Matthieu 4:4 - NYANMIƐN NDƐ'N 1998

⁴ Sanngɛ Jésus seli i kɛ, be klɛli i kɛ: «Nán aliɛ kunngba yɛ ɔ man sran nguan-an, sanngɛ ndɛ kwlaa ng'ɔ fin Nyanmiɛn nuan fite'n, i yɛ ɔ man sran nguan-an .»

Nyanmien nde Ufle

⁴ Sannge Jésus séé i ke, bé klelii ke: «Nanh alie kunngba ye o man swran nguaan, sannge nde kwlaa ng'o fin Nyanmien nuan fité'n, i ye o man swran nguaan.»

Matthieu 4:4 Iomraidhean Croise

Ezipt Lɔ Tulɛ'n 16:15

Izraɛlfuɛ'm be wunnin i, sanngɛ be si-mɛn i, be usali be wiengu kɛ: «?Nzu like yɛlɛ nga?» Moiz tɛli bé su kɛ: «Aliɛ nga Anannganman fa mannin amun kɛ amun di'n yɛ ɔ o lɛ-ɔ.

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Ezipt Lɔ Tulɛ'n 16:8

Moiz waan: «Anannganman wa man amun nnɛn amun ´di ndɛ nnɔsua. Ainman nglɛmun kusu'n, ɔ ´man amun kpaun nga ɔ ko ju amun dilɛ'n. Anannganman tili trikilɛ nga amun trikili i su lɛ'n. ?Afin waan yɛlɛ ye? Nán e su yɛ amun trikili-ɔ, sanngɛ Anannganman i su yɛ amun trikili-ɔ.»

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Matthieu 15:11

Nán like nga sran di'n yɛ ɔ saci i-ɔ, sanngɛ like ng'ɔ o sran klun lɔ'n i yɛ ɔ saci i-ɔ.»

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Matthieu 4:7

Jésus kusu seli i kɛ: «Be klɛli i kusu kɛ: ‹Nán kunndɛ ɔ Min Nyanmiɛn i nuan .› »

Marc 7:20

Yɛ ɔ seli kɛ: «Like ng'ɔ fin sran klun fite'n yɛ ɔ saci i-ɔ.

JÉSUS-CHRIST I DYASIN FE'N BO LUC KLELI'N 4:12

Jésus seli i kɛ: «Be seli kɛ: ‹Nán kunndɛ ɔ Min Nyanmiɛn i nuan.› »

JÉSUS-CHRIST I DYASIN FE'N BO LUC KLELI'N 4:4

Yɛ Jésus seli i kɛ: «Be klɛli i kɛ: ‹Nán aliɛ kunngba yɛ ɔ man sran nguan-an .› »

JÉSUS-CHRIST I DYASIN FE'N BO LUC KLELI'N 4:8

Jésus seli i kɛ: «Be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Jean 15:26

Sran ng'ɔ wa uka amun'n ɔ ´ba, yɛlɛ Nyanmiɛn Wawɛ'n b'ɔ ti nanwlɛfuɛ b'ɔ fin e Si Nyanmiɛn wun lɔ'n. N ´fɛ blɛ amun e Si dunman nun. Kɛ ɔ ko ba'n, ɔ ´kan min ndɛ kle amun.

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Efɛzfuɛ Mun 6:17

Man delɛ bɔ Nyanmiɛn de amun'n ɔ yo kɛ kpongbo kle sa, an `fa wla amún ti. An `fa Nyanmiɛn ndɛ'n b'ɔ ti kɛ i Wawɛ'n i tokofi'n sa b'ɔ fa mannin amun'n .

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.