Matthieu 5:22 - NYANMIƐN NDƐ'N 1998

²² Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Nyanmien nde Ufle

²² Sannge n lie'n, nh nh kanh klé amun ke, swran kwlaa ng'o fe i niaan wun ya [ngben'n], béh feh ko dyole difue'm bé dyasu. Ye swran ng'o kpe i niaan nzôwa'n, béh feh ko dyole difue dandan'm bé dyasu. Swran ng'o sé i niaan ke: Sinnglinfue'n, béh feh ko nyrennen lika'n i sin'n nun lo.

Matthieu 5:22 Iomraidhean Croise

Bo Bolɛ 37:4

Kɛ i niaan'm be wun kɛ bé si klo i tra be'n ti bé nyin cili i. Be nin i kwla kan-man ndɛ wɛtɛɛ su.

Bo Bolɛ 37:8

Yɛ i niaan'm be usɛli kɛ: «?Wɔ kpa'n, a bu i kɛ wuun a wa yo famiɛn nan a ´sie e ti-ɔ?» I laliɛ mun nin ndɛ ng'ɔ kan be gua su ti be kpɔli i trali su.

2 Samiɛl 16:7

Simɛi kpɛli famiɛn'n i nzowa, ɔ boli i sannzan, ɔ seli kɛ: «Jaso wa kɔ! Jaso wa kɔ! Sran kunfuɛ, finfinfuɛ!

2 Samiɛl 6:20

David kusu ɔli i lika, i waan ɔ ´ko yrɛ i nuan man i awlofuɛ mun. Kpɛkuun Sail i wa Mikal fiteli, ɔ ko kpɛli i atin yɛ ɔ seli i kɛ: «Izraɛl famiɛn'n i wun kpalɛ ng'ɔ kpɛli i i sufuɛ bla nin yasua'm be nyrun lɛ'n man ɔ nyannin nyrun ndɛkɛn dan o! Ɔ kpɛli i wun kɛ sran ngbɛn wie sa!»

1 Famiɛn Mun 21:4

Kɛ bɔ Nabɔt b'ɔ ti Zizreɛlfuɛ'n seli Akab kɛ ɔ kwla fɛ-mɛn i nannan'm be aja'n mɛn-mɛn i ti'n, ɔ fali ya dan kpa, ɔ mlɛnnin i nyrun, kpɛkuun i awlo kɔlɛ nun-ɔn. Ɔ ko lali, ɔ kacili i nyin talɛ lɔ. Ɔ'a di-man like.

2 Be Nyoliɛ 16:10

Aza fali ya jeliwafuɛ'n wun. Ɔ wlɛli i bisua, afin ndɛ'n b'ɔ kan kleli i'n, ɔ kunnin i ya dan. I blɛ kunngba sɔ nun'n, Aza kleli i mɛn'n nunfuɛ wie'm be yalɛ kpa.

2 Be Nyoliɛ 19:5

Ɔ sieli jɔlɛ difuɛ mun klɔ nga be sili bé wun'n be nun. Ɔ lɛ-man be nun kun bɔ ɔ'a sie-man su jɔlɛ difuɛ-ɔ.

Neemi 5:8

Kɛ e yiali'n, n seli be kɛ: «?Kɛ ɔ o yɛ'n, sɛ amun bo amun niaan'm be bosia'n, bɔ be wa yi'n, amun yo man be su i bo? Amun `nian, e niaan Zuif nga be yoli bé wun atɛ aofuɛ'm bé sa nun'n, e miannin e nyin nan e bɔbɔ y'a kpɔ bé ti. ?Yɛ amun bɔbɔ yɛ amun yo amun bɔbɔ amun niaan'm be atɛ e ngunmin-ngunmin é sa nun-ɔn?» Be gua lɛ be wun-man kun kan-man.

Jue Mun 109:3

Mín kpɔlɛ i ndɛ yɛ be kɛn i sa lele-ɔ. Be kunndɛ min utre ngbɛn.

Jue Mun 14:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Sinnglinfuɛ'n ɔ se i anwlɛn'n nun kɛ Nyanmiɛn nun-man lɛ. B'a saci mlɔnmlɔn, tete'n yɛ be bo-ɔ, be wie fi yo-man sa kpa .

Jue Mun 25:3

Sran ng'ɔ lafi ɔ su'n, ɔ wun-man nyannzuɛn le. Be bɔ be yi wɔ blo'n, be yɛ be nin nyannzuɛn'n ɔ fata-a, nán be nyan like fi.

Jue Mun 35:19

Nán be bɔ be kpɔ min ngbɛn sɔ'n be klun jɔ min ti. Be bɔ b'a fua min ti ngbɛn sɔ'n, nán man be kpɛ min kannglɛ tɛ .

Jue Mun 37:8

Gua ya ble'n i ase, yaci ya'n mlɔnmlɔn. Sɛ a fa ya'n, wuun w'a yo sa tɛ.

Jue Mun 49:10

?Be kwla ka lɛ sa mlɔnmlɔn bɔ be su wlu-man ndia nun le-ɔ?

Jue Mun 69:4

N kpan lele n fɛ ngbɛn, min alowa'n yo min ya siɛn'n. Min Nyanmiɛn, n nian wɔ atin lele ngbɛn.

Jue Mun 7:4

Anannganman min Nyanmiɛn, sɛ n yoli sa sakpa'n, sɛ n yoli sa tɛ'n,

Jue Mun 92:6

Ee Anannganman, ɔ́ sa nuan ninnge'm be ti dandan, wɔ akunndan'm bé bo'n ti kploun.

Nyanndra Mun 14:16

Sran akunndanfuɛ'n ɔ sro sa tɛ yolɛ'n. Ɔ man ɔ yo-man sa tɛ. Sran ng'ɔ ti sinnglinfuɛ'n i liɛ'n, ɔ tu i wun, afin ɔ lafi i bɔbɔ wun su.

Nyanndra Mun 18:6

Sinnglinfuɛ'n i ndɛ ng'ɔ kan'n, ndɛnngan yɛ ɔ bɛ i sin-ɔn, i kunngba'n ɔ klɔklɔ utre.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Ngwlɛ Yilɛ 3:52

Be bɔ m'an wun-man sa bɔ n yoli be'n, bɔ sanngɛ be nin min be lɛ i'n, b'a di mín wun koniɛn kɛ anunman yɛlɛ min sa.

Daniɛl 3:13

Nɛbikadnɛzar fali ya dan kpa, nan ɔ'a sunman sran kɛ be ko fa Sadrak nin Mesak, ɔ nin Abɛd-Nego be `bla. Yɛ be ko fali be blɛli i-ɔ.

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Abdias 1:12

?Edɔmfuɛ mun, i nun bɔ amun niaan Zidafuɛ'm be ´wun be nyrun'n, ɔ fata kɛ amun ko jran nian be nan amun sri be? ?Edɔmfuɛ mun, kɛ Zidafuɛ'm be mɛn'n boli'n bɔ i nyin utuli ase'n, ɔ fata kɛ amun ko jran be sri? ?Kɛ be o awlaboɛ nun'n, ɔ fata kɛ amun jran kpɛ be nzowa?

Matthieu 10:17

An `sasa amún wun sran'm be lika, afin be wa fa amun kɔ jɔlɛ difuɛ'm bé ja su, be ´bo amun nin ngble be Nyanmiɛn ndɛ suanlɛ nin i srɛlɛ sua'm be nun.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 12:24

Kɛ Farizifuɛ'm be tili'n, be seli kɛ: «Bian nga, nɛ́n i bɔbɔ fanngan nun yɛ ɔ fuan asiɛ usu mun-ɔn, sanngɛ Beɛlzebil b'ɔ ti mmusu'm be wlengbi'n i dunman nun yɛ ɔ fuan be-ɔ.»

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 18:21

Yɛ Piɛr wunngeli i wun lɛ nan ɔ'a usɛ i kɛ: «?Nannan, sɛ n niaan kun yo min tɛ'n, kpɛ nnyɛ yɛ n `yaci cɛ i-ɔ? ?Lele kpɛ nso?»

Matthieu 18:35

Sɛ an yaci-man amun wiengu'm bé sa bɔ be yo amun'n cɛ-man be amun klun-ufue su'n, kɛ min si b'ɔ o nyanmiɛn su lɔ'n ɔ wa yo amun sɔ-ɔ.»

Matthieu 23:15

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an wlan jenvie'n nin asiɛ'n be lika'n kwlaa kɛ amun ´kunndɛ sran kun nan ɔ `kaci Zuif. Kɛ an ko nyɛn i'n, amun man ɔ kaci nyrɛnnɛn lika'n nun lɔfuɛ tra amun bɔbɔ kpɛ blu.

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

Matthieu 26:59

Nyanmiɛn nyrun jranfuɛ dandan'm be nin jɔlɛ difuɛ dandan'm be kwlaa be kunndɛ Jésus wun sa kun bɔ be ´jran su fa kun i.

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Matthieu 5:34

Sanngɛ n liɛ'n, n ´kan kle amun kɛ, nán an ta sran fi nda mlɔnmlɔn, nán an flɛ nyanmiɛn su lɔ'n be di, afin ɔ ti Nyanmiɛn i bia .

Matthieu 5:44

Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

Marc 14:55

Nyanmiɛn nyrun jranfuɛ dandan mun nin jɔlɛ difuɛ'm be kwlaa be kunndɛ ndɛ kun bɔ be kwla jran su be ´fa kun i-ɔ, sanngɛ b'a nyɛn-mɛn i le.

Marc 15:1

Kɛ aliɛ'n cɛnnin'n, Nyanmiɛn nyrun jranfuɛ dandan mun, nin kpɛnngbɛn mun, yɛ mmla klefuɛ mun be nin jɔlɛ difuɛ'm be kwlaa be yiali nan b'a wun bé wun. Kɛ be cili Jésus'n, be fɛ i ɔli nan b'a fɛ i a wla Pilat sa nun.

JÉSUS-CHRIST I DYASIN FE'N BO LUC KLELI'N 12:5

M ma kle amun sran nga bɔ yɛ an `sro i'n. An `sro Nyanmiɛn bɔ kɛ ɔ kun sran'n, ɔ kwla fɛ i yi nyrɛnnɛn lika nun'n, i yɛ an `sro i-ɔ.

JÉSUS-CHRIST I DYASIN FE'N BO LUC KLELI'N 22:66

Kɛ aliɛ cɛnnin'n, Zuif'm be kpɛnngbɛn mun nin Nyanmiɛn nyrun jranfuɛ dandan mun, ɔ nin mmla klefuɛ mun be yiali. Be fa Jésus ɔli be jɔlɛ difuɛ dandan'm bé ja su.

Jean 11:47

Yɛ Nyanmiɛn nyrun jranfuɛ dandan mun nin Farizifuɛ'm be nin jɔlɛ difuɛ dandan mun be seli be kɛ: «E yo bian nga sɛ? Afin ɔ yi atrɛ kpanngban.

Jean 15:25

Sanngɛ sa sɔ'n yo sɔ nan ndɛ nga be klɛli be mmla fluwa'n nun kɛ: ‹Kpɔlɛ nga be kpɔ min'n lɛ-man bo'n› ɔ `kpɛn su .

Jean 7:20

Sran'm be seli i kɛ: «Ɔ kpa'n, like wie su wɔ su. ?Wan yɛ ɔ klo kɛ ɔ ´kun wɔ-ɔ? »

Jean 8:48

Zuif'm be seli i kɛ: «?Kɛ e se wɔ kɛ a ti Samarifuɛ nan like wie su ɔ su'n, e ndɛ'n ti-man nanwlɛ?»

Sa nga bé yôli'n 17:18

Fluwa sifuɛ dandan wie'm bɔ be flɛ be epikirfuɛ nin stɔikfuɛ'n be nin Pɔl kannin ndɛ. Be wie'm be se kɛ: «?Fiaifuɛ nga i wan nzɛ?» Yɛ wie'm be se kɛ: «Ɔ su kan nvle wie'm be amuɛn ndɛ.» Sa ti bɔ be kɛn i sɔ'n yɛlɛ kɛ ɔ kan Jésus ndɛ nin sran'm be cɛnlɛ ndɛ.

Sa nga bé yôli'n 22:30

Kɛ aliɛ cɛnnin bɔ sonja akpi su kpɛn'n waan ɔ ´wun sa kpa nga ti yɛ Zuif'm be sanmannin Pɔl'n, ɔ man be nyannjili i. Ɔ yiali Nyanmiɛn nyrun jranfuɛ dandan mun nin jɔlɛ difuɛ dandan mun, ɔ yoli man be fa Pɔl jrali, yɛ ɔ fɛ i jrannin be afiɛn lɛ-ɔ.

Sa nga bé yôli'n 23:1

Pɔl niannin jɔlɛ difuɛ mun siin, yɛ ɔ seli kɛ: «Nja mun, min nzuɛn'n ti kpa Nyanmiɛn nyrun lele yɛ ɔ'a fa ju ndɛ yɛ, ɔ man n klun ti-man min.»

Sa nga bé yôli'n 24:20

Ɔ man be nga be o yɛ'n, sɛ be wunnin sa min wun kɛ n wo jɔlɛ difuɛ dandan'm bé ja su lɔ'n, man be kan.

Sa nga bé yôli'n 4:15

Kɛ jɔlɛ difuɛ'm be mannin be atin kɛ be `jao kan'n, be wunnin bé wun

Sa nga bé yôli'n 5:21

Kɛ be tili ndɛ sɔ'n, nglɛmun ndɛ kpa be wluli Nyanmiɛn sua nun lɔ, yɛ be tɔli like klelɛ'n su-ɔ. Kɛ Nyanmiɛn nyrun jranfuɛ'm be su kpɛn'n nin i minniɛn'm be juli lɛ'n, be yiali jɔlɛ difuɛ dandan mun nin Izraɛl kpɛnngbɛn'm be kwlaa nan b'a sunman sran kɛ be `ko fa Piɛr nin Zan bisua lɔ bla.

Sa nga bé yôli'n 5:27

Kɛ be fa be juli lɛ'n, be fa be jrannin jɔlɛ difuɛ'm be nyrun lɛ. Yɛ Nyanmiɛn nyrun jranfuɛ'm be su kpɛn'n usali be kɛ:

Sa nga bé yôli'n 6:12

Be fa akunndan tɛtɛ wie mun wlali sran mun nin kpɛnngbɛn mun, ɔ nin mmla klefuɛ'm be nun, kpɛkuun be wa trɛ i fa ɔli jɔlɛ difuɛ dandan'm bé ja su.

Sa nga bé yôli'n 6:15

Jɔlɛ difuɛ bɔ be ti lɛ'n be kwlaa be niɛn i siin, i nyrun'n kacili be nyrun kɛ anz'm be liɛ'n sa.

Sa nga bé yôli'n 7:37

Moiz sɔ'n yɛ ɔ kan ndɛ kleli Izraɛlfuɛ mun nin-ɔn. I waan: ‹Nyanmiɛn wa fa amun niaan'm be nun kun sie i i nuan ijɔfuɛ kɛ ɔ fa min sieli'n sa ´man amun.›

Rɔmfuɛ Mun 12:10

An `klo amun wun kpa kɛ sran nin i niaan sa, an `bu amun wiengu sran.

1 Korɛntfuɛ Mun 6:10

nin awiefuɛ mun, nin sran bɔ be nyin yi-man like'n, nin nzanboɛfuɛ mun, nin nzowa kpɛfuɛ mun, ɔ nin sran bɔ be de sran like wue kekle su'n, i sɔ sran liɛ mun Nyanmiɛn su sie-man be mlɔnmlɔn.

1 Korɛntfuɛ Mun 6:6

Kristfuɛ kun sɛnmɛn i niaan be bɔ be lafi-man Krist su'm bé ja su!

Mmla'n 15:11

Yalɛfuɛ sa'n, ɔ ti-man kɛ be ´tu amun mɛn'n nun mlɔnmlɔn. I sɔ'n ti yɛ n kan kle amun kɛ sɛ amun mɛn'n nun yalɛfuɛ annzɛ aunnvuɛfuɛ wie i sa mian like wie wun'n, amun `fa mɛn i nin-ɔn .

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

Jacques 2:20

Eee, sran finfinfuɛ! ?A klo kɛ a wun i wlɛ kɛ sran ng'ɔ se kɛ ɔ lafi Nyanmiɛn su, sanngɛ ɔ yo-man sa kpakpa'n, i Nyanmiɛn su b'ɔ lafi'n ɔ yo-man sa fi ye?

Jacques 3:6

Bé nuan'n kusu ti kɛ sin sa, ɔ man be kwla yo sa tɛ dan. Ɔ ti e wunnɛn'n i bue, i yɛ ɔ saci é wun sa nin-ɔn. Ɔ ti kɛ sin sa, kɛ be wuli ye'n, ɔ saci é wun sa lele fa ju e wie cɛn, sin sɔ'n fin nyrɛnnɛn lika'n nun lɔ.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ:

1 Jean 2:9

Sran ng'ɔ se kɛ ɔ o weiin'n nun bɔ sanngɛ ɔ tɛ kpɔ i niaan'n, wuun ɔ tɛ o aosin'n nun.

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 5:16

Sɛ sran wie wun i niaan kun b'ɔ su yo sa tɛ b'ɔ ti-mɛn i wie liɛ'n, man ɔ srɛ Nyanmiɛn kɛ ɔ man sran sɔ'n i nguan, yɛ ɔ ´mɛn i. Be nga be yo sa tɛ b'ɔ ti-man be wie liɛ'n, be ndɛ yɛ n kan-an. Sa tɛ'n wie o lɛ be yo-ɔ ɔ ti be wie liɛ, nɛ́n i sɔ sa liɛ'n ti yɛ n se kɛ be srɛ Nyanmiɛn nin-ɔn.

Jude 1:9

Sanngɛ i nun nga anz kpɛnngbɛn Misɛl nin mmusu'm bé si Satan be ´kpli Moiz fuɛn'n, bɔ be ´si akplowa'n, anz sɔ'n ɔ'a kwla kɛn-mɛn i ndɛ tɛ, sanngɛ ɔ seli i kɛ: «Min Min'n ko wun wɔ !»

Sa nglô yile 20:14

Nan b'a fa wie'n nin blɔlɔ'n b'a yi be sin dan'n nun. Sin dan sɔ'n yɛ ɔ ti wie'n i nnyɔn su nin-ɔn.