Samiɛl 22:31

Nyanmiɛn'n i atin'n ti kpa ngboko. I nuan nun ndɛ mun'n, fiɛn nun-man bé wun. Be nga be fa be wla guɛ i su'n ɔ ti kɛ be nyrɛn sa.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Saun Yolɛ 11:44

M bɔbɔ min yɛ n ti Anannganman amun Nyanmiɛn nin-ɔn, amun `siesie amun nin min ye afiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ ´fa min liɛ'n. I sɔ'n ti nnɛn nga bɔ be cuɛn be wun ase'n, nán amun kan be nan fiɛn ɔ'a kan-man amun.

Saun Yolɛ 19:2

ɔ `kan ndɛ yɛ mun kle Izraɛlfuɛ mun. I waan: «Min yɛ n ti Anannganman amun Nyanmiɛn nin-ɔn. Man amun nzuɛn'n ɔ fa min liɛ'n. Afin min nzuɛn liɛ'n nin klɔ sran liɛ'n ti-man kun .

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Matthieu 5:47

?Sɛ an yo amun niaan'm be ngunmin be like'n, wuun nzu like dan yɛ amu'an yo-ɔ? ?Be bɔ be ti-man Zuif mun bɔbɔ be yo-man be niaan'm be like?

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

JÉSUS-CHRIST I DYASIN FE'N BO LUC KLELI'N 6:40

Sran b'ɔ suan like'n ti-man dan tra-man sran b'ɔ kle i like'n, sanngɛ sran kwlaa b'ɔ wie i like'n suan'n, ɔ yo kɛ sran b'ɔ kle i like'n sa.

2 Korɛntfuɛ Mun 13:11

Aniaan mun, min ndɛ'n i atabo'n yɛ: Nyanmiɛn man amun klun jɔ. An `kaci, an `yo sran kpa, an `fa min ndɛ'n su, man amún bo yo kun, yɛ an `di anuansɛ. Yɛ Nyanmiɛn b'ɔ klo sran'n b'ɔ man e di alaje'n, ɔ nin amun ´tran.

2 Korɛntfuɛ Mun 13:9

Kɛ e wun kɛ e kwla-man like fi yo'n, bɔ e wun kɛ an jran kekle'n, ɔ yo e fɛ. E ´srɛ Nyanmiɛn kusu kɛ an kaci nan an yo sran kpa.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Efɛzfuɛ Mun 3:1

I sɔ'n ti'n, m Pɔl n ti Krist-Jésus i bisuafuɛ amun bɔ an ti-man Zuif'n amun ti.

Mmla'n 18:13

Amun liɛ'n, amun `nanti Anannganman amun Nyanmiɛn'n i atin'n su seiin.

Mmla'n 27:10

Amun nyin `yi Anannganman amun Nyanmiɛn'n, yɛ amun `fɛ i nuan ndɛ'n nin i mmla nga n fa sieli amun nyrun ndɛkɛn'n be su.»

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Jacques 1:4

An `tra amun anwlɛn lele guɛ i ti nin i bo nan amu'an yo sran, yɛ like fi su mian-man amun.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.