Matthieu 5:11 - NYANMIƐN NDƐ'N 1998

¹¹ Kɛ be ´kpɛ amun nzowa, bɔ be ´kle amun yalɛ, bɔ be ´tɔn amun suɛn tɛtɛ'n kwlaa n dunman nun'n , amun liɛ su ti ye,

Nyanmien nde Ufle

¹¹ Ke béh keh amun nzôwa, bo béh kléh amun yale, bo béh tonh amun suen tete'n kwlaa n dunman nun'n, amun lie su ti yé,

Matthieu 5:11 Iomraidhean Croise

Jue Mun 35:11

Sran suɛn tɔnfuɛ wie'm be ba, be wa usa min sa nga n si-man nun'n i nun ndɛ.

Jue Mun 44:22

ɔ lɛ kɛ a su si-man nun? Afin a si be klun lɔ sa'n kwlaa.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Zeremi 37:14

Zeremi waan: «Cɛcɛ, nán Babilɔnifuɛ'm be sin yɛ n ´kɔ-ɔ!» Ng'ɔ ´kɛn i lɛ'n, ɔ ti-man Zirɛiza i ndɛ. Yɛ ɔ ´fa Zeremi ko man i su kpɛn mun-ɔn.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 10:25

Sɛ sran b'ɔ suan like'n ɔ yo kɛ sran b'ɔ kle i like'n sa'n, i sɔ'n ti kpa, yɛ sɛ sran b'ɔ su sran'n ɔ yo kɛ i min'n sa'n, i sɔ'n ti kpa. Sɛ be flɛ i awlo kpɛn'n kɛ Beɛlzebil'n, be wa flɛ awlofuɛ'm be kusu sɔ kpɛ blu .»

Matthieu 10:39

Sran ng'ɔ sɛsɛ i nguan'n, ɔ ´kpɛ i sin, yɛ sran ng'ɔ kpɛ i sin min dunman nun'n ɔ ´nyɛn i ekun.»

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 24:9

Be wa fa amun wla nyrɛnnɛn nun, be ´kun amun, yɛ nvle'n kwlaa be ´kpɔ amun n dunman nun.

Matthieu 27:39

Be nga be ´sin lɛ'n, be di i tɛ, be kpukpu bé ti nun , be se kɛ:

Marc 13:13

Min ti sran'm be kwlaa be wa kpɔ amun, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.»

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

Marc 4:17

Sanngɛ be ti kɛ awie b'ɔ lɛ-man ndin sa, be anwlɛn'n sɔ-man, kɛ afɛ'n nin yalɛ klelɛ'n tɔ bé su Nyanmiɛn ndɛ'n ti'n, kpɛkuun bé ti nun saci.

Marc 8:35

Afin sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min nin jasin fɛ'n ti'n, wuun sran sɔ'n ɔ sɛsɛ i nguan'n sakpa.

JÉSUS-CHRIST I DYASIN FE'N BO LUC KLELI'N 21:12

Sanngɛ be ´dun mmua tra amun kle amun yalɛ, be ´fa amun kɔ Nyanmiɛn ndɛ suanlɛ nin i srɛlɛ sua'm be nun, be ´wla amun bisua, be ´fa amun kɔ famiɛn mun nin kpɛnngbɛn'm bé ja su min ti.

JÉSUS-CHRIST I DYASIN FE'N BO LUC KLELI'N 21:17

Min ti sran'm be kwlaa be ´kpɔ amun.

JÉSUS-CHRIST I DYASIN FE'N BO LUC KLELI'N 6:22

Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

JÉSUS-CHRIST I DYASIN FE'N BO LUC KLELI'N 9:24

Afin sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min ti'n, sran sɔ'n ɔ sɛsɛ i nguan'n sakpa.

Jean 15:21

N ti yɛ be ´yo amun sa sɔ'n kwlaa-a, afin be si-man sran b'ɔ sunmannin min'n.

Jean 9:28

Be kpɛli i nzowa, be seli kɛ: «Wɔ yɛ a ti bian sɔ'n i sɔnnzɔnfuɛ-ɔ, e liɛ'n, e ti Moiz i sɔnnzɔnfuɛ.»

Sa nga bé yôli'n 9:16

yɛ m ma fa nyrɛnnɛn ng'ɔ wa wun i n dunman nun'n i kwlaa n kle i.

Rɔmfuɛ Mun 8:36

Afin be klɛli i kɛ: «Ɔ ti, be fa e jran wie'n nuan nglɛmun lele nnɔsua. Ɔ ti, be bu e kɛ bua bɔ be su ko kun i sa .»

1 Korɛntfuɛ Mun 4:10

Krist ti y'a kaci sinnglinfuɛ, sanngɛ amun liɛ'n, sran wunmuan bɔ amun nin Krist amu'an kaci'n ti'n, an ti ngwlɛlɛfuɛ! E ti fuɛn, sanngɛ amun liɛ'n, an ti kekle! An lɛ nyrun, sanngɛ e liɛ'n, be bu-man e sran!

2 Korɛntfuɛ Mun 4:11

Kɛ ɔ ´yo nan b'a wun kɛ e bɔ e ti wie'n i nnɛn'n y'a nyan nguan kunngba nga Jésus lɛ i'n wie'n, e ´jran wie'n i nuan Jésus ti lele e ´fa wu.

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

1 Piɛr 4:14

Sɛ be kpɛ amun nzowa Krist dunman b'ɔ o amun su'n ti'n, amun liɛ su ti ye, afin Nyanmiɛn Wawɛ'n b'ɔ lɛ nyrun'n ɔ nin amun wo nun !

Sa nglô yile 2:3

An lɛ anwlɛn kpa, min ti an wunnin nyrɛnnɛn, sanngɛ amún sa sin a bubu-man amun.