Matthieu 3:7 - NYANMIƐN NDƐ'N 1998

⁷ Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Nyanmien nde Ufle

⁷ Ke o wuun ke Pharisifue (*f4*) nin Sadducéfue (*f5*) kpanngban bé ba ke o yô bé baptême'n, o usaa bé ke: ?Onda mma mun, wan ye o séé amun ke an wanndi ya b'o wa dyaô'n i bôo?

Matthieu 3:7 Iomraidhean Croise

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Nyanndra Mun 28:4

Be nga bɔ be fa-man Nyanmiɛn mmla'n su'n, be manman klunwifuɛ'n. Be bɔ be fa su'n kusu be nin klunwifuɛ'n bé ti sɛ-man.

Ezai 59:5

Sɛ amun ti anunman'n, wuun n ´se kɛ amun utu ɔnda klenzua su. Sɛ amun ti akɛndɛwa'n, wuun n ´se kɛ amun to ndɛnndɛn. Sran ng'ɔ di amun klenzua wie'n, ɔ wu. Sɛ be bo klenzua sɔ'n kun'n, ɔnda yɛ ɔ fin nun fite-ɔ.

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Matthieu 12:24

Kɛ Farizifuɛ'm be tili'n, be seli kɛ: «Bian nga, nɛ́n i bɔbɔ fanngan nun yɛ ɔ fuan asiɛ usu mun-ɔn, sanngɛ Beɛlzebil b'ɔ ti mmusu'm be wlengbi'n i dunman nun yɛ ɔ fuan be-ɔ.»

Matthieu 12:34

?Ɔnda mma mun, amun bɔ an ti sran tɛ'n, ɔ yo sɛ yɛ ndɛ kpa kwla fin amún nuan fite-ɔ? Afin ndɛ kwlaa ng'ɔ o sran anwlɛn'n nun'n yɛ ɔ fite i nuan-an.

Matthieu 15:12

Yɛ i sɔnnzɔnfuɛ'm be wunngeli i wun lɛ nan b'a usɛ i kɛ: «?A si kɛ ndɛ'n bɔ a kannin'n ɔ yoli Farizifuɛ'm be ngasi?»

Matthieu 16:1

Farizifuɛ mun nin Sadisefuɛ'm be bali Jésus wun lɛ kɛ be ´kɛn i nian, be seli i kɛ ɔ yi nyanmiɛn su lɔ atrɛ kun kle be.

Matthieu 16:6

Jésus seli be kɛ: «An `nian amún wun kpa Farizifuɛ mun nin Sadisefuɛ'm be kpaun ayre'n i lika.»

Matthieu 22:15

Yɛ Farizifuɛ'm be ko wunnin be wun-ɔn, be kunndɛ kɛ be ´tie Jésus nuan bo ndɛ nan be ´jran su fa trɛ i.

Matthieu 22:23

I le kunngba sɔ'n, Sadisefuɛ'm bɔ be waan sɛ sran wu-ɔ ɔ cɛn-man'n be bali Jésus wun lɛ nan b'a se i kɛ:

Matthieu 22:34

Kɛ Farizifuɛ'm be tili i kɛ Jésus ndɛ'n kwlali Sadisefuɛ mun'n, be ko yiali.

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

Marc 12:13

Be sunmannin Farizifuɛ mun nin Erɔdfuɛ wie mun Jésus wun lɔ kɛ be ko tie i nuan bo ndɛ nan be jran su fa trɛ i.

Marc 12:18

Sadisefuɛ mun bɔ be waan, sɛ sran wu-ɔ ɔ cɛn-man'n , be bali Jésus wun lɛ, be usɛli i kɛ:

Marc 8:15

Jésus wlali bé su nun kɛ be sasa bé wun kpa Farizifuɛ mun nin Erɔd be kpaun ayre'n i lika.

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

JÉSUS-CHRIST I DYASIN FE'N BO LUC KLELI'N 18:11

Farizifuɛ'n jrannin nglo ɔ kannin kɛ i bɔbɔ ti'n kleli Nyanmiɛn, ɔ seli kɛ: ‹Nyanmiɛn, kwla o, afin n liɛ'n, n ti-man kɛ sran nga'm be sa: be de sran like wue kekle su, be di-man nanwlɛ, be kunndɛ bla bé yi bo nin bian bé wun bo, yɛ n ti-man kɛ gua bo sika defuɛ ng'ɔ jin yɛ'n sa.

JÉSUS-CHRIST I DYASIN FE'N BO LUC KLELI'N 7:30

Sanngɛ Farizifuɛ mun be nin mmla sifuɛ mun bɔ b'a kplin-man su kɛ ɔ yo be batɛm'n, be man like kpa bɔ Nyanmiɛn waan ɔ ´fa man be'n, ɔ to fuannin be.

Jean 1:24

Be nga be sunmannin be'n, be wie'm be ti Farizifuɛ,

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Jean 9:40

Kɛ Farizifuɛ wie'm bɔ be nin i o lɛ'n be tili ndɛ sɔ'n, be usɛli i kɛ: «?E kusu e ti anyansifuɛ wie?»

Sa nga bé yôli'n 15:5

Farizifuɛ bɔ be fali Nyanmiɛn ndɛ'n su'n be wie jaoli, yɛ be seli kɛ: «Man be wla be bɔ be ti-man Zuif'n be klɛn nan be fa Moiz mmla'n su.»

Sa nga bé yôli'n 20:31

I sɔ'n ti, an `nian amún wun kpa, nán amún wla fi kɛ m'an yaci-man amun kwlakwlakwla amun afɔtuɛ manlɛ afuɛ nsan kɔnguɛ nin wia'n nun. Kɛ n ´yo sɔ'n, n nyinmuɛn gua.

Sa nga bé yôli'n 26:5

Be si min ɔ'a cɛ kpa kɛ n ti Farizifuɛ be nun kun. Sɛ Zuif be waan be ´di nanwlɛ'n, wuun be se kɛ n fali Farizifuɛ'm be mmla'n kwlaa su, afin Farizifuɛ'm be ti e Nyanmiɛn sulɛ'n i akpasua kun bɔ be fa Nyanmiɛn mmla'n su tra be kwlaa.

Sa nga bé yôli'n 5:17

I sɔ'n yoli Nyanmiɛn nyrun jranfuɛ'm be su kpɛn'n nin i minniɛn Sadisefuɛ'm be kwlaa be ya, ɔ man bé nyin cili be bɔ Jésus sunmannin be'n,

Rɔmfuɛ Mun 1:18

Sran'm be nyin b'ɔ yi-man Nyanmiɛn'n nin sa tɛtɛ'n kwlaa bɔ be yo'n ti, Nyanmiɛn kle be kɛ i ya'n wa jaso. Bé sa tɛtɛ yolɛ sɔ'n ti, ɔ man sran'm be wun-man Nyanmiɛn ndɛ'n i nanwlɛ.

Rɔmfuɛ Mun 5:9

I sɔ'n ti'n, sɛ ndɛ i mmoja'n ti Nyanmiɛn a bu ye sran kpa'n, cɛn nga Nyanmiɛn i ya'n jao'n, i ti e ´nyan é ti kpɛ blu.

1 Tɛsalonikfuɛ Mun 1:10

kɛ amun ´minndɛ i Wa b'ɔ cɛnnin i'n, b'ɔ ´fin nyanmiɛn su lɔ ba'n, yɛlɛ Jésus b'ɔ de e Nyanmiɛn i ya b'ɔ wa jao'n nun'n.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.