Matthieu 27:51 - NYANMIƐN NDƐ'N 1998

⁵¹ Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Nyanmien nde Ufle

⁵¹ Kpekuun tannin dan'n bo bé fa kpe Nyanmien sua dan'n nun'n, o kpatyii i nglô lo lélé fa dyuu i ngua wa, asie'n kédyéli, yebue'm bé kpukéli.

Matthieu 27:51 Iomraidhean Croise

2 Be Nyoliɛ 3:14

Be fali lɛn mma plili be yoli tannin dan kun. Be wlɛli i ble nzue-nzue, nin ɔkwlɛ kankankan, ɔ nin ɔkwlɛ youun. Be yoli anz'm be nzɔliɛ tannin sɔ'n su.

Jue Mun 18:15

Ɔ toli i cua mun, kpɛkuun min kpɔfuɛ'm be bo sanndili. Nyanmiɛn'n kplali, ɔ kplali. Ɔ man be wanndili.

Jue Mun 18:7

Min nyrɛnnɛn blɛ sɔ nun'n, n kpan flɛli Anannganman'n. N flɛli min Nyanmiɛn'n, kpɛkuun ɔ o i sua'n nun lɔ ɔ tili min aniɛn'n. Ɔ sieli i su tili flɛlɛ bɔ n flɛli i'n.

Ezipt Lɔ Tulɛ'n 40:21

Be fali alaka'n be wlɛli i tannin sua'n nun lɔ, i sin be sendeli rido nga b'ɔ kata alaka'n i nyrun'n kɛ Anannganman kan kleli Moiz kɛ ɔ `yo'n sa.

Ezai 25:7

Kɛ be o oka sɔ'n su, ɔ ´yi sɛ tannin ng'ɔ kata sran'm be kwlaa be su'n, ɔ ´yi awlaboɛ kondro ng'ɔ kata nvle-nvle be kwlaa be su'n.

Saun Yolɛ 16:2

«Se ɔ niaan Aarɔn kɛ nán man ɔ wlu min lika kpa tra su'n i nun lɔ ngbɛn-ngbɛn, yɛ nán man ɔ sin tannin dan ng'ɔ o min alaka'n nin i su tre'n be nyrun lɛ'n i sin lɔ finfin. Sɛ ɔ wlu lɔ sɔ'n, ɔ ´wu. Afin i blɛ nga wɛnsrɛn'n ɔ ´jaso alaka tre'n su'n, i sɔ blɛ liɛ'n nun yɛ n ´yi mín wun nglo-ɔ .

Saun Yolɛ 21:23

Sanngɛ i wun tukpacɛ'n ti'n, tannin dan ng'ɔ kpɛ min sua nun'n, ɔ fata-man kɛ ɔ wunnge i wun lɔ. Ɔ fata-man kɛ ɔ wɔ lele ju kɛ be yi tɛ lɛ'n. Ɔ fata-man kɛ ɔ yo min lika'n i finfin, afin min yɛ n ti Anannganman nin-ɔn, min yɛ n siesie min nyrun jranfuɛ mun yɛ be di min junman nin-ɔn.»

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Abakik 3:13

Ɔ sran'm be delɛ yɛ a ´tiatia kɔ blɛblɛ lɛ-ɔ. Ɔ famiɛn bɔ a fa sieli'n, i delɛ yɛ a su kɔ lɛ-ɔ. A ´kun klunwifuɛ'm be famiɛn'n, kpɛkuun a ´nunnun i bo mma'm be kwlaa kpan.

Kalɛ 4:5

Blɛ bɔ Izraɛlfuɛ'm be wa tu bé bo be kɔ'n, man Aarɔn nin i mma'm be dun mmua yi rido b'ɔ kpɛ min lika nun'n, nan be `fa kata min alaka'n su.

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

Matthieu 28:2

Kpɛkuun asiɛ'n kejeli dan kpa, afin e Min Nyanmiɛn'n i anz kun fin nyanmiɛn su lɔ jrali, kpɛkuun ɔ kondoli yɛbuɛ bɔ be fa nyinnin ndia i anuan'n, ɔ trannin su.

Marc 15:38

Tannin dan bɔ be fa kpɛli Nyanmiɛn i sua nun'n kpacili i nglo lɔ lele fa juli i ngua wa .

JÉSUS-CHRIST I DYASIN FE'N BO LUC KLELI'N 23:45

Wia'n kacili tuun, yɛ tannin dan'n bɔ be fa kpɛ Nyanmiɛn i sua nun'n, ɔ kpacili i afiɛn sɛsɛsɛ .

JÉSUS-CHRIST I DYASIN FE'N BO LUC KLELI'N 23:47

Kɛ sonja ya su kpɛn'n wunnin sa sɔ'n, ɔ manmannin Nyanmiɛn yɛ ɔ seli kɛ: «Bian nga ti nanwlɛfuɛ sakpa.»

Hébreu 6:19

Like nga é wla o su sɔ'n ti kɛ mmeli i blalɛ'n bɔ be fa jrɛn i'n sa, ɔ tra ye ase. Ɔ tra kpa tankaan, e lafi i su. Ɔ wlu lele juli tannin b'ɔ kpɛ nyanmiɛn su lɔ Nyanmiɛn sua dan'n nun'n i sin lɔ .

Hébreu 9:3

Yɛ tannin i nnyɔn su'n i sin lɔ sua ba liɛ'n be flɛli Nyanmiɛn lika kpa tra su .

Sa nglô yile 11:13

Be osu kunngba sɔ'n nun, asiɛ'n kejeli dan kpa, klɔ'n i bue kan bubuli, sran akpi nso (7.000) be wuli asiɛ'n i kejelɛ sɔ'n ti. Srɛ kunnin be wie mun kusu nan b'a manman Nyanmiɛn b'ɔ o nyanmiɛn su lɔ'n.

Sa nglô yile 11:19

Be tikeli Nyanmiɛn i sua b'ɔ o nyanmiɛn su lɔ'n i anuan'n, nan b'a wun aenguɛ nga Nyanmiɛn nin sran'm be trali i alaka'n lɔ. Nyanmiɛn'n kpali sin, be tili sran'm be nɛn, nyanmiɛn'n kplali, asiɛ'n kejeli, yɛ nzraama bɔ kɛ nzue'n ´tɔ-ɔ ɔ gua'n, ɔ guali dan kpa .