Matthieu 27:42 - NYANMIƐN NDƐ'N 1998

⁴² «Ɔ deli sran wie mun, sanngɛ ɔ kwla de-mɛn i bɔbɔ wun. Ɔ ti Zuif'm be famiɛn! Man ɔ fin waka'n su jra, sɛ ɔ yo i sɔ'n yɛ e ´lafi i su-ɔ.

Nyanmien nde Ufle

⁴² O déé swran wié mun, sannge o kwla dé'e i bobo wun. O ti Juif'm bé famien! Mon o fin waka'n su dyra, ye éh lafih i suo.

Matthieu 27:42 Iomraidhean Croise

Matthieu 2:2

be usali kɛ: «?Zuif'm be famiɛn'n bɔ be wuli i icra'n ɔ o nin? Afin e wunnin i nzraama'n wia afiliɛ lɔ, yɛ e bɛli i sulɛ-ɔ .»

Matthieu 27:37

Be klɛli sa nga ti yɛ be boboli i waka'n su'n sieli i ti su lɛ, bɛ klɛli kɛ: «Jésus b'ɔ ti Zuif'm be famiɛn'n yɛ.»

Matthieu 27:40

«Ɔ bɔ ɔ waan a ´bubu Nyanmiɛn i sua'n nan a ´kplɛn i le nsan'n, de wɔ wun siɛn'n, yɛ sɛ a ti Nyanmiɛn Wa sakpa'n, fin waka'n su jra.»

Matthieu 27:41

Nyanmiɛn nyrun jranfuɛ dandan mun nin mmla klefuɛ'm be nin kpɛnngbɛn mun be yoli i finfin, be seli kɛ:

Marc 15:31

Nyanmiɛn nyrun jranfuɛ dandan'm be kusu be nin mmla klefuɛ mun be yoli i finfin, be se be wiengu kɛ: «Ɔ deli sran wie mun, sanngɛ ɔ kwla de-mɛn i bɔbɔ wun .

Marc 15:32

Man Krist b'ɔ ti Izraɛlfuɛ'm be famiɛn'n ɔ fin waka'n su jra siɛn'n, man e wun i nan e lafi i su.» Be nga be boboli be nin i'n, be kusu be kpɛli i nzowa wie.

JÉSUS-CHRIST I DYASIN FE'N BO LUC KLELI'N 19:38

Be seli kɛ: «Famiɛn ng'ɔ ba e Min Nyanmiɛn dunman nun'n, man ɔ nyan nguan! Alaje o Nyanmiɛn lika lɔ. Man Nyanmiɛn manmanlɛ'n tɛ nyanmiɛn su lɔ !»

JÉSUS-CHRIST I DYASIN FE'N BO LUC KLELI'N 23:35

Sran'm be jin lɛ yɛ be niɛn i-ɔ. Ngbɛn-ngbɛn'm be kusu be srili i, be seli kɛ: «Ɔ deli sran wie mun, sɛ i yɛ ɔ ti Krist bɔ Nyanmiɛn fɛ i sieli'n, man ɔ de i bɔbɔ wun!»

JÉSUS-CHRIST I DYASIN FE'N BO LUC KLELI'N 23:37

«Sɛ a ti Zuif'm be famiɛn'n, de ɔ wun.»

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 12:13

Be fali mme nnya trali nun. Be fite ɔli i atin kpalɛ, be kpan seli kɛ: «Ozanna! Sran ng'ɔ ba e Min Nyanmiɛn dunman nun'n, Nyanmiɛn man ɔ nyan nguan. Nyanmiɛn man Izraɛl famiɛn'n nyan nguan .»

Jean 12:47

Sran ng'ɔ ti min ndɛ'n b'ɔ fa-man su'n, nán min yɛ n ´kan-an, afin m'an ba-man kɛ m ma kan mɛnfuɛ'm be ndɛ, sanngɛ m bali be delɛ.

Jean 9:24

Farizifuɛ'm be flɛli anyansifuɛ'n ekun yɛ be seli i kɛ: «La Nyanmiɛn ase, e si kɛ bian sɔ'n ti sa tɛ yofuɛ.»

Sa nga bé yôli'n 4:14

Yɛ kɛ be wunnin bian b'ɔ yoli juejue'n kɛ ɔ jin Piɛr nin Zan be wun lɛ'n, b'a nyan-man ndɛ fi a kan-man.