Matthieu 5:12 - NYANMIƐN NDƐ'N 1998

¹² yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

Nyanmien nde Ufle

¹² yele ke amun mô'n o wa yô dan nyanmien su lo. I so'n ti, man amun klun dyo, man amun wun blibli amun. Afin laa ke bé kléé Nyanmien nuan idyofue'm bé yale soo, i sin nan ba wu amun.

Matthieu 5:12 Iomraidhean Croise

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

1 Famiɛn Mun 18:13

?Kɛ Zezabɛl ´kun Anannganman i nuan ijɔfuɛ mun'n, sa nga n yoli'n, b'a kan kle-man wɔ? N fali be nun ya n fiali. N fali ablenun n fiali yɛbuɛ buɛ kun nun, yɛ n fali ablenun ekun n fiali yɛbuɛ bue uflɛ nun. Yɛ n tali be, m mannin be nzue nɔnwa.

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

1 Famiɛn Mun 19:2

Zezabɛl sunmannin sran kun kɛ ɔ ko se Eli kɛ: «Sɛ ainman dɔ kunngba nga su'n, m man b'a kun-man wɔ kɛ a fa kunnin Baal i nuan ijɔfuɛ'm be sa'n, man amuɛn'm be kun min.»

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

2 Famiɛn Mun 1:9

Famiɛn'n sunmannin sonja ablenun su kpɛn kun nin i sonja ablenun mun be kɛ be ko tra Eli. Kɛ ɔ ´yo sɔ'n, wuun Eli ti oka kun ti afiɛn. Be fuli oka sɔ'n su be ko toli i lɔ. Bé su kpɛn'n seli i kɛ: «Nyanmiɛn sran, famiɛn'n waan a fin oka'n su wa a `jra.»

2 Be Nyoliɛ 16:10

Aza fali ya jeliwafuɛ'n wun. Ɔ wlɛli i bisua, afin ndɛ'n b'ɔ kan kleli i'n, ɔ kunnin i ya dan. I blɛ kunngba sɔ nun'n, Aza kleli i mɛn'n nunfuɛ wie'm be yalɛ kpa.

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Jue Mun 58:11

Sran nga Nyanmiɛn bu i sran kpa'n, i klun'n ´jɔ afin ɔ ´wun kɛ Nyanmiɛn ɔ'a tu i klunngbɔ sran wlɛfuɛ'm be su ɔ'a mɛn i. I sɔfuɛ'n be tiatia klunwifuɛ'm be mmoja'n nun.

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 26:8

Kɛ Zeremi wieli ndɛ nga Anannganman'n fa wlɛli i nuan kɛ ɔ `kan kle sran'm be kwlaa'n kan cɛ'n, yɛ be trɛli i-ɔ. Be waan: «A wuli yɛ a o lɛ! A wuli yɛ a o lɛ!

Zeremi 37:14

Zeremi waan: «Cɛcɛ, nán Babilɔnifuɛ'm be sin yɛ n ´kɔ-ɔ!» Ng'ɔ ´kɛn i lɛ'n, ɔ ti-man Zirɛiza i ndɛ. Yɛ ɔ ´fa Zeremi ko man i su kpɛn mun-ɔn.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 6:23

Kɛ be ´yo amun sɔ'n, man amun klun jɔ, yɛ an `si able, yɛlɛ kɛ amun mo'n ɔ wa yo dan nyanmiɛn su lɔ, afin kɛ be nannan'm be yoli Nyanmiɛn nuan ijɔfuɛ'm be sɔ-ɔ.

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Sa nga bé yôli'n 16:25

Kɔnguɛ afiɛn Pɔl nin Silas be nin Nyanmiɛn be kokoli yalɛ, be toli Nyanmiɛn manmanlɛ jue, bisuafuɛ'n kun'm be tili.

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

1 Korɛntfuɛ Mun 3:8

Sran ng'ɔ ta'n nin ng'ɔ gua su nzue'n, be nnyɔn'n be sɛ, kɛ sran kun fa di i junman'n juli'n, Nyanmiɛn ´mɛn i i nuan like.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Kolɔsfuɛ Mun 3:24

Man an si kɛ e Min'n bɔbɔ yɛ ɔ ´fa like nga i waan i sran'm be ´nyɛn i'n ´tua amun kalɛ-ɔ. Afin amun Min kpafuɛ nga an su i'n yɛlɛ Krist.

1 Tɛsalonikfuɛ Mun 2:15

Zuif sɔ mun yɛ be kunnin e Min Jésus nin Nyanmiɛn nuan ijɔfuɛ mun yɛ be kleli e yalɛ nin-ɔn. Nyanmiɛn klun jɔ-man bé wun, be kpɔ sran'm be kwlaa .

Hébreu 10:34

Afin an wun bisuafuɛ'm be aunnvuɛ. Kɛ sran'm be ´de amun ninnge mun amún sa nun'n, amun nin be a kpli-man, sanngɛ amun klun jɔli su, afin an si kɛ an lɛ ninnge wie bɔ be ti kpa tra nga lɛ'n, bɔ be ´ka lɛ tititi.

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Hébreu 11:33

Nyanmiɛn su bɔ be lafi'n ti, be kwla nvle mun, be yo sa ng'ɔ ti i nuan su'n, be nyan like nga Nyanmiɛn waan ɔ ´man be'n, be cici asɔmɔli'm bé nuan,

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,

Jacques 5:10

Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»