Matthieu 3:12 - NYANMIƐN NDƐ'N 1998

¹² I nene'n wo i sa nun, ɔ wa kpɛjɛ i ble'n b'ɔ o i bowlɛ nun'n lele ɔ ´wie, ɔ ´isa guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

Nyanmien nde Ufle

¹² I néné'n wô i sa nun, o wa kpedye i awié'n b'o ô i bôwle'n nun'n lélé oh wiéh, oh iseh i awié'n gua tanngannin'n nun, ye oh won i wla'n nun sin b'o nuanman'n nun.

Matthieu 3:12 Iomraidhean Croise

Zɔb I Nyrɛnnɛn Wunlɛ 21:18

?A wun i kɛ be ti kɛ ijre mma bɔ aunngban'n fitɛ i kɔ'n sa? ?Be ti kɛ ndutre bɔ seke'n fitɛ i kɔ'n sa?

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Jue Mun 35:5

Man be yo kɛ ijre bɔ aunngban'n fitɛ i kɔ'n sa. Man Anannganman i anz'n ɔ fuan be.

Ezai 1:31

Sran b'ɔ lɛ wunmiɛn'n, ɔ ´yo kɛ nyan-man b'ɔ ti futrɛ-futrɛ'n sa. Yɛ i junman'n, ɔ ´kaci kɛ sin taaman sa. Ɔ nin i junman'n be nnyɔn be ´yra likawlɛ, sran fi su nuan-man be.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Ezai 27:4

N fɛ-mɛn i wun ya, sanngɛ sɛ n wun susrɛ nin owie nun'n, n ´tiatia be su, yɛ n ´wɔ be kwlakwla be nun.

Ezai 28:28

Ɔ fata kɛ be fa waka nɔnnin be bo ble'n, sanngɛ be yo-mɛn i sɔ cɛ-man. Nnɛn kpanngɔ'm be cuɛn kakaklolo'n, yɛ i ja'm be sin ble'n su, sanngɛ be fa fufu-man ble'n i mma'n.

Ezai 30:24

Amun nannin mun nin amun aflunmun bɔ amun fa be tutu kacɛ'n, be ´di ijre kpa bɔ njin o nun'n. Ijre sɔ'n, be ´kpaja nun yɛ be ´fa man be-ɔ. Be fa peli be ´trɛtrɛ nun ´man be.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezai 66:24

«Yɛ kɛ be ´fin min sua'n nun ´fite'n, be wa wun be nga be yoli nyin kekle min su'm be saka mun. Afin asɔnniɛn nga be ´di saka sɔ mun'n be su wu-man, yɛ sin b'ɔ yra be'n, ɔ su nuan-man. Saka sɔ'm be ´yo sran'm be kwlaa be sro.»

Zeremi 15:7

N kpajali n sran mun kɛ be kpaja awie nun'n sa. N kpajali be n guali mɛn'n i sin lɔ. N fali be mma mun n wɔli. N yoli man min sran sɔ'n, wie'm be wuli, sanngɛ b'a kaci-man be ajalɛ'n.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 51:2

N wa sunman sran mun kɛ be ko sanngan be nun nan be bo sanndi kɛ aunngban'n su sanngan ijre'n nun sa. Be ´wie lɔ ninnge'm be ´fɛn. I sɔ nyrɛnnɛn cɛn liɛ nun'n, sran'm be ´fin wa be ´fin wa, yɛ be ´ju guɛ i su-ɔ.

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ndɛ Nga Nyanmiɛn I Nuan Ijɔfuɛ Oze Kannin'n 13:3

I sɔ'n ti'n be wa sin kɛ nglɛmun nun nyanmiɛn ble bɔ be wun i kan kpɛkuun ɔ'a titi'n sa. Be wa wie kɛ nyansue b'ɔ wie kpɛ kunngba'n sa. Be wa yo kɛ ble wla bɔ aunngban'n fitɛ i kɔ kple nga be bo ble'n su i wun mmua'n sa. Be wa yo kɛ sin wɛnsrɛn b'ɔ fin sua ti nun fite'n sa.

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Matthieu 13:30

An `yaci be nnyɔn'n be lɛ man ɔ fa ju awie kpɛlɛ blɛ'n, sɛ awie kpɛlɛ'n ju'n, n ´se awie i kpɛfuɛ'm be kɛ be dun mmua kpɛ awie ijre'n be cici fiɛnfiɛn be wɔ nun, nan be fa awie'n gua n tanngannin'n nun.»

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 13:42

be gua be sin dan kpa'n nun, lɔ yɛ be ´sun be ´di be je nin-ɔn.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

JÉSUS-CHRIST I DYASIN FE'N BO LUC KLELI'N 3:16

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

JÉSUS-CHRIST I DYASIN FE'N BO LUC KLELI'N 3:17

I liɛ'n, ɔ wa fa Nyanmiɛn Wawɛ'n nin sin yo amun batɛm. I nene'n wo i sa nun, ɔ wa kpɛjɛ i awie b'ɔ o i bowlɛ nun'n lele ɔ ´wie, ɔ ´isa awie'n guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.