Matthieu 5:1 - NYANMIƐN NDƐ'N 1998

¹ Kɛ Jésus wunnin sran kpanngban sɔ mun'n, ɔ fuli oka kun su. Kɛ ɔ trannin ase'n, i sɔnnzɔnfuɛ'm be bɛli i wun lɛ,

Nyanmien nde Ufle

¹ Ke Jésus wuun swran kpanngban so mun'n, o fuu ôka kun su. Ke o traan asé'n, i sonnzonfue'm bé be i wun le,

Matthieu 5:1 Iomraidhean Croise

Matthieu 13:2

Sran kpanngban kpa be yiɛli i wun lɛ, i sɔ'n ti, ɔ fu trannin alie kun nun. Sran'm be kwlaa kusu be guali nzue kpa'n nuan lɛ.

Matthieu 15:29

Jésus tuli i bo lika sɔ'n nun lɛ, ɔ ko wlan-wlannin Galile fɛtɛ'n nuan lɔ, nan ɔ'a fu oka'n su ɔ'a tran ase.

Matthieu 4:25

Sran kpanngban kpa be fin Galile nin Klɔ Blu asa'n su, nin Zerizalɛm, nin Zide akpasua'n su, ɔ nin Zurdɛn'n i sin lɔ'n be su i su.

Matthieu 5:2

yɛ ɔ boli be like klelɛ'n bo-ɔ, ɔ seli be kɛ:

Marc 3:13

I sin ɔ fuli oka kun su, ɔ flɛli be ng'ɔ klo kɛ be bla'n, nan b'a bɛ i wun lɛ.

Marc 3:20

Kpɛkuun ɔ sɛli i sin awlo lɔ nan sran kpanngban kpa b'a yia lɛ ekun, ɔ man be kwla di-man like bɔbɔ.

Marc 4:1

Jésus boli like klelɛ'n bo ekun fɛtɛ'n nuan lɛ. Sran kpanngban kpa be yiɛli i wun lɛ, ɔ man ɔ fu trannin alie kun nun fɛtɛ'n su lɔ. Sran'm be kwlaa be kusu be guali nzue kpa'n nuan lɛ.

JÉSUS-CHRIST I DYASIN FE'N BO LUC KLELI'N 6:12

Kɛ ɔ yoli sɔ'n, le kun Jésus ɔli oka kun su kɛ ɔ ko srɛ Nyanmiɛn, ɔ srɛli Nyanmiɛn lele aliɛ'n cɛnnin i.

JÉSUS-CHRIST I DYASIN FE'N BO LUC KLELI'N 6:17

Jésus nin be fin oka'n su lɔ jrali, be wa jrannin lika kpɛkplɛkpɛ kun bɔ i sɔnnzɔnfuɛ kaka kpa be o lɛ'n nun, yɛ sran kpanngban bɔ be fin Zide mɛn wunmuan nun, nin Zerizalɛm, nin Tir, nin Sidɔn'n be o lɛ wie. Tir nin Sidɔn be o jenvie nuan lɔ.

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

JÉSUS-CHRIST I DYASIN FE'N BO LUC KLELI'N 9:28

Kɛ Jésus kannin ndɛ sɔ'n b'ɔ di le mɔcuɛ kun'n, ɔ fali Piɛr nin Zan, yɛ Zak, be fuli oka kun su kɛ ɔ nin Nyanmiɛn be ko koko yalɛ.

Jean 6:15

Kɛ Jésus wunnin kɛ be su wa trɛ sie i famiɛn'n, i ngunmin sɛ i sin ɔli kpɔlɛ'n su lɔ ekun.