Matthieu 4:23 - NYANMIƐN NDƐ'N 1998

²³ Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Nyanmien nde Ufle

²³ Jésus wlanwlan Galilée akpasua'n kwlaa su, o klé liké Nyanmien sua'm bé nun, o kan Nyanmien i siéle'n i dyasin fe'n klé bé, ye o wié tukpatye kwlaa b'o ô swran'm bé wun'n nin bé wunnen ya'n kwlaa.

Matthieu 4:23 Iomraidhean Croise

Jue Mun 103:3

I yɛ ɔ yaci min wun sa'n kwlaa cɛ min-ɔn. Sɛ n tɔ tukpacɛ'n, i yɛ ɔ yo min juejue-ɔ.

Jue Mun 74:8

Be se bé wun kɛ: «E `kle be kwlaa be nyrɛnnɛn ke! E `wɔ be Nyanmiɛn suwlɛ'n kwlaa nun.»

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 12:9

Kɛ ɔ fin lɛ'n, ɔ ɔli be Nyanmiɛn ndɛ suanlɛ nin i srɛlɛ sua'n nun lɔ.

Matthieu 13:19

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Matthieu 13:54

Kɛ ɔ juli i mɛn nun'n, ɔ kleli sran'm be like be Nyanmiɛn ndɛ suanlɛ nin i srɛlɛ sua'n nun. Like b'ɔ kle be'n, ɔ bo bé nuan, nan b'a usa kɛ: «?Ɔ nin i ngwlɛlɛ nin i sa kekleekle yolɛ nga fin nin?

Matthieu 14:14

Kɛ ɔ fin alie'n nun fiteli'n, ɔ wunnin sran kpanngban, be yoli i annvɔ, nan ɔ'a yo tukpacɛfuɛ'm bɔ be o nun'n be juejue.

Matthieu 24:14

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 9:35

Jésus wlan-wlan klɔ dandan nin klɔ kanngan'm be kwlaa be su, ɔ kle be like be Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn sielɛ'n i jasin fɛ'n kle be, yɛ ɔ wie be tukpacɛ nin be wunnɛn ya'n kwlaa.

Marc 1:14

Kɛ be wlali Zan bisua'n, i sin Jésus ɔli Galile mɛn'n nun. Ɔ kan Nyanmiɛn i jasin fɛ'n,

Marc 1:21

Be ɔli klɔ'n bɔ be flɛ i Kapɛrnaɔm'n su. Wunmiɛn-delɛ-cɛn nun'n, Jésus wluli Nyanmiɛn ndɛ suanlɛ nin i srɛlɛ sua'n nun, ɔ kleli like. I like b'ɔ kle be'n boli bé nuan yɛlɛ kɛ i ndɛ b'ɔ kan'n, ɔ kle be kɛ ɔ lɛ sin jranfuɛ.

Marc 1:39

Yɛ ɔ ɔli Galile mɛn'n i lika'n kwlaa, ɔ kan ndɛ Nyanmiɛn ndɛ suanlɛ nin i srɛlɛ sua'm be nun, ɔ man asiɛ usu'm be jao sran'm be su.

Marc 3:10

Afin kɛ b'ɔ yo sran sunman be juejue'n, be kwlaa nga be ti tukpacɛfuɛ'n be klo kɛ be ´kɛn i. I sɔ'n ti be wunndun i su.

Marc 6:2

Kɛ wunmiɛn-delɛ-cɛn'n juli'n, ɔ wa kleli be like Nyanmiɛn ndɛ suanlɛ nin i srɛlɛ sua'n nun. Sran kpanngban bɔ be tie i ndɛ'n bé nuan'n boli be wun, yɛ be usali kɛ: «?Eee, ɔ tili ndɛ nga'm be nin? ?Ɔ nin i ngwlɛlɛ nga fin nin? Ɔ yo sɛ yɛ ɔ yi atrɛ nga mun-ɔn?

Marc 6:6

I su bɔ be lafi-man'n ɔ bo i nuan kpa. Jésus ɔli klɔ bɔ be mantan lɛ'n be su sran'm be like klelɛ.

JÉSUS-CHRIST I DYASIN FE'N BO LUC KLELI'N 10:9

An `yo tukpacɛfuɛ nga be o lɛ'n be juejue, an `se be kɛ, Nyanmiɛn sielɛ'n ɔ nin be ɔ'a ka koko.

JÉSUS-CHRIST I DYASIN FE'N BO LUC KLELI'N 13:10

Wunmiɛn-delɛ-cɛn kun nun Jésus kleli like Nyanmiɛn ndɛ suanlɛ nin i srɛlɛ sua kun nun.

JÉSUS-CHRIST I DYASIN FE'N BO LUC KLELI'N 16:16

Be dili Moiz mmla'n nin Nyanmiɛn nuan ijɔfuɛ'm be ndɛ'n su lele fa juli Zan blɛ su, i blɛ su yɛ be boli Nyanmiɛn sielɛ'n i jasin fɛ'n i kanlɛ bo-ɔ. Ɔ man sran'm be kwlaa be mian bé nyin kɛ be ´fa bé wun man Nyanmiɛn nan ɔ sie be.

JÉSUS-CHRIST I DYASIN FE'N BO LUC KLELI'N 20:1

Le kun kɛ Jésus ´kle sran'm be like Nyanmiɛn i sua'n nun, b'ɔ ´bo jasin fɛ'n kle be'n, Nyanmiɛn nyrun jranfuɛ dandan mun nin mmla klefuɛ mun, ɔ nin kpɛnngbɛn mun be wa usɛli i kɛ:

JÉSUS-CHRIST I DYASIN FE'N BO LUC KLELI'N 4:14

Kɛ Nyanmiɛn Wawɛ'n tinnin Jésus'n, ɔ ɔli Galile mɛn'n nun ekun. I dunman'n fu lele juli klɔklɔ nga be mantan lɛ'm bé su.

JÉSUS-CHRIST I DYASIN FE'N BO LUC KLELI'N 5:17

Le kun bɔ Jésus ´kle like'n, Farizifuɛ mun nin mmla i sifuɛ dandan'm bɔ be fin Galile nin Zide be klɔ'n kwlaa su'n nin Zerizalɛm'n, be gua lɛ. E Min Nyanmiɛn jin i sin, ɔ man ɔ yo tukpacɛfuɛ'm be juejue.

JÉSUS-CHRIST I DYASIN FE'N BO LUC KLELI'N 6:17

Jésus nin be fin oka'n su lɔ jrali, be wa jrannin lika kpɛkplɛkpɛ kun bɔ i sɔnnzɔnfuɛ kaka kpa be o lɛ'n nun, yɛ sran kpanngban bɔ be fin Zide mɛn wunmuan nun, nin Zerizalɛm, nin Tir, nin Sidɔn'n be o lɛ wie. Tir nin Sidɔn be o jenvie nuan lɔ.

JÉSUS-CHRIST I DYASIN FE'N BO LUC KLELI'N 6:6

Kɛ wunmiɛn-delɛ-cɛn'n juli ekun bɔ Jésus wluli Nyanmiɛn ndɛ suanlɛ nin i srɛlɛ sua'n nun b'ɔ ´kle be like'n, ɔ wunnin bian kun bɔ i sa fama'n ti wuwa.

JÉSUS-CHRIST I DYASIN FE'N BO LUC KLELI'N 7:21

Kɛ ɔ ´yo sɔ'n, wuun Jésus a yo tukpacɛfuɛ mun nin be bɔ bé wun yo be ya'n be kpanngban be juejue, wuun ɔ'a fuan asiɛ usu'm bɔ be saci sran'n, ɔ man sran sɔ'n b'a yo juejue, wuun ɔ'a tike anyansifuɛ kaka bé nyin.

JÉSUS-CHRIST I DYASIN FE'N BO LUC KLELI'N 7:22

Yɛ ɔ seli be kɛ: «An `ko kan like nga an wunnin i'n nin ndɛ nga an tili'n kle Zan. An se i kɛ anyansifuɛ'm be wun ase, cɛcɛwafuɛ'm be nanti, kokowefuɛ'm bé wun sa, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

JÉSUS-CHRIST I DYASIN FE'N BO LUC KLELI'N 8:1

Kɛ ɔ yoli sɔ'n, Jésus nin i sɔnnzɔnfuɛ blu-nin-nnyɔn'm be ɔli klɔ dandan nin kanngan'n kwlaa be su, ɔ kannin Nyanmiɛn ndɛ, ɔ boli Nyanmiɛn sielɛ jasin fɛ'n kleli be.

JÉSUS-CHRIST I DYASIN FE'N BO LUC KLELI'N 9:11

Kɛ sran'm be tili i kɛ ɔ'a ɔ lɔ'n, be suli i su. Ɔ sɔli be nun, ɔ kan Nyanmiɛn sielɛ ndɛ'n kleli be, yɛ ɔ yoli be nga kusu bɔ be ti-man juejue'n be juejue.

JÉSUS-CHRIST I DYASIN FE'N BO LUC KLELI'N 9:60

Yɛ Jésus seli i kɛ: «Yaci be bɔ be wu'n man be sie be sran mun, sanngɛ ɔ liɛ'n, ko kan Nyanmiɛn sielɛ'n i ndɛ'n.»

Jean 18:20

Jésus seli i kɛ: «N kan kleli sran'm be kwlaa nzra nun, yɛ cɛn'n kwlaa kɛ Zuif'm be yia Nyanmiɛn ndɛ suanlɛ nin i srɛlɛ sua'm be nun nin Nyanmiɛn i sua nun'n, n kle be like. M'an kan-man ndɛ fi nvialiɛ nun.

Jean 6:59

Ndɛ nga kɛ Jésus ´kle like Kapɛrnaɔm lɔ Nyanmiɛn ndɛ suanlɛ nin i srɛlɛ sua nun'n ɔ kannin'n yɛ ɔ o lɛ-ɔ.

Jean 7:1

Kɛ ɔ yoli sɔ'n, i sin Jésus wlan-wlan Galile mɛn'n nun, ɔ klo-man kɛ ɔ wlan-wlan Zide mɛn'n n nun kun, afin Zuif'm be kunndɛ kɛ be ´kun i lɔ.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 18:4

Wunmiɛn-delɛ-cɛn'n kwlaa, Pɔl kan ndɛ kle Zuif mun nin Grɛk mun Nyanmiɛn ndɛ suanlɛ nin i srɛlɛ sua'n nun, ɔ yiyi nun weiin kle be.

Sa nga bé yôli'n 20:25

An `nian, amun kwlaa nga n sinnin amun su bɔ n kannin Nyanmiɛn sielɛ ndɛ kleli amun'n, n si kɛ an su wun-man min kun.

Sa nga bé yôli'n 28:31

Be kwlaa nga be bɛ i wun wunlɛ'n, ɔ sɔ be nun. Ɔ kan Nyanmiɛn sielɛ ndɛ'n kle be, yɛ ɔ kle e Min Jésus-Krist i ndɛ'n yakpa su, sran fi se-mɛn i kɛ nán man ɔ kan.

Rɔmfuɛ Mun 10:15

?Sɛ b'a sunman-man sran'n, ɔ ´yo sɛ yɛ ɔ ´kɛn i ndɛ nin-ɔn? Afin be klɛli i kɛ: «Be bɔ be ba jasin fɛ bolɛ'n, be balɛ'n yo sran'm be fɛ .»