Matthieu 28:18 - NYANMIƐN NDƐ'N 1998

¹⁸ Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Nyanmien nde Ufle

¹⁸ Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

Matthieu 28:18 Iomraidhean Croise

Jue Mun 89:19

Anannganman, wɔ bɔ a ti Izraɛl Nyanmiɛn'n, bɔ a ti e famiɛn'n, sran ng'ɔ sasa ye'n, wɔ yɛ a kpɛli i-ɔ.

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Nyanndra Mun 8:15

Famiɛn'm be mɛn sielɛ'n, ɔ fin min. Nanwlɛ nga wlengbi'm be di'n, ɔ fin min.

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

JÉSUS-CHRIST I DYASIN FE'N BO LUC KLELI'N 10:22

N Si yɛ ɔ fali like'n kwlaa mannin min-ɔn. Sran fi si-man Nyanmiɛn Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si kle i'n, i yɛ ɔ si i-ɔ.»

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 3:31

Sran ng'ɔ fin nglo lɔ'n, i yɛ ɔ sie like'n kwlaa-a, sran ng'ɔ fin asiɛ'n su wa'n, ɔ ti asiɛ'n su wafuɛ, yɛ ɔ kan asiɛ'n su wa ninnge'm be ndɛ. Sran ng'ɔ fin nyanmiɛn su lɔ'n, i yɛ ɔ sie like'n kwlaa-a,

Jean 3:35

E Si Nyanmiɛn klo i Wa'n, yɛ ɔ fali like'n kwlaa wlɛli i sa nun .

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 2:36

I sɔ'n ti, man Izraɛl osufuɛ'm be kwlaa be si kpa kɛ Jésus sɔ'n bɔ an boboli i waka'n su'n, i yɛ Nyanmiɛn sieli kɛ ɔ ti e Min nin Krist nin-ɔn.»

Rɔmfuɛ Mun 14:9

Kɛ ɔ ko yo nan Krist ɔ'a yo be nga be wuli'n nin be nga bé nyin o su'm be Min'n, ɔ wuli, yɛ ɔ cɛnnin.

1 Korɛntfuɛ Mun 15:27

sanngɛ kɛ ɔ se kɛ ɔ ´sie like'n kwlaa'n, e wun i wlɛ kɛ i b'ɔ fa Krist sieli like'n kwlaa su'n, i bɔbɔ nun-man nun wie .

Kolɔsfuɛ Mun 2:10

Ɔ man sran wunmuan bɔ amun nin Krist b'ɔ o mmusu mun nin kpɛnngbɛn'm be kwlaa bé ti su'n amun ti'n ti, like'n kwlaa ti a sin a yia amun.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 2:8

yɛ a fɛ i sie like'n kwlaa su .» Kɛ Nyanmiɛn fɛ i sieli like'n kwlaa su sɔ'n, like fi a ka-man lɛ bɔ nɛ́n i yɛ ɔ sie i-ɔ. Sanngɛ e nian wun-man kɛ ɔ sie like'n kwlaa kɛ e ´se yɛ'n.

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»