Matthieu 5:46 - NYANMIƐN NDƐ'N 1998

⁴⁶ ?Afin sɛ an klo amun klofuɛ'm be ngunmin'n, nguɛ like yɛ amun ´nyɛn i-ɔ? ?Gua bo sika defuɛ mun bɔbɔ be klo-man be klofuɛ mun?

Nyanmien nde Ufle

⁴⁶ ?Afin se an klô amun klôfue'm bé ngunmin'n, nzu liké ye amunh nyenh io? ?Guabô sika défue mun bobo bé klô'a bé klôfue mun?

Matthieu 5:46 Iomraidhean Croise

Matthieu 11:19

M bɔ n kacili Sran'n m bali, n di like yɛ n nɔn nzan, i ti sran'm be waan n ti aliɛ safuɛ nin nzan nɔnfuɛ, yɛ n ti gua bo sika defuɛ nin sa tɛtɛ yofuɛ'm be janvuɛ. Nyanmiɛn i nyoliɛ'n kle kɛ ɔ ti ngwlɛlɛfuɛ.»

Matthieu 18:17

Sɛ ɔ fa-man be ndɛ'n su'n, kɛn i asɔnunfuɛ'm be nyrun, sɛ ɔ fa-man'n, bu i kɛ sran b'ɔ nun-man amun nun sa, bu i kɛ gua bo sika defuɛ sa.»

Matthieu 5:47

?Sɛ an yo amun niaan'm be ngunmin be like'n, wuun nzu like dan yɛ amu'an yo-ɔ? ?Be bɔ be ti-man Zuif mun bɔbɔ be yo-man be niaan'm be like?

Matthieu 6:1

«An `nian amún wun nán an yo amún sa kpa bɔ Nyanmiɛn sulɛ'n ti yɛ an yo'n, sran'm be ti. Sɛ an yo sɔ'n, an su nyan-man like fi amun Si b'ɔ o nyanmiɛn su lɔ'n i sa nun.

Marc 2:15

Kɛ Jésus nin i sɔnnzɔnfuɛ'm be ´di like Levi awlo lɔ'n, gua bo sika defuɛ kpanngban nin sa tɛtɛ yofuɛ'm be o be nun wie, afin be nga be su i su'n be sɔnnin.

Marc 2:16

Kɛ mmla klefuɛ bɔ be ti Farizifuɛ'n be wunnin kɛ ɔ nin gua bo sika defuɛ mun nin sa tɛtɛ yofuɛ mun be su di like'n, be seli i sɔnnzɔnfuɛ'm be kɛ: «?Nguɛ ti yɛ ɔ nin gua bo sika defuɛ mun nin sa tɛtɛ yofuɛ mun di like-ɔ?»

JÉSUS-CHRIST I DYASIN FE'N BO LUC KLELI'N 15:1

Le kun gua bo sika defuɛ mun nin sa tɛtɛ yofuɛ'm be kwlaa be bali Jésus wun lɛ kɛ be ´tie i ndɛ'n.

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

JÉSUS-CHRIST I DYASIN FE'N BO LUC KLELI'N 19:2

bian anyanbeunfuɛ kun bɔ be flɛ i kɛ Zase'n, b'ɔ ti gua bo sika defuɛ'm be su kpɛn'n,

JÉSUS-CHRIST I DYASIN FE'N BO LUC KLELI'N 19:7

Kɛ sran'm be wunnin i sɔ'n, be kwlaa be kɛnnin i ndɛ, be seli kɛ: «Ɔ'a ko sike bian sa tɛtɛ yofuɛ'n.»

JÉSUS-CHRIST I DYASIN FE'N BO LUC KLELI'N 3:12

Gua bo sika defuɛ'm be bɛli i wun lɛ kɛ ɔ yo be batɛm, be usɛli i kɛ: «?Nja, nguɛ yɛ e kusu e `yo-ɔ?»

JÉSUS-CHRIST I DYASIN FE'N BO LUC KLELI'N 5:29

Jésus ti Levi tɔnnin aliɛ dan kpa, ɔ yiɛli i kɛ ɔ wa di like i awlo lɔ. Gua bo sika defuɛ kaka kpa be nin sran wie mun be bali like sɔ'n dilɛ wie.

JÉSUS-CHRIST I DYASIN FE'N BO LUC KLELI'N 5:30

Farizifuɛ'm be nin be mmla klefuɛ'm be ijɔli be konviabo, be usɛli i sɔnnzɔnfuɛ'm be kɛ: «?Nguɛ ti yɛ amun nin gua bo sika defuɛ nin sa tɛtɛ yofuɛ mun be nɔn nzan, be di like-ɔ?»

JÉSUS-CHRIST I DYASIN FE'N BO LUC KLELI'N 7:29

Sran nga be tili i ndɛ'n be kwlaa be nin gua bo sika defuɛ mun be buli Nyanmiɛn ndɛ'n i nanwlɛ, afin be yɛ Zan yoli be batɛm nin-ɔn.

JÉSUS-CHRIST I DYASIN FE'N BO LUC KLELI'N 7:34

M bɔ n kacili Sran'n n kusu m bali, n di like, n nɔn nzan, amun waan n ti aliɛ safuɛ, nin nzan nɔnfuɛ, yɛ amun waan n ti gua bo sika defuɛ nin sa tɛtɛ yofuɛ'm be janvuɛ.