Matthieu 5:34 - NYANMIƐN NDƐ'N 1998

³⁴ Sanngɛ n liɛ'n, n ´kan kle amun kɛ, nán an ta sran fi nda mlɔnmlɔn, nán an flɛ nyanmiɛn su lɔ'n be di, afin ɔ ti Nyanmiɛn i bia .

Nyanmien nde Ufle

³⁴ Sannge n lie'n, nh kanh klé amun ke, nanh an ta swran fi nda mlonmlon, nanh an fle nyanmien su lo'n bé di, afin o ti Nyanmien Kpli'n i bia.

Matthieu 5:34 Iomraidhean Croise

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

Akunndanfuɛ'n 9:2

Sa nga be ju sran'm be kwlakwla bé su'n, i kwlaa ti kunngba. Sran kpa'n i agualiɛ'n nin sran tɛ'n i agualiɛ'n be ti kunngba. Sa ng'ɔ ju sran kpa nin sran ng'ɔ ti saun Nyanmiɛn nyrun bé su'n, i sɔ sa kunngba'n ju sa tɛ yofuɛ'n su. Sran ng'ɔ yi sraka o, sran ng'ɔ yi-man sraka o, klun-ufuefuɛ o, klunwifuɛ o, sran ng'ɔ ta Nyanmiɛn nda o, sran nga be sro nda talɛ o, be awieliɛ'n ɔ ti kunngba.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Sa nga bé yôli'n 7:49

‹Nglo lɔ'n ti m bia, yɛ asiɛ'n ti aaba bɔ n takataka ń ja su. ?Nguɛ sua yɛ an kwla kplan man min-ɔn? ?Yɛ ninfan yɛ n ´de wunmiɛn-ɔn?

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .