Matthieu 4:8 - NYANMIƐN NDƐ'N 1998

⁸ Mmusu'm bé si Satan fɛ i ekun ɔli oka fleiin kpa kun su, ɔ fa mɛn'n i famiɛn diwlɛ'n kwlaa nin i nun ninnge b'ɔ ba be nyrunnyan'n kleli i, ɔ seli i kɛ:

Nyanmien nde Ufle

⁸ Mmusu'm bé si Satan fe ékun oo ôka fléiin kpa kun su, o fa men'n i famien diwle'n kwlaa nin i nun ninngé b'o ba bé nyrunnyan'n klélii, o sé ke:

Matthieu 4:8 Iomraidhean Croise

Ɛstɛr 1:4

Ɔ fɛli i famiɛn ninnge kpakpa nin ninnge nglanman-nglanman mun kleli be. Ɔ man be wunnin kɛ i sielɛ'n ti sielɛ kun b'ɔ lɛ nyrun. Cɛn dilɛ sɔ'n dili sra nsiɛn.

Ɛstɛr 5:11

Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Kalɛ 23:3

Balaam seli Balak kɛ: «Jran ɔ tɛ'm bé wun wa, n cia mín wun kan. Wienun-ɔn, sɛ Anannganman wa yi i wun nglo kle min o. I nuan su ndɛ kwlaa ng'ɔ kan kle min'n, n ´kan kle wɔ.» Yɛ Balaam ko fuli kpɔlɛ kun ti su-ɔ.

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

Matthieu 4:5

Mmusu'm bé si Satan fɛ i ɔli Nyanmiɛn klɔ'n su lɔ, ɔ fɛ i sieli Nyanmiɛn i sua'n su , ɔ seli i kɛ:

Jean 5:20

Afin i Si'n klo i, yɛ ɔ kle i like nga i bɔbɔ yo'n i kwlaa. Ɔ wa kle i like ng'ɔ ´yo'n bɔ i dan ´tra nga nan ɔ `bo amún nuan.

1 Piɛr 1:24

Afin be klɛli i Nyanmiɛn Ndɛ'n nun kɛ: «Sran'm be kwlaa be ti kɛ ijre sa, yɛ be nyrun nga be lɛ i'n ti kɛ ijre'n i nyrɛ'n sa. Ijre'n wu, yɛ i nyrɛ'n gua.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»