Matthieu 5:18 - NYANMIƐN NDƐ'N 1998

¹⁸ Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Nyanmien nde Ufle

¹⁸ Afin nanwle, bé su nunnunman mmla'n i nun fluwa mma kaan kun annze i nun nde kaan kun lélé san ke nglô'n nin asie'n bé nu'an le kun'n. Sen i kwlaa so'n oh kpenh su.

Matthieu 5:18 Iomraidhean Croise

Jue Mun 102:26

Kɛ ɔ fin lalafuɛ nun'n, wɔ yɛ a yili asiɛ nin-ɔn, ɔ́ sa nuan like yɛlɛ nyanmiɛn'n b'ɔ la nglo lɔ plaii'n.

Jue Mun 111:8

Be ti kpa titi. Be taka nanwlɛ nin sa nuan su yolɛ'n su.

Jue Mun 119:152

N si kɛ mmla nga a sieli be'n be o lɛ tititi. N si sɔ-ɔ, nan ndɛ sa-a.

Ezai 40:8

Ijre'n ɔ wu, yɛ i nyrɛ'n ɔ gua, sanngɛ Nyanmiɛn'n i ndɛ'n ɔ tran lɛ tititi .»

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Ezai 51:6

Amun `man amún nyin'n su be `nian nglo lɔ, amun `kan amún ti ase be `nian asiɛ'n. Afin nyanmiɛn'n su ɔ ´kpɛ wiaa kɛ sin wɛnsrɛn b'ɔ wie'n sa. Asiɛ'n ɔ ´saci kɛ tralɛ b'ɔ titi'n sa, yɛ i su sran'm be ´wu kɛ ngɔnsiɛn'm be sa. Sanngɛ delɛ nga n ´de sran mun'n, ɔ su yo-man le kunngba liɛ, n ´yo i sɔ tititi. Yɛ n su yaci-man sa kpa'n i yolɛ le .

Matthieu 10:15

Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Matthieu 10:23

Sɛ be kle amun yalɛ klɔ kun su'n, an `wanndi wɔ klɔ uflɛ su. Nanwlɛ, an su wie-man Izraɛl klɔ'm be su wlan nan m bɔ n kacili Sran'n m'an ba.

Matthieu 10:42

Sran kwlaa ng'ɔ ko man be nga be o yɛ'n be nun kaan kun nzue flɔlɔ klowa kun yɛlɛ kɛ ɔ ti n sɔnnzɔnfuɛ'n ti'n, nanwlɛ, i mo yolɛ'n su ka-man mlɔnmlɔn.»

Matthieu 11:11

Nanwlɛ, be kwlaa nga bla wuli be'n, be nun wie fi nun-man lɛ bɔ i dan tra Zan batɛm yofuɛ nin-ɔn. Sanngɛ be nga Nyanmiɛn sie be'n be nun kaanfuɛ'n i dan trɛ i.

Matthieu 13:17

Nanwlɛ, Nyanmiɛn nuan ijɔfuɛ mun nin sran nanwlɛfuɛ kpanngban kpa be klo kɛ be ´wun like nga an wun be yɛ'n, sanngɛ b'a wun-man be, be klo kɛ be ´ti ndɛ nga an ti be yɛ'n, sanngɛ b'a ti-man.»

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 17:20

Jésus seli be kɛ: «Nyanmiɛn su bɔ an lafi-man'n ti-ɔ. Nanwlɛ, sɛ an lafi Nyanmiɛn su bɔ kaan b'ɔ ju kɛ mutard mma sa'n, an kwla se oka ng'ɔ o yɛ'n kɛ: ‹Tu ɔ bo wa kɔ le sa.› Ɔ ´tu i bo, yɛ sa fi nun-man lɛ bɔ an su kwlɛ-mɛn i yo-ɔ. [

Matthieu 18:18

«Nanwlɛ, like kwlaa nga an ko tannin i asiɛ'n su wa'n, be ´tannin i nyanmiɛn su lɔ, yɛ like kwlaa nga an ko mɛn i wun atin asiɛ'n su wa'n, be ´mɛn i wun atin nyanmiɛn su lɔ.

Matthieu 18:3

«Nanwlɛ, sɛ amu'an kaci-man amu'an yo-man kɛ ba kanngan'm be sa'n, Nyanmiɛn su sie-man amun mlɔnmlɔn.

Matthieu 19:23

Jésus seli i sɔnnzɔnfuɛ'm be kɛ: «Nanwlɛ, kɛ anyanbeunfuɛ kun fɛ i wun man Nyanmiɛn kɛ ɔ sie i'n, ɔ ti kekle.

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 21:21

«Nanwlɛ, sɛ an lafi Nyanmiɛn su bɔ amun anwlɛn'n ti-man nnyɔn-nnyɔn'n, nán kɛ like nga n yoli figie nga kunngba yɛ amun ´yo-ɔ, sanngɛ sɛ an se oka ng'ɔ o yɛ'n kɛ ɔ tu i bo lɛ ɔ ko tɔ jenvie'n nun'n, ɔ ´kɔ .

Matthieu 21:31

?Ba nnyɔn sɔ'n, onin yɛ ɔ yoli i si klun sa nin-ɔn?» Yɛ be waan: «Klikli nin-ɔn.» Yɛ Jésus seli be kɛ: «Nanwlɛ, gua bo sika defuɛ nin tekle mmla'm be ´dun mmua fa bé wun man Nyanmiɛn kɛ ɔ `sie be amun nyrun.

Matthieu 23:36

Nanwlɛ, i kwlaa sɔ'n ɔ ti ajulisufuɛ nga'm be ndɛ .»

Matthieu 24:2

Yɛ ɔ seli be kɛ: «?An wun ninnge nga kwlaa? Nanwlɛ, yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Matthieu 24:47

Nanwlɛ, ɔ wa fɛ i ninnge'n kwlaa wlɛ i sa nun.

Matthieu 25:12

Sanngɛ ɔ seli be kɛ: ‹Nanwlɛ, n si-man amun.›

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

Matthieu 5:26

Nanwlɛ, a su fin-man lɔ fite-man, lele san w'a wie i kalɛ'n kwlaa tua, bablu kun bɔ su ka-man.»

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Matthieu 6:2

I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Matthieu 8:10

Kɛ Jésus tili ndɛ sɔ'n, ɔ boli i nuan dan kpa, yɛ ɔ seli be nga be su i su sɔ'm be kɛ: «Nanwlɛ, Izraɛl nvle'n nun bɔbɔ'n, m'an wun-man sran fi b'ɔ lafi Nyanmiɛn su dan kɛ nga sa-a.

Marc 10:15

Nanwlɛ, sran ng'ɔ yo-mɛn i wun kɛ bakan sa, b'ɔ fɛ-mɛn i wun man-man Nyanmiɛn kɛ ɔ sie i'n, ɔ su yo-man mɛn nga Nyanmiɛn sie'n i nunfuɛ mlɔnmlɔn.»

Marc 10:29

Jésus seli kɛ: «Nanwlɛ, sran kwlaa nga min nin jasin fɛ'n ti ɔ yaci i awlo, nin i niaan mun, ɔ nin i nin, nin i si, nin i mma mun ɔ nin i asiɛ'n,

Marc 11:23

Nanwlɛ, sran ng'ɔ lafi Nyanmiɛn su'n, ɔ kwla se oka nga kɛ ɔ tu i bo wa ko tɔ jenvie'n nun. Sɛ i anwlɛn'n ti-man nnyɔn-nnyɔn b'ɔ lafi ndɛ ng'ɔ kannin'n su kɛ ɔ ´yo'n, Nyanmiɛn wa yo i sɔ mɛn i.

Marc 12:43

Yɛ Jésus flɛli i sɔnnzɔnfuɛ mun nan ɔ'a se be kɛ: «Nanwlɛ, angboti bla yalɛfuɛ nga i sika liɛ'n b'ɔ yili'n ɔ tra be nga'm be liɛ nga be yi guali sika guawlɛ nun'n,

Marc 13:30

Nanwlɛ, sran nga be o lɛ'n, be su wie-man nan sa sɔ'n kwlaa ɔ'a yo.

Marc 14:18

Kɛ be o tabli'n sin bɔ be ´di like'n, Jésus seli kɛ: «Nanwlɛ, amun nga amun nin min di like'n, amun nun kun wa fa min man sran mun .»

Marc 14:25

Nanwlɛ, n su nɔn-man vinyi nzue kun lele san cɛn nga min nin amun e ´nɔn uflɛ Nyanmiɛn i mɛn'n nun lɔ'n.»

Marc 14:30

Yɛ Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo kpɛ nnyɔn.»

Marc 14:9

Nanwlɛ, mɛn wunmuan'n nun'n, lika kwlaa nga be ´bo jasin fɛ'n lɛ'n, be ´kan sa nga bla nga yoli'n wie kɛ bé wla ´kpɛn i su.»

Marc 3:28

Nanwlɛ, sa tɛ kwlaa nga sran ko yo'n ɔ nin Nyanmiɛn dunman sacilɛ kwlaa nga be ko saci'n, ɔ ´yaci cɛ be.

Marc 6:11

Sɛ an ju lika wie nan b'a sike-man amun'n, bɔ be tie-man amun ndɛ'n, kɛ amun ´tu an bo klɔ sɔ'n su'n, an `kpukpu amún ja wun ndutre'n guɛ i lɛ, ɔ ´yo amun lalofuɛ .»

Marc 8:12

Jésus deli wunmiɛn kaklaka kun, nan ɔ'a se kɛ: «?Nguɛ ti yɛ ajulisufuɛ nga'm be kunndɛ atrɛ-ɔ? Nanwlɛ, be su yi-man atrɛ fi kle-man be.»

Marc 9:1

Ɔ seli be ekun kɛ: «Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ Nyanmiɛn ɔ'a yi i famiɛn'n nglo a kle be-ɔ.»

Marc 9:41

Nanwlɛ, kɛ an ti Krist liɛ'n ti, sran ng'ɔ man amun nzue klowa kun'n, ɔ ´nyɛn i nuan like.»

JÉSUS-CHRIST I DYASIN FE'N BO LUC KLELI'N 11:51

Kɛ ɔ fin Abɛl liɛ'n su lele fa ju Zakari bɔ be kunnin i Nyanmiɛn sɔwlɛ'n nin i sua'n be afiɛn i liɛ'n su'n, nanwlɛ, be wie ndɛ'n, ajulisufuɛ nga'm be su yɛ ɔ ´ka-a .

JÉSUS-CHRIST I DYASIN FE'N BO LUC KLELI'N 12:37

Be nga kɛ be min'n ´ba'n bé nyin o i sin'n, be liɛ su ti ye! An `nian nga b'ɔ ´yo'n yɛ: ɔ ´fɛ i tannin'n kpɛ i bo, ɔ man be ´tran ase, yɛ i bɔbɔ ɔ ´isa aliɛ nga be wa di'n man be-ɔ.

JÉSUS-CHRIST I DYASIN FE'N BO LUC KLELI'N 13:35

An `nian, amun awlo'n ɔ wa ka amún sa nun, yɛ ndɛ kun bɔ n ´kan kle amun'n yɛ, an su wun-man min kun lele san amun ´se kɛ: ‹Sran ng'ɔ ba e Min Nyanmiɛn'n i dunman nun'n, man Nyanmiɛn yo i liɛ ye .› »

JÉSUS-CHRIST I DYASIN FE'N BO LUC KLELI'N 16:17

Nyanmiɛn b'ɔ la nglo lɔ plaii'n nin asiɛ'n be wielɛ'n ti pɔpɔ tra kɛ mmla'n i nun fluwa mma kaan kun tu tɔ'n.»

JÉSUS-CHRIST I DYASIN FE'N BO LUC KLELI'N 18:17

Nanwlɛ, sran ng'ɔ yo-mɛn i wun kɛ bakan sa'n, b'ɔ fɛ-mɛn i wun man-man Nyanmiɛn kɛ ɔ sie i'n, Nyanmiɛn su sie-mɛn i mlɔnmlɔn.»

JÉSUS-CHRIST I DYASIN FE'N BO LUC KLELI'N 18:29

Yɛ Jésus seli be kɛ: «Nanwlɛ, sran kwlaa ng'ɔ yaci sɛ i awlo o, sɛ i yi o, sɛ i niaan mun o, sɛ i si o, sɛ i nin o, sɛ i wa o, kɛ Nyanmiɛn `sie i'n,

JÉSUS-CHRIST I DYASIN FE'N BO LUC KLELI'N 23:43

Yɛ Jésus kusu seli i kɛ: «Nian, man n kan ndɛ kun n kle wɔ, ndɛkɛn min nin wɔ e ´ju Nyanmiɛn i lika klanman'n nun lɔ.»

JÉSUS-CHRIST I DYASIN FE'N BO LUC KLELI'N 4:24

Ɔ seli be ekun kɛ: «Nanwlɛ, Nyanmiɛn nuan ijɔfuɛ fi lɛ-man nyrun i bɔbɔ i mɛn'n nun.

Jean 1:51

Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

Jean 10:1

Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Jean 10:7

Jésus seli be ekun kɛ: «Nanwlɛ, n ti bua'm be tuin'n i anuan.

Jean 12:24

Nanwlɛ, sɛ ble mma kun ɔ'a tɔ-man asiɛ wun ɔ'a saci-man'n, ɔ kɛ i kunngba, sanngɛ sɛ ɔ saci'n, ɔ wlɔ yɛ ɔ yo kpanngban.

Jean 13:16

Nanwlɛ, sran ng'ɔ su sran'n ti-man kpa trɛ-mɛn i min'n, yɛ sran nga be sunmɛn i'n ti-man kpa tra-man sran ng'ɔ sunmɛn i'n.

Jean 13:38

Jésus usɛli i kɛ: «?N ti a ´fa ɔ wun man sakpa? Nanwlɛ, a wa se kɛ a si-man min sɔ kpɛ nsan nan akɔ nyinman'n ɔ'a bo.»

Jean 14:12

Nanwlɛ, sran ng'ɔ lafi n su'n, like nga n yo be'n, ɔ ´yo wie, i liɛ'n ´tra n liɛ'n bɔbɔ, afin n su kɔ e Si'n sin.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Jean 16:23

Cɛn sɔ'n nun'n, an su usa-man n sa sa wie su kun. Nanwlɛ, like kwlaa nga an srɛ n Si min dunman nun'n, ɔ ´fa man amun .

Jean 21:18

Nanwlɛ, kɛ a tɛ yo gbanflɛn'n, ɔ bɔbɔ a fa ɔ kplo'n ci ɔ bo, yɛ a kɔ lika nga a klo'n, sanngɛ a wa yo kpɛnngbɛn'n, yɛ a ´tinngɛ ɔ́ sa'n nun, sran wie yɛ ɔ ´fa ɔ kplo'n ci ɔ bo-ɔ, yɛ ɔ ´fa wɔ kɔ lika nga a klo-man'n.

Jean 3:11

Nanwlɛ, sa nga e si i'n nin nga e wunnin i'n, yɛ e kɛn i ndɛ kle amun-ɔn, sanngɛ an fa-man e ndɛ'n su.

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Jean 6:26

Jésus seli be kɛ: «Nanwlɛ, sa ti bɔ an kunndɛ min'n, nán atrɛ bɔ an wunnin be'n ti-ɔ, sanngɛ like bɔ an dili bɔ amun ku yili'n ti-ɔ.

Jean 6:32

Jésus seli be kɛ: «Nanwlɛ, nán Moiz yɛ ɔ fali nyanmiɛn su lɔ kpaun'n mannin amun-ɔn, sanngɛ n Si yɛ ɔ fali kpaun kpa b'ɔ fin nyanmiɛn su lɔ'n mannin amun-ɔn.

Jean 6:47

Nanwlɛ, sran ng'ɔ lafi n su'n, ɔ lɛ Anannganman nguan.

Jean 6:53

Jésus seli be kɛ: «Nanwlɛ, sɛ amu'an di-man m bɔ n kacili Sran'n min nnɛn'n, yɛ sɛ amu'an nɔn-man min mmoja'n, an su nyan-man nguan.

Jean 8:34

Jésus seli be kɛ: «Nanwlɛ, sɛ sa tɛ'n ti sran'n, wuun sran kwlaa ng'ɔ yo sa tɛ'n ɔ kaci i kanga.

Jean 8:51

Nanwlɛ, sran ng'ɔ fa min ndɛ'n su'n, ɔ su wu-man mlɔnmlɔn.»

Jean 8:58

Jésus seli be kɛ: «Nanwlɛ, kɛ be ´wu Abraam'n, wuun n wo lɛ .»

1 Piɛr 1:25

Sanngɛ e Min'n i ndɛ'n wo lɛ tititi .» Ndɛ sɔ'n yɛ kɛ be ´kan jasin fɛ'n be kan kleli amun nin-ɔn.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.