Matthieu 5:42 - NYANMIƐN NDƐ'N 1998

⁴² Sran ng'ɔ srɛ ɔ like'n, fa mɛn i, yɛ sran ng'ɔ klo kɛ ɔ ´fɛ like ɔ́ sa nun'n, nán kaci ɔ́ sin si i .»

Nyanmien nde Ufle

⁴² Swran ng'o sre o liké'n fa men, ye swran ng'o klô ke o fe liké o sa nun'n, nanh katyi o sin sii.

Matthieu 5:42 Iomraidhean Croise

Jue Mun 37:21

Klunwifuɛ'n ɔ usa afɛ-ɔ, ɔ yi-man. Sran kpafuɛ'n ɔ si aunnvuɛ ti sɛ be usɛ i afɛ-ɔ, ɔ man.

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 21:26

I konvi'n jaso-man ninnge'm bé su le. Sran kpa'n kusu, ɔ ´man sran like-ɔ ɔ bu-mɛn i sin.

Akunndanfuɛ'n 11:6

I sɔ'n ti'n, lua ɔ ninnge mun nglɛmun nun lele fa ju nnɔsua nun, nán de wunmiɛn. Afin a si-man ng'ɔ wa yo kpa-a, sɛ nglɛmun nun liɛ'n nin o, sɛ nnɔsua nun liɛ'n nin o, sɛ kusu nglɛmun nun liɛ'n nin nnɔsua nun liɛ'm be nnyɔn yɛ be ´yo kpa o.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Matthieu 5:41

Sɛ sran wie mian wɔ kɛ a `ko sunmɛn i lika kilo kun'n, sunmɛn i ju kilo nnyɔn.

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

Rɔmfuɛ Mun 12:20

Be klɛli i ekun kɛ: «Sɛ awe kun ɔ kpɔfuɛ'n, mɛn i like man ɔ di. Sɛ nzue we kun i'n, mɛn i nzue man ɔ nɔn. Afin sɛ a yo sɔ'n, ɔ ti kɛ sɛnmlɛn nyannyannyan yɛ w'a tiɛn i nuan i ti su sa .»

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.