Matthieu 3:11 - NYANMIƐN NDƐ'N 1998

¹¹ N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Nyanmien nde Ufle

¹¹ N lie'n, n yô amun baptême nzué'n nun ke an katyi amun nzuen'n, sannge swran ng'o ô sien b'o su ba'n, o le nyrun tra min. Min nin i ngbabua'n i suale fataman. I lie'n, o wa fa Nyanmien Wawe'n nin sin yô amun baptême.

Matthieu 3:11 Iomraidhean Croise

Ezai 4:4

Kɛ Anannganman ko salo Siɔn lɔ bla'm bé wun fiɛn'n kɔ wie'n, kɛ ɔ ko salo Zerizalɛmfuɛ'm bé sran bɔ be kun be'n be mmoja'n ko wie'n, kɛ ɔ ko di jɔlɛ'n ko wie'n, kɛ ɔ ko nunnun sa tɛ'n ko wie'n,

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Marc 1:4

I sɔ'n su yɛ Zan batɛm yofuɛ'n ɔli aawlɛ flɛnnɛn nun lɔ b'ɔ kan kleli sran'm be kɛ be kaci be nzuɛn nin-ɔn. Yɛ ɔ kan kleli be ekun kɛ be yo be batɛm nzue'n nun nan Nyanmiɛn yaci sa nga be yoli i'n cɛ be nin-ɔn.

JÉSUS-CHRIST I DYASIN FE'N BO LUC KLELI'N 1:17

Ɔ ´dun e Min'n i nyrun, akunndan kunngba nga Eli buli'n, ɔ ´bu wie, yɛ sa kekleekle nga Eli yoli'n, ɔ ´yo wie. Ɔ ´siesie ba'm be nin bé si'm be afiɛn, ɔ man nyin keklefuɛ'm be ´kaci, yɛ be ´bu akunndan kpa, ɔ man sran'm be ´buabua bé wun minndɛ e Min'n .»

JÉSUS-CHRIST I DYASIN FE'N BO LUC KLELI'N 3:16

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

JÉSUS-CHRIST I DYASIN FE'N BO LUC KLELI'N 3:3

Nan ɔ'a ɔ nzue'n bɔ be flɛ i Zurdɛn'n i nuan lɔ klɔ'n kwlaa su. Ɔ ko kan kleli lɔfuɛ mun kɛ be kaci be nzuɛn'n man be yo be batɛm, nan Nyanmiɛn yaci bé wun sa'n cɛ be.

Jean 1:15

Zan kɛnnin i ndɛ, ɔ kpan seli kɛ : «I yɛ n kɛnnin i ndɛ kɛ sran ng'ɔ o siɛn ɔ su ba'n nan ɔ lɛ nyrun tra min nin-ɔn, afin ɔ o lɛ i sin nan b'a wu min.»

Jean 1:30

I yɛ n kɛnnin i ndɛ kɛ sran kun o siɛn ɔ su ba nan ɔ lɛ nyrun tra min nin-ɔn, afin ɔ o lɛ i sin nan b'a wu min.

Sa nga bé yôli'n 1:5

Afin Zan yoli sran'm be batɛm nzue'n nun, sanngɛ amun liɛ'n, ɔ di le nnyɔn kun'n, Nyanmiɛn wa fɛ i Wawɛ'n yo amun batɛm.»

Sa nga bé yôli'n 19:4

Yɛ Pɔl seli be kɛ: «Zan batɛm b'ɔ yo'n ɔ kle kɛ sran'm b'a kaci be nzuɛn'n. Ɔ seli sran'm be kɛ be lafi sran ng'ɔ wa bɛ i sin'n i su. Sran sɔ'n yɛlɛ Jésus.»

Sa nga bé yôli'n 8:36

Kɛ be ´kɔ be nyrun'n, be toli nzue, yɛ bian'n waan: «?Nian, nzue yɛ o yɛ, nguɛ yɛ man n kwla yo-man batɛm-ɔn?» [

Sa nga bé yôli'n 8:38

Ɔ man be jrannin kakaklolo'n, yɛ be nnyɔn'n be jrali nzue'n nun nan ɔ'a yo i batɛm.

1 Korɛntfuɛ Mun 12:13

Afin Nyanmiɛn fɛ i Wawɛ'n yoli e batɛm, sɛ Zuif o, Grɛk o, kanga o, diewa o, ɔ man e kwlaa y'a kaci sran wunmuan, yɛ i Wawɛ'n ti e kwlaa e liɛ.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Tite 3:5

ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»