Matthieu 3:17 - NYANMIƐN NDƐ'N 1998

¹⁷ Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Nyanmien nde Ufle

¹⁷ Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

Matthieu 3:17 Iomraidhean Croise

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Ezai 42:21

Anannganman yo sa i nuan su ti i waan ɔ ´yo i mmla'n i dan, yɛ ɔ siesie i kpa,

Saun Yolɛ 15:15

Man min nyrun jranfuɛ'n ɔ fa anunman'n kun `yi min kpatalɛ tɛ, kpɛkuun ɔ `fa kun'n yi tɛ nga be yrɛ i nnɛn'n kɔlikɔli'n. Kpɛkuun like nga be fa yo i sran su b'ɔ ti be wun aso bolɛ like'n, be `yo i yasua sɔ'n su nan i loliɛ i fiɛn'n ɔ `tu i wun.

Matthieu 12:18

«Amun nian, n sran bɔ n fɛli i kɛ ɔ su min'n yɛ. Ɔ ti min anwlɛn su sran, i su yɛ m'an fa ń wla'n kwlaa m'an gua-a. N ´yo man n Wawɛ'n ´bɛ i wun, yɛ ɔ ´bo jɔlɛ dilɛ'n su kle nvle-nvle mun.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Marc 1:11

Ɔ tili sran kun nɛn Nyanmiɛn su lɔ, sran sɔ'n seli kɛ: «A ti min anwlɛn su Ba, ɔ su yɛ m'an fa ń wla'n kwlaa a gua-a .»

Marc 9:7

Nyanmiɛn ufue kun wa katali be su, yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, an `tie ndɛ ng'ɔ kan'n .»

JÉSUS-CHRIST I DYASIN FE'N BO LUC KLELI'N 3:22

yɛ Nyanmiɛn Wawɛ'n jrɛli i su kɛ auble sa. Yɛ be tili sran kun nɛn nyanmiɛn su lɔ, sran sɔ'n ɔ seli kɛ: «A ti min anwlɛn su Ba, ɔ́ su yɛ m'an fa ń wla'n kwlaa a gua-a .»

JÉSUS-CHRIST I DYASIN FE'N BO LUC KLELI'N 9:35

Be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «N wa bɔ n kpɛli i'n yɛ. An `tie ndɛ ng'ɔ kan'n .»

Jean 5:20

Afin i Si'n klo i, yɛ ɔ kle i like nga i bɔbɔ yo'n i kwlaa. Ɔ wa kle i like ng'ɔ ´yo'n bɔ i dan ´tra nga nan ɔ `bo amún nuan.

Jean 5:37

Yɛ n Si b'ɔ sunmannin min'n, i bɔbɔ yi min ayɛ. An nian tie-mɛn i nɛn le, yɛ an nian wun-mɛn i nyrun le.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

2 Piɛr 1:17

I le kunngba nga e Si Nyanmiɛn ´mɛnmɛn i b'ɔ ´yi i ayɛ'n, e bɔbɔ e wo i bo. Ɔ tili i nɛn b'ɔ fin lika'n b'ɔ kpaja nyannyan'n nun'n, ɔ seli kɛ: «Min anwlɛn su ba'n yɛ, i su yɛ n wla'n kwlaa wo-ɔ.»

1 Jean 5:9

Sɛ e fa ndɛ nga sran'm be wun nun bɔ be kan'n su'n, Nyanmiɛn liɛ ng'ɔ kan'n i nanwlɛ'n tra be liɛ'n, afin ndɛ nga Nyanmiɛn kan'n yɛlɛ i Wa'n i ndɛ'n.

Sa nglô yile 14:2

N tili like kun ngan nyanmiɛn su lɔ, ɔ tɛ kɛ nzue dandan bɔ be sonji kpuu'n sa. Ɔ tɛ kɛ nyanmiɛn b'ɔ kpla dan'n sa. Yɛ i ngan nga n tili'n, ɔ tɛ kɛ aluku bofuɛ mun bɔ be su bo be aluku'n sa.