Matthieu 5:44 - NYANMIƐN NDƐ'N 1998

⁴⁴ Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

Nyanmien nde Ufle

⁴⁴ Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.

Matthieu 5:44 Iomraidhean Croise

2 Famiɛn Mun 6:22

Elize tɛli i su kɛ: «Nán kun be! ?I kpa'n, be nga a kɔ alɛ kunlɛ bɔ a tra be yo ɔ kanga'n, a kun be? Man be aliɛ man be di, man be nzue man be nɔn, nan yaci be nun man be wɔ be min'n sin.»

Jue Mun 7:4

Anannganman min Nyanmiɛn, sɛ n yoli sa sakpa'n, sɛ n yoli sa tɛ'n,

Nyanndra Mun 19:11

Sran ng'ɔ si ngwlɛlɛ'n ɔ fa-man ya ndɛndɛ. Sa nga be yo i'n, ɔ yaci cɛ, i sɔ yolɛ yɛ ɔ kunndɛ-ɔ.

JÉSUS-CHRIST I DYASIN FE'N BO LUC KLELI'N 23:34

Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

Jean 13:34

M ´man amun mmla kun ekun: an `klo amun wiengu. Klolɛ nga n fa kloli amun'n, amun kusu an `fa klo amun wiengu sɔ.

Sa nga bé yôli'n 16:28

Yɛ Pɔl kpannin kekle kpa kɛ: «Nán yo ɔ́ wun like fi, e kwlaa e o wa!»

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Rɔmfuɛ Mun 12:14

Be nga be kle amun yalɛ'n, an `yra amún nuan kɛ Nyanmiɛn yo be kpa. Nán an wua be amuɛn, sanngɛ an `se Nyanmiɛn kɛ ɔ yo be kpa.

1 Tɛsalonikfuɛ Mun 5:15

An `nian amun wun kpa, sɛ sran yo amun tɛ'n, nán an yo i wie, sanngɛ man kpa nga an fa yo amun wiengu'n nin sran'm be kwlaa'n ɔ kaci amun nzuɛn.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ:

1 Samiɛl 24:17

Kɛ David wieli ijɔ'n, Sail seli i kɛ: «?Mín wa, David, wɔ yɛ a kan ndɛ nin-ɔn?» Kpɛkuun ploploploplo Sail su sun.