Matthieu 5:4 - NYANMIƐN NDƐ'N 1998

⁴ Be nga bé wla a bo'n, be liɛ su ti ye, afin Nyanmiɛn wa fɔnvɔ be !

Nyanmien nde Ufle

⁴ Bé nga bé wla a bô'n, bé lie su ti yé, afin Nyanmien wa fonvo bé!

Matthieu 5:4 Iomraidhean Croise

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 30:19

Siɔnfuɛ mun, amun bɔ amun tran Zerizalɛm, amun su sun-man mlɔnmlɔn kun le. Sɛ amun kpan flɛ Anannganman'n, ɔ ´si amun aunnvuɛ. Sɛ ɔ ti amun ngan'n, ɔ ´ka lɛ tɛ amun su.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 57:18

N wun be nantilɛ wafa'n, sanngɛ n wa kaci be, n ´dun mmua be nyrun, n ´fɔnvɔ be, yɛ n ´fɔnvɔ be nga be nin be o sɛ nun'n mun.

Ezai 66:10

Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

JÉSUS-CHRIST I DYASIN FE'N BO LUC KLELI'N 16:25

Yɛ Abraam seli i kɛ: ‹?N wa, ɔ́ wla fi kɛ kɛ a wo asiɛ'n su lɔ'n, a nyannin ɔ ninnge kpakpa'n kwlaa? Lazar kusu wunnin i nyrun. Siɛn'n, ɔ o wa, i wla a gua ase, ɔ kusu a su wun ɔ nyrun.

JÉSUS-CHRIST I DYASIN FE'N BO LUC KLELI'N 6:21

Amun bɔ awe kun amun ndɛ'n, amun liɛ su ti ye, afin cɛn wie amun ku wa yi! Amun bɔ amun su sun ndɛ'n, amun liɛ su ti ye, afin cɛn wie amun wa sri!

JÉSUS-CHRIST I DYASIN FE'N BO LUC KLELI'N 6:25

Amun bɔ amun ku ɔ'a yi ndɛ'n, an yako, afin cɛn wie awe wa kun amun! Amun bɔ an su sri ndɛ'n, an yako, afin cɛn wie amun wa kaci sɛnvuɛ, yɛ amun ´sun!

JÉSUS-CHRIST I DYASIN FE'N BO LUC KLELI'N 7:38

Bla sɔ'n fa parfɛn albatri sɛ kun bali, ɔ jrannin Jésus i ja wun lɛ, ɔ sunnin, i nyinmuɛn'n guali Jésus i ja'n su, ɔ fɛ i ti ndrɛ'n nunnunnin, ɔ koto trɛli i ja'n yɛ ɔ fa parfɛn sɔ'n guɛli i ja wun.

JÉSUS-CHRIST I DYASIN FE'N BO LUC KLELI'N 7:50

Yɛ ɔ seli bla'n kɛ: «N wa bla, gua ɔ́ wla ase. Kɛ a lafi su kɛ n kwla yo wɔ juejue'n ti, w'a yo juejue.›

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Sa nglô yile 21:4

Ɔ ´nunnun be nyinmuɛn'n kwlaa, wie'n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ'm be su tran-man lɛ kun .»