Matthieu 3:6 - NYANMIƐN NDƐ'N 1998

⁶ Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Nyanmien nde Ufle

⁶ Ke bé di sa nga bé yôli'n i nanwle'n, o yô bé baptême nzué ba bo bé flee Jourdain'n nun.

Matthieu 3:6 Iomraidhean Croise

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Saun Yolɛ 16:21

Kɛ be fɛ i sɔ boli kpakpuɛ liɛ'n ba'n, man Aarɔn fɛ i sa nnyɔn'n gua boli sɔ'n i ti'n su, yɛ Izraɛlfuɛ'm bé sa tɛ'n nin bé nyin bɔ ɔ'a yi-man min'n, ɔ nin fɔnlɛ nga be fɔnnin'n, man Aarɔn kɛnngɛn i ngba guɛ i boli'n su. Kpɛkuun sran nga bɔ be yili i kɛ ɔ `fa boli'n wɔ aawlɛ flɛnnɛn i afiɛn lɔ'n, ɔ `fa mɛn i nan ɔ `fa wɔ.

Saun Yolɛ 26:40

«Sanngɛ i agualiɛ su'n, be nga b'a wu-man'n, be wa wun i wlɛ kɛ kannzu be bɔbɔ nin be nannan mun be yoli sa tɛ. Sa tɛ bɔ be yoli'n yɛlɛ kɛ be dili fɔ min lika, bé nyin ɔ'a yi-man min.

Kalɛ 5:7

Sa ng'ɔ yoli'n, ɔ fata kɛ ɔ di i nanwlɛ. Like ng'ɔ wuali'n, man ɔ yi i ngba fa man like'n i fuɛ'n. Yɛ sɛ be bu like sɔ'n i gua'n nun nnun'n, man ɔ fɛ i bue kun su i bo.

Matthieu 3:11

N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Marc 1:5

Zide mɛn wunmuan'n nin Zerizalɛmfuɛ'm be kwlaa be ɔli Zan wun lɔ. Kɛ be kannin sa tɛ nga be yoli'n, ɔ yoli be batɛm Zurdɛn nzue ba'n nun.

JÉSUS-CHRIST I DYASIN FE'N BO LUC KLELI'N 1:16

Ɔ man Izraɛlfuɛ kpanngban be ´sa be sin be Min Nyanmiɛn i sin.

JÉSUS-CHRIST I DYASIN FE'N BO LUC KLELI'N 3:16

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

Sa nga bé yôli'n 1:5

Afin Zan yoli sran'm be batɛm nzue'n nun, sanngɛ amun liɛ'n, ɔ di le nnyɔn kun'n, Nyanmiɛn wa fɛ i Wawɛ'n yo amun batɛm.»

Sa nga bé yôli'n 11:16

Kɛ ɔ yoli sɔ'n yɛ ń wla kpɛnnin ndɛ nga e Min'n kannin'n su-ɔ, ɔ seli kɛ: ‹Zan yoli sran'm be batɛm nzue'n nun, sanngɛ amun liɛ'n, Nyanmiɛn wa fɛ i Wawɛ'n yo amun batɛm.›

Sa nga bé yôli'n 19:18

Be nga be fali Nyanmiɛn ndɛ'n su'n, be kpanngban be wa dili sa nga be yoli'n i nanwlɛ nzra'n nun.

Sa nga bé yôli'n 22:16

?Nguɛ yɛ a tɛ minndɛ i siɛn nin-ɔn? Jao man be yo wɔ batɛm i dunman nun, man ɔ yaci ɔ́ wun sa'n cɛ wɔ.› »

1 Korɛntfuɛ Mun 10:2

Kɛ be wluli jenvie nin nyanmiɛn ble nun'n, ɔ ti kɛ be batɛm yolɛ sa, ɔ man be nin Moiz be kacili sran wunmuan.

Kolɔsfuɛ Mun 2:12

Kɛ be yoli amun batɛm'n, ɔ ti kɛ be sieli amun nin Krist, ɔ man amun nin i cɛnnin, afin an lafi Nyanmiɛn b'ɔ ti kwlafuɛ b'ɔ cɛnnin i'n i su.

Hébreu 6:2

be `yo sran'm be batɛm wafa-wafa'n, be `sie bé sa sran'm bé su'n, sran'm be cɛn'n, yɛ Nyanmiɛn bu ndɛ-ɔ ɔ kaci-mɛn i'n.

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

Zozie 7:19

Zozie seli Akan kɛ: «N wa, manman Anannganman b'ɔ ti Izraɛl Nyanmiɛn'n. Nian nanwlɛ di, kan sa nga a yoli'n, nán fia wie fi su.»

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.