Matthieu 28:2 - NYANMIƐN NDƐ'N 1998

² Kpɛkuun asiɛ'n kejeli dan kpa, afin e Min Nyanmiɛn'n i anz kun fin nyanmiɛn su lɔ jrali, kpɛkuun ɔ kondoli yɛbuɛ bɔ be fa nyinnin ndia i anuan'n, ɔ trannin su.

Nyanmien nde Ufle

² Kpekuun asie'n kédyéé dan kpa, afin é Min Nyanmien i ange kun fin nyanmien su lo dyrali, o kôndôô yebue bo bé fa nyin ndia i anuan'n, o traan su.

Matthieu 28:2 Iomraidhean Croise

Matthieu 27:60

nan ɔ'a ko sie i i bɔbɔ i ndia uflɛ bɔ be ko sie i nun'n, b'ɔ man be kpɛli i yɛbuɛ nun'n i nun. Yɛ ɔ kondoli yɛbuɛ dan kun sieli ndia sɔ'n i anuan'n nun nan ɔ'a wɔ.

Matthieu 27:66

Be fa be ɔli. Kɛ be tali ndia'n su'n, be sieli i nzɔliɛ yɛ be sieli sonja'm be lɛ.

Jean 20:1

Mɔnnɛn'n b'ɔ ti le mɔcuɛ'n i cɛn ba klikli'n, Mari b'ɔ fin Magdala'n wɔli ndia'n su lɔ nglɛmun ndɛ kpa kɛ lika'n nian titi-man'n, ɔ wunnin kɛ b'a yi yɛbuɛ'n b'ɔ o ndia i anuan nun'n.

Sa nga bé yôli'n 16:26

Kpɛkuun asiɛ'n wa kejeli dan kpa, ɔ man bisua'n kejeli yɛ anuan'm be tikeli nan bisuafuɛ'm be kwlaa be like nga be fa cili be'n b'a flo a gua.

Sa nga bé yôli'n 5:19

Sanngɛ kɔnguɛ e Min Nyanmiɛn'n i anz kun bali bisua lɛ ɔ wa tike be anuan'n, ɔ yili be nan ɔ'a se be kɛ:

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

Sa nglô yile 11:19

Be tikeli Nyanmiɛn i sua b'ɔ o nyanmiɛn su lɔ'n i anuan'n, nan b'a wun aenguɛ nga Nyanmiɛn nin sran'm be trali i alaka'n lɔ. Nyanmiɛn'n kpali sin, be tili sran'm be nɛn, nyanmiɛn'n kplali, asiɛ'n kejeli, yɛ nzraama bɔ kɛ nzue'n ´tɔ-ɔ ɔ gua'n, ɔ guali dan kpa .