Matthieu 5:37 - NYANMIƐN NDƐ'N 1998

³⁷ Sɛ an se kɛ ɛɛn, man ɔ ka su, yɛ sɛ an se kɛ cɛcɛ'n, man ɔ ka su, afin ndɛ nga be kan gua su'n ɔ fin Klunwifuɛ'n .»

Nyanmien nde Ufle

³⁷ Se an sé ke, iyô'n, mon o ka su, ye se an sé ke, tyetye'n, mon a ka su, afin nde nga bé kan gua su'n o fin Klunwifue'n.

Matthieu 5:37 Iomraidhean Croise

Matthieu 13:19

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Matthieu 13:38

Awie fie'n yɛlɛ mɛn'n, awie'n yɛlɛ Nyanmiɛn mma mun, yɛ awie ijre'n yɛlɛ Klunwifuɛ'n i mma mun.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 5:36

Yɛ nán amun ta amun bɔbɔ an wun nda, afin amun kwla yo-man amun ti ndrɛ kun ufue annzɛ ble.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Jean 17:15

N srɛ-man wɔ kɛ a yi be mɛn'n nun, sanngɛ n ´srɛ wɔ kɛ Klunwifuɛ'n ti a `nian bé su.

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Efɛzfuɛ Mun 6:16

Sa kwlaa ng'ɔ tɔ amun su'n, man Krist su bɔ an lafi'n ɔ yo kɛ amun nyrɛn sa nan Klunwifuɛ'n i ta'n b'ɔ sɔ i nuan to'n, i kwlaa'n wie su.

Kolɔsfuɛ Mun 3:9

Nán an bua ato kle amun wiengu, afin amu'an wla amun nzuɛn laa b'ɔ man an yo sa tɛtɛ'n i ase,

Kolɔsfuɛ Mun 4:6

Man amun ijɔlɛ wafa'n yo sran'm be fɛ, man amún nuan nun ndɛ'n yo fɛ kɛ njin sa nan amu'an tɛ sran ng'ɔ usa amun sa'n, i su klanman.

2 Tɛsalonikfuɛ Mun 3:3

Sanngɛ e kwla fa é wla gua e Min'n su. Ɔ ´wla amun fanngan yɛ ɔ ´nian amun su ɔ man Klunwifuɛ'n su nyan-man amun.

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .

1 Jean 2:13

N si mun, n ´klɛ fluwa nga m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa nga m blɛ amun yɛlɛ kɛ an kwlali Klunwifuɛ'n.

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

1 Jean 5:18

Sran kwlaa ng'ɔ ti Nyanmiɛn wa'n, e si kɛ ɔ ka-man sa tɛ yolɛ'n su, afin Nyanmiɛn Wa'n sɛsɛ i, ɔ man Klunwifuɛ'n kwla yo-mɛn i sa fi.