Matthieu 4:11 - NYANMIƐN NDƐ'N 1998

¹¹ Yɛ mmusu'm bé si Satan yacili i nun-ɔn, nan anz'm b'a bɛ i sulɛ.

Nyanmien nde Ufle

¹¹ Ye mmusu'm bé si Satan yatyii i nuon, nan ange'm ba be i sule.

Matthieu 4:11 Iomraidhean Croise

1 Famiɛn Mun 19:6

Ɔ ´nian-an, kpaun kun yɛ, nzue klowa kun jin i wun lɛ. Kpaun paplapa nga be nyintɔn i yɛbuɛ nglɛnglɛ su'n i wie-ɔ. Ɔ dili kpaun'n, ɔ nɔnnin nzue'n, yɛ ɔ lali ekun-ɔn.

Matthieu 26:53

?A bu i kɛ n kwla flɛ-man n Si kɛ ɔ blɛ min anz bɔ be tra akpi fa blu-nin-nnyɔn icra'n?

Matthieu 4:6

«Sɛ ɔ waan a ti Nyanmiɛn Wa sakpa'n, tu kpɛn asiɛ wun lɔ, afin be klɛli i kɛ: ‹Ɔ ´se i anz'm be kɛ be sɔ wɔ nun, kɛ ɔ ´yo nan ɔ́ ja ɔ'a kpla-man yɛbuɛ wie'n ti .› »

Marc 1:13

Ɔ dili le ablanan aawlɛ flɛnnɛn nun lɔ, Satan ko lɛkɛlɛkɛli i. Ɔ nin blo nnɛn mun yɛ be o lɔ-ɔ, yɛ anz'm be su i.

JÉSUS-CHRIST I DYASIN FE'N BO LUC KLELI'N 22:43

Yɛ anz kun fin Nyanmiɛn su lɔ ɔ wa wlɛli i fanngan-an.

JÉSUS-CHRIST I DYASIN FE'N BO LUC KLELI'N 22:53

Cɛn kwlaa min nin amun yɛ e o Nyanmiɛn i sua nun-ɔn, amu'an tra-man min, siɛn'n amun nin aosin'n amun blɛ liɛ'n yɛ ɔ'a ju-ɔ.»

JÉSUS-CHRIST I DYASIN FE'N BO LUC KLELI'N 4:13

Kɛ mmusu'm bé si Satan lɛkɛlɛkɛ i wafa'n kwlaa bɔ ɔ'a nyɛn-mɛn i'n, ɔ nin i be tili nun lele san blɛ uflɛ ekun.

Jean 14:30

Min nin amun e su ijɔ-man kpanngban kun, afin sran ng'ɔ sie mɛn nga'n, ɔ su ba. Ɔ kwla yo-man n like fi mlɔnmlɔn,

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 1:6

Kɛ ɔ ´fɛ i Wa kpɛn'n ba mɛn nun'n, ɔ kɛnnin i ekun kɛ: «Man min anz'm be kwlaa be koto i bo be mɛnmɛn i.»