Matthieu 4:3 - NYANMIƐN NDƐ'N 1998

³ Lakafuɛ'n bɛli i wun lɛ, ɔ seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga mun man be kaci aliɛ.»

Nyanmien nde Ufle

³ Lakafue'n bee i wun le, o sé ke: Se o waan a ti Nyanmien Wa sakpa'n, sé yebue nga mun man bé katyi alie.

Matthieu 4:3 Iomraidhean Croise

Ezipt Lɔ Tulɛ'n 16:3

Izraɛlfuɛ'm be waan: «Sɛ ɔ ti kɛ Anannganman kunnin ye Ezipt lɔ i nun bɔ e ti nnɛn sɛ'm be sin'n, bɔ e nyan aliɛ kpa e di'n, wuun ɔ yoli kpa. Kpɛkuun amun fali e bali aawlɛ flɛnnɛn nga nun wa kɛ awe'n nunnun e ngba.»

Matthieu 14:33

Be nga be o alie'n nun'n be ko kotoli Jésus bo yɛ be seli i kɛ: «A ti Nyanmiɛn Wa sakpa.»

Matthieu 16:16

Simɔn Piɛr tɛli su kɛ: «A ti Krist, Nyanmiɛn'n b'ɔ lafi-man i Wa'n yɛlɛ wɔ.»

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Marc 1:1

Jésus-Krist Nyanmiɛn Wa'n i jasin fɛ'n i bo bolɛ'n yɛ.

Marc 3:11

Cɛn kwlaa kɛ asiɛ usu'm be wun i'n, be koto i bo, be kpan se kɛ: «A ti Nyanmiɛn Wa.»

Marc 5:7

ɔ kpannin kekle kpa kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nian Nyanmiɛn'n ti, nán kle n yalɛ.»

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

JÉSUS-CHRIST I DYASIN FE'N BO LUC KLELI'N 22:70

Yɛ be kwlaa be usɛli i kɛ: «?Wuun, a ti Nyanmiɛn Wa?» Yɛ ɔ seli be kɛ: «Nga n ti'n yɛ amún nuan o su lɛ-ɔ.»

JÉSUS-CHRIST I DYASIN FE'N BO LUC KLELI'N 4:3

Yɛ mmusu'm bé si Satan seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga man ɔ kaci aliɛ.»

JÉSUS-CHRIST I DYASIN FE'N BO LUC KLELI'N 4:41

Asiɛ usu'm be kusu be jaoli sran kpanngban bé su. Be ´jao bé su sɔ'n, wuun be kpan kekle kɛ: «A ti Nyanmiɛn Wa.» Sanngɛ Jésus ijɔli be, ɔ seli be kɛ nán man be ijɔ, afin be si kɛ ɔ ti Krist.

JÉSUS-CHRIST I DYASIN FE'N BO LUC KLELI'N 4:9

Mmusu'm bé si Satan fɛ i ekun ɔli Zerizalɛm lɔ, ɔ fɛ i sieli Nyanmiɛn i sua'n su, yɛ ɔ seli i kɛ: «Sɛ ɔ waan a ti Nyanmiɛn Wa sakpa'n, tu kpɛn asiɛ wun lɔ,

Jean 1:34

N liɛ'n n wunnin i yɛ man n se kɛ i yɛ ɔ ti Nyanmiɛn Wa nin-ɔn.»

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 9:35

Jésus tili i kɛ b'a kɛn i bo. Ɔ ko wunnin i nan ɔ'a usɛ i kɛ: «?A lafi i b'ɔ kacili Sran'n i su?»

Sa nga bé yôli'n 9:20

kpɛkuun ɔ su kan ndɛ Nyanmiɛn ndɛ suanlɛ nin i srɛlɛ sua'm be nun, ɔ kan kɛ Jésus ti Nyanmiɛn Wa.

2 Korɛntfuɛ Mun 1:19

Afin Nyanmiɛn Wa Krist-Jésus bɔ min nin Silvɛn, ɔ nin Timote e kɛn i ndɛ kleli amun'n, ɔ ti-man nuan nun nnyɔn-nnyɔn difuɛ, ɔ ti nanwlɛfuɛ.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

1 Tɛsalonikfuɛ Mun 3:5

I sɔ'n ti, kɛ m'an kwla minndɛ-man kun'n, n sunmannin Timote kɛ ɔ ko nian sɛ amun tɛ lafi Krist su o, annzɛ sɛ wienun-ɔn Lakafuɛ'n ɔ'a laka amun man e junman'n wa yo ngbɛn o.

Hébreu 12:16

An `nian amún wun kpa nan sran fi a kunndɛ-man bla nin bian, yɛ sran fi a bu-man Nyanmiɛn i ninnge'm be kɛ be ti-man like fi kɛ Ezau bɔ aliɛ talie kun ti ɔ yoli i kpɛnngbɛn'n i atɛ'n sa .

Hébreu 4:14

E lɛ Nyanmiɛn nyrun jranfuɛ'm be su kpɛn kpa kun, ɔ ɔli lele juli Nyanmiɛn bɔbɔ nyrun lɔ: yɛlɛ Jésus Nyanmiɛn Wa'n. I sɔ'n ti'n, like nga e lafi su'n, man e lafi su kpa.

Hébreu 7:3

Be si-mɛn i si, nin i nin, ɔ nin i nannan, y'a kɛnngɛn-mɛn i ndɛ kɛ be wuli i yɛ ɔ wuli. Ɔ ti kɛ Nyanmiɛn Wa'n sa, ɔ man ɔ ´kɛ i Nyanmiɛn nyrun jranlɛ'n su tititi.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .