Matthieu 5:23 - NYANMIƐN NDƐ'N 1998

²³ I sɔ'n ti, sɛ a ´fa like wie ko man Nyanmiɛn'n, bɔ w'a ju i sɔwlɛ lɛ nan sɛ ɔ́ wla kpɛn su kɛ ɔ wun ndɛ o ɔ niaan wie klun'n,

Nyanmien nde Ufle

²³ I so'n ti, se ah fah liké wié kô man Nyanmien'n, bo a dyu i sowle le, nan o wla kpen su ke o wun nde ô o niaan wié klun'n,

Matthieu 5:23 Iomraidhean Croise

Bo Bolɛ 41:9

Yɛ nzan sufuɛ'm be kpɛnngbɛn'n seli Ezipt famiɛn'n kɛ: «Nannan, n wa bo n fɔnlɛ bɔ n fɔnnin'n su kle wɔ.

1 Famiɛn Mun 2:44

Sa nga a fa yoli mín si David'n, ɔ wla o i kwlaa'n su kusu. Anannganman bɔbɔ ɔ ´tua ɔ klunwi'n i akatua'n man wɔ,

Ngwlɛ Yilɛ 3:20

Ɔ mlin-man min klun le. I ti mín wla'n ɔ bo!

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Matthieu 23:19

?Anyansifuɛ mun, nnɛn'n yɛ ɔ ti dan annzɛ Nyanmiɛn sɔwlɛ'n bɔ i su yɛ Nyanmiɛn fa nnɛn nin-ɔn?

Matthieu 5:24

yaci like sɔ'n lɛ, an `ko siesie amun afiɛn ka, i sin bla w'a fa ɔ like sɔ'n man.

Matthieu 8:4

Yɛ Jésus seli i kɛ: «Man sa sɔ'n tran ɔ klun, nán kan kle sran fi, sanngɛ fa ɔ́ wun ko kle Nyanmiɛn nyrun jranfuɛ'n, nan fa ɔ́ wun aso bolɛ like nga Moiz kleli'n fa man, man be wun kɛ w'a yo juejue .»

Marc 11:25

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

JÉSUS-CHRIST I DYASIN FE'N BO LUC KLELI'N 19:8

Sanngɛ Zase jao jrannin e Min'n i nyrun lɛ, ɔ seli i kɛ: «Nannan, nian, n ´fa min ninnge'n i bue man yalɛfuɛ mun, yɛ sran nga n dili i ndrunmun'n, n ´yi i sika'n i wunsu kpɛ nnan mɛn i .»

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.