Matthieu 5:28 - NYANMIƐN NDƐ'N 1998

²⁸ Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

Nyanmien nde Ufle

²⁸ Sannge n lie'n, nh kanh klé amun ke, swran kwlaa ng'o wun bla kun b'o bu i kunndele akunndan'n, wuun wa kunnde bla so'n.

Matthieu 5:28 Iomraidhean Croise

Bo Bolɛ 34:2

Kpɛkuun Amɔr b'ɔ ti Evfuɛ'm be kpɛnngbɛn'n i wa Sisɛm ɔ'a wun i. Ɔ trɛli i, ɔ nin i be lali kekle nun.

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

Zɔb I Nyrɛnnɛn Wunlɛ 31:1

N tali nda kɛ n fa-man min nyinma n kpɛ-man talua wie kannglɛ.

Zɔb I Nyrɛnnɛn Wunlɛ 31:9

Sɛ bla wie kunndɛlɛ akunndan kpɛnnin min klun'n, sɛ n sali min wiengu wie anuan nun'n,

Jue Mun 119:96

Kɛ n nian sa'n, n wun kɛ like'n kwlaa ´sin, sanngɛ ɔ mmla'n, i liɛ ɔ sin-man.

Ezipt Lɔ Tulɛ'n 20:17

Nán man ɔ́ nyin blo ɔ wiengu like su, i sua o, i yi o, i sa nun junman difuɛ bla o, i sa nun junman difuɛ yasua o, i nannin o, i aflunmun o, nán man ɔ nyin blo i wie fi su .»

Nyanndra Mun 6:25

Nán niɛn i klanman'n ti klo i nan `wu i ti. Nán tran lɛ nan ɔ fɛ i nyinma'n laka wɔ.

Ezekiɛl 23:16

Kɛ ɔ wunnin be klikli nun lɛ'n, ɔ wuli bé ti kpo, ɔ sunmannin sran bé sin be mɛn'n nun lɔ.

Saun Yolɛ 18:20

Nán man amun nin amun wiengu wie i yi be si sua. I sɔ'n ti amún wun fiɛn nun wlalɛ.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Matthieu 5:39

Sanngɛ n liɛ'n, n ´kan kle amun kɛ, sɛ sran yo wɔ tɛ'n, nán yo i wie, sɛ sran kpaci ɔ fuka fama'n su'n, kaci bɛ'n kusu mɛn i.

Rɔmfuɛ Mun 7:14

E si kɛ mmla'n ti Nyanmiɛn Wawɛ'n i like, sanngɛ n liɛ'n, n ti klɔ sran, sɛ sa tɛ b'ɔ ti min nzuɛn'n ti sran'n, wuun n ´se kɛ b'a yo min atɛ i sa nun.

Mmla'n 22:22

Sɛ yasua kun kunndɛ bla kun b'ɔ lɛ bian'n nan be ko fite bé su'n, man be kun be sran nnyɔn'n, bian ng'ɔ kunndɛ bla'n nin o, bla'n nin o. Amun `tu sa tɛ'n Izraɛl mɛn'n nun kɛ ng'ɔ o lɛ'n sa.

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

1 Jean 2:16

Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.