Matthieu 4:15 - NYANMIƐN NDƐ'N 1998

¹⁵ «Zabilɔn mɛn'n nin Nɛftali mɛn'n , be o Galile b'ɔ ti be nga be ti-man Zuif'n be mɛn'n nun. Be mantan fɛtɛ'n b'ɔ o Zurdɛn'n i sin lɔ'n.

Nyanmien nde Ufle

¹⁵ «Zabulon men'n ye Nephtali men'n, Atin b'o ko fete'n nun lo, Jourdain'n i sin lo'n, Bé bo bé ti'a Juif'n bé Galilée

Matthieu 4:15 Iomraidhean Croise

1 Famiɛn Mun 9:11

I blɛ sɔ nun'n, Iram b'ɔ ti Tir famiɛn'n mannin Salomɔn i sɛdri nin siprɛs waka nin sika ɔkwlɛ. I kwlakwla nga Salomɔn usali'n, ɔ fa mɛnnin i. Yɛ famiɛn Salomɔn kusu fali Galile klɔ dandan ablaɔn mɛnnin i.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

Ezai 9:1

Sran nga be wo aosin nun'n, be wunnin kɛ lika kpaja'n dan kpa, be nga be tran mɛn ng'ɔ wo aosin tuun kpa nun'n, lika'n kpajali be su .

Matthieu 4:13

Ɔ tuli Nazarɛt, ɔ wa trannin Kapɛrnaɔm b'ɔ o fɛtɛ'n nuan lɛ Zabilɔn mɛn'n nin Nɛftali mɛn'n be akpasua'n su

Matthieu 4:14

nan Nyanmiɛn nuan ijɔfuɛ Ezai i ndɛ'n ɔ `kpɛn su, ɔ seli kɛ:

Matthieu 4:25

Sran kpanngban kpa be fin Galile nin Klɔ Blu asa'n su, nin Zerizalɛm, nin Zide akpasua'n su, ɔ nin Zurdɛn'n i sin lɔ'n be su i su.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Zozie 20:7

Izraɛlfuɛ'm be kpali Kedɛs klɔ'n b'ɔ o Galile lɔ'n Nɛftali i oka-oka lika nun'n, ɔ nin Sisɛm klɔ'n b'ɔ o Efraim oka-oka lika nun'n, ɔ nin Kirzat-Arba bɔ be flɛ i ekun kɛ Ebrɔn'n b'ɔ o Zida oka-oka lika nun'n.

Zozie 21:32

nin Nɛftali lika liɛ nun'n, be nyannin klɔ dandan nsan ɔ nin be nnɛn didiwlɛ mun. Klɔ sɔ mun yɛlɛ Kedɛs, b'ɔ o Galile lɔ'n, ɔ ti fiawlɛ klɔ, nin Amɔt-Dɔr, ɔ nin Kartan.