Matthieu 5:19 - NYANMIƐN NDƐ'N 1998

¹⁹ I sɔ'n ti sran ng'ɔ tɔn mmla i nun kun, kannzɛ i nun kaan kpafuɛ'n bɔbɔ, nan ɔ kle sran'm be kɛ be yo i kunngba sɔ'n, ɔ wa yo be bɔ Nyanmiɛn sie be'n be nun kaan kpa, sanngɛ sran ng'ɔ fa be su, nan ɔ kle sran'm be kɛ be fa su'n, ɔ wa yo be bɔ nyanmiɛn sie be'n be nun sran dan.

Nyanmien nde Ufle

¹⁹ I so'n ti swran ng'o ton mmla i nun kun, kannze i nun kan kpafue'n bobo'n, nan o klé swran mun ke bé yô i kunngba so'n, o wa yô bé bo Nyanmien sié bé'n, bé nun kaan kpa, sannge swran ng'o fa bé su, nan o klé swran mun ke bé fa su'n, o wa yô bé bo Nyanmien sié bé'n bé nun swran dan.

Matthieu 5:19 Iomraidhean Croise

Jue Mun 119:128

Wɔ mmla nga a sie be'n, be kwlaa be ti su. Atin ng'ɔ ti gblɛ atin'n, mín nyin ci i.

Jue Mun 119:6

nan sɛ sa sɔ'n wie kpɛn min klun'n, m'an wun-man su nyannzuɛn i kasiɛn nun'n ti.

Daniɛl 12:3

Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Matthieu 11:11

Nanwlɛ, be kwlaa nga bla wuli be'n, be nun wie fi nun-man lɛ bɔ i dan tra Zan batɛm yofuɛ nin-ɔn. Sanngɛ be nga Nyanmiɛn sie be'n be nun kaanfuɛ'n i dan trɛ i.

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 20:26

Amun liɛ'n su yo-man sɔ, sanngɛ amun nun sran ng'ɔ klo kɛ ɔ ´yo dan'n, man ɔ su i wiengu mun,

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 1:15

Afin ɔ ´yo sran dan e Min Nyanmiɛn'n nyrun, ɔ su nɔn-man nzan b'ɔ bo'n i wie fi, ɔ nin Nyanmiɛn Wawɛ'n fin blɔlɔ .

JÉSUS-CHRIST I DYASIN FE'N BO LUC KLELI'N 11:42

Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Sa nga bé yôli'n 1:1

Teofil, n fluwa klikli nun'n, n klɛli i kwlaa nga Jésus boli i yolɛ nin i klelɛ bo'n

Rɔmfuɛ Mun 3:8

?Yɛ nguɛ ti yɛ e se-man kɛ: «Man e yo sa tɛtɛ nan i agualiɛ'n ɔ gua e kpa-a?» Sran wie'm be saci n dunman kɛ kɛ n se sɔ-ɔ. Sɛ be se kɛ sran sɔ'm b'a di fɔ'n, ɔ ti su.

Rɔmfuɛ Mun 6:1

?Ɔ man e ´se sɛ? ?E ka sa tɛtɛ yolɛ'n su nan Nyanmiɛn i aklunye'n i nyin fite dan?

Rɔmfuɛ Mun 6:15

?Sɛ ɔ ti sɔ'n, e ´yo i sɛ? ?Kɛ Nyanmiɛn jran-man mmla'n su yɛ ɔ sie ye'n, b'ɔ yo e ye titi'n, i sɔ'n ti e ´yo sa tɛ? E su yo-mɛn i sɔ mlɔnmlɔn!

Mmla'n 27:26

«Sran nga ɔ'a fa-man mmla nga i nun ndɛ'm bé su'n, nan ɔ'a nian-man su ɔ'a nanti-man'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

1 Jean 3:4

Sran kwlaa ng'ɔ yo sa tɛ'n, wuun ɔ'a tɔn Nyanmiɛn mmla'n, afin sa tɛ'n yɛ ɔ ti mmla'n i tɔnlɛ nin-ɔn.

Sa nglô yile 2:20

sanngɛ bla nga be flɛ i Zezabɛl'n, bɔ i wan ɔ ti Nyanmiɛn nuan ijɔfuɛ'n, an mɛn i atin man ɔ kle min sran'm be like yɛ ɔ laka be man be fa bé wun wlɛ i tekle bolɛ'n nun, yɛ be di amuɛn'm be su. Amun wun sa b'ɔ o n klun'n yɛ ɔ o lɛ-ɔ .

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.