Matthieu 5:14 - NYANMIƐN NDƐ'N 1998

¹⁴ Amun yɛ an ti kɛ kannin sa mɛn'n nun-ɔn. Klɔ b'ɔ o oka su'n, ɔ fia-man.

Nyanmien nde Ufle

¹⁴ Amun ye an ti ke kannin sa men'n nuon. Klo b'o ô ôka su'n, o fiaman.

Matthieu 5:14 Iomraidhean Croise

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ezekiɛl 5:5

Anannganman Nyanmiɛn'n wan yoo: ‹Zerizalɛm klɔ'n yɛ ɔ o lɛ-ɔ. N fa sieli nvle-nvle nin mɛnmɛn nga be sin yiɛ i'n be afiɛn.

Jean 12:36

Kɛ lika'n tɛ kpaja amún wun wa'n, an `lafi kpajalɛ sɔ'n su nan an `kaci sran bɔ be wun ase.» Kɛ i nuan tɔli'n, ɔ ɔli mmua lɔ ko fiali be nyrun.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Jean 9:5

Kɛ n wo mɛn'n nun wa'n, min yɛ n kpaja mɛn'n nun-ɔn.»

2 Korɛntfuɛ Mun 6:14

Nán amun nin be nga be lafi-man Krist su'n, bɔ amun nzuɛn'n sɛ-man'n, an san nun. ?Nzu anuansɛ yɛ sran kpa nin sran tɛ'n be di-ɔ? ?Wia'n nin aosin'n be kwla tran lika wlɛ?

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

1 Tɛsalonikfuɛ Mun 5:5

Amun kwlaa an wun ase, an ti kɛ sran b'ɔ yo sa wia nun sa. E ti-man kɛ sran b'ɔ yo sa kɔnguɛ'n sa, e nun-man aosin'n nun.

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 2:5

An `bu amun wafa nga an ti laa'n i akunndan, an `kaci amun nzuɛn'n, nan an `yo sa kunngba nga an yoli i bo bolɛ nun'n. Sɛ amu'an kaci-man amun nzuɛn'n, n ´to amun lɔ, n ´yi amún kannin'n lɛ.