Matthieu 5:3 - NYANMIƐN NDƐ'N 1998

³ «Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

Nyanmien nde Ufle

³ Bé nga bé si ke bé di Nyanmien ninngé'm bé yale'n, bé lie su ti yé, afin Nyanmien men'n nun ninngé kpakpa'm bé ti bé lie!

Matthieu 5:3 Iomraidhean Croise

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

2 Be Nyoliɛ 33:23

Ɔ'a bu-mɛn i wun fɔ Nyanmiɛn nyrun kɛ i si Manase liɛ'n sa. I sa tɛ ng'ɔ yoli ɔ tratrali i si liɛ'n su.

2 Be Nyoliɛ 34:27

Kɛ a tili klɔ nga nin i nun sran'm bé wun ndɛ bɔ n kannin'n, ɔ wluli ɔ́ wun. Ɔ man a kannin ɔ wun ase min bo, a titili ɔ́ wun tralɛ'm be nun, yɛ a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

2 Be Nyoliɛ 7:14

amun bɔ amun ti min nvle nunfuɛ'm bɔ min dunman'n wo amun su'n, sɛ amun kan amun wun ase'n, sɛ amun srɛ min'n, sɛ amun fa amun wun mantan min'n, yɛ sɛ amun yaci amun nzuɛn tɛtɛ'n, kɛ n wo nyanmiɛn su lɔ'n, n ´sie min su n ´tie amun srɛlɛ'n. N ´yaci amún wun sa mun n ´cɛ amun, yɛ n ´yo man amun mɛn'n ´yo kpa sin i osu laa'n nun.

Zɔb I Nyrɛnnɛn Wunlɛ 42:6

Ɔ man nga n kannin'n, m'an se-man sɔ kun. N ´tran ndutre nin nzuɛn'n nun, n ´kan min wun ase.»

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 128:1

Zerizalɛm kɔlɛ'n i su jue. Sran nga i nyin yi Anannganman'n, b'ɔ nanti i atin'n su'n, i liɛ su ti ye!

Jue Mun 146:5

Sran nga bɔ Zakɔb i Nyanmiɛn'n yɛ ɔ ti i ukafuɛ'n, b'ɔ fɛ i wla gua Anannganman b'ɔ ti i Nyanmiɛn'n i su'n, i liɛ su ti ye!

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 34:18

Kɛ Anannganman i sufuɛ nanwlɛfuɛ'm be flɛ i'n, ɔ sie i su tie. Yɛ ɔ man nyrɛnnɛn ng'ɔ o be su'n i kwlaa wie.

Jue Mun 41:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 51:17

Min Min, uke mín nuan'n man m manman wɔ.

Jue Mun 84:12

Afin Anannganman Nyanmiɛn ti kɛ wia sa, yɛ ɔ sasa e kɛ nyrɛn sa. Anannganman yo sran ye, yɛ ɔ yo man sran nyrun ba nyan. Be nga be nantilɛ'n ti sein'n, Anannganman man ninnge kpakpa'n kwlaa ti sin yia be.

Nyanndra Mun 16:19

Kɛ a nin wun tufuɛ'n amún bo ko yo kun amun ko cɛ like nga be nyɛn i alɛ nun'n be ko fa'n, ɔ flunman kɛ a kan ɔ́ wun ase nan a nin yalɛfuɛ'm be tran.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Nyanndra Mun 8:32

Min mma mun, an `sie amún su mín nuan'n bo. Be nga bɔ be fa min atin'n su'n, be liɛ su ti ye!

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

Matthieu 11:6

Sran nga i ti nun a saci-man min ti'n, i liɛ su ti ye!»

Matthieu 13:16

Sanngɛ amun liɛ'n, amun liɛ su ti ye, afin an wun ase, yɛ an ti sa!

Matthieu 19:14

Yɛ Jésus seli be kɛ: «An `yaci ba kanngan'm be nun man be bla min sin, nán an fuan be, afin be bɔ be yo bé wun kɛ ba kanngan nga'm be sa'n, be yɛ Nyanmiɛn sie be-ɔ.»

Matthieu 24:46

Junman difuɛ nga kɛ i min'n ´ba'n ɔ di i junman sɔ'n, i liɛ su ti ye!

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 8:11

N ´kan kle amun kɛ, sran sunman be wa fin wia afiliɛ nin wia atɔliɛ be ´ba, be nin Abraam, nin Izaak, nin Zakɔb be ´tran tabli sin Nyanmiɛn mɛn'n nun.

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 22:29

Ɔ man kɛ n Si sieli n famiɛn'n, n kusu n ´sie amun famiɛn

JÉSUS-CHRIST I DYASIN FE'N BO LUC KLELI'N 22:30

nan tabli nga n ´di su min mɛn'n nun lɔ'n, an ´di su wie, yɛ n ´sie amun bia su man be ´fa Izraɛl nvle blu-nin-nnyɔn mun ba amún ja su.»

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

Jean 20:29

Yɛ Jésus seli i kɛ: «A wunnin min'n ti yɛ a lafili su-ɔ, sanngɛ be nga b'a wun-man min bɔ be lafili su'n, be liɛ su ti ye!»

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Jacques 1:10

Yɛ anyanbeunfuɛ'n kusu, kɛ Nyanmiɛn kle i kɛ ɔ ti yalɛfuɛ'n, man ɔ fɛ i yalɛ'n di i nuan. Afin anyanbeunfuɛ'n ti kɛ waka nyrɛ sa, ɔ cɛ-man.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Sa nglô yile 19:9

Anz'n seli min kɛ: «Klɛ kɛ: ‹Be nga be yiali be Bua Gbanflɛn'n i atɔnvlɛ falɛ'n i aliɛ dilɛ'n bo'n, be liɛ su ti ye!› » Yɛ ɔ seli min kɛ: «Ndɛ sɔ'm be ti Nyanmiɛn ndɛ sakpa.»

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .