Matthieu 27:4 - NYANMIƐN NDƐ'N 1998

⁴ yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

Nyanmien nde Ufle

⁴ o sé ke: Ke n fa swran bo wa yô'a sa te fi'n maan amun ke an kuin'n, man yô'e kpa mlonmlon. Ye bé sé i ke: ?É nde ô nun? O bobo o ndeo.

Matthieu 27:4 Iomraidhean Croise

1 Famiɛn Mun 21:27

Kɛ Akab tili i sɔ ndɛ'n, ɔ titili i wun tralɛ'm be nun. Ɔ wlali bajɛ tralɛ, kpɛkuun ɔ kpɛli srɛ nun. Ɔ fa bajɛ'n yɛ ɔ la-a. Ɔ nanti sa blɛblɛblɛ.

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

Zɔb I Nyrɛnnɛn Wunlɛ 13:4

Afin amun liɛ'n, ato'n yɛ amun waan be `fa man amun nan amun `bua-a. Nán ayre yofuɛ'n i kpa'n i wie yɛlɛ amun.

Zɔb I Nyrɛnnɛn Wunlɛ 16:2

Ndɛ kunngba ng'ɔ o yɛ'n, m'an ti i wun su wie pɛ. Amun kwlakwla amun sran fɔnvɔlɛ'n ɔ ti kekle o.

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Ezipt Lɔ Tulɛ'n 12:31

Kɔnguɛ, famiɛn'n flɛli Moiz nin Aarɔn nan ɔ'a se be kɛ: «Amun `jaso min mɛn'n nun wa, amun nin Izraɛlfuɛ mun amun `wɔ, amun `wɔ be ko su Anannganman kɛ amun fa usali'n sa.

Ezipt Lɔ Tulɛ'n 9:27

Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Nyanndra Mun 12:8

Sran kun bɔ be ´klo i sa lɛ'n, ɔ fin i ngwlɛlɛ b'ɔ si i'n. Sran nga kusu b'ɔ fa sinnzin yolɛ'n fa cici i ti'n, bé nyin ci i sɔfuɛ'n.

Zeremi 26:15

Sanngɛ man amun wun i wlɛ kɛ sɛ amun kun min'n, wuun amu'an kun min ngbɛn, m'an yo-man sa, ɔ man kusu amun ´fɛ i su afɛ'n, amun o, klɔ nga o, i sufuɛ mun o, amun ´fɛ i su afɛ'n. Afin nanwlɛ, Anannganman'n yɛ ɔ sunmannin min amun sin kɛ n kan ndɛ sɔ'n kwlakwla n kle amun-ɔn.»

Zonas 1:14

Yɛ be kpan flɛli Anannganman kɛ: «Anannganman, nán e yɛ e yoli-ɔ. E ´srɛ wɔ kpa ti-ɔ, nán nian kɛ y'a kun bian nga bɔ ɔ'a yo-man e sa yɛ'n ti man e wu. Yɛlɛ kɛ nga bɔ ɔ waan a ´yo'n yɛ a yoli-ɔ.»

Matthieu 27:19

Kɛ ɔ trannin ase jɔlɛ diwlɛ lɔ'n, i yi sunmannin sran kɛ be ko se i kɛ: «Nán fa ɔ wun wla bian nanwlɛfuɛ sɔ'n i ndɛ'n nun, afin ndɛ n fɛli laliɛ nun dan kpa i ti.»

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

JÉSUS-CHRIST I DYASIN FE'N BO LUC KLELI'N 23:22

I kpɛ nsan su'n, Pilat usali be kɛ: «?Nguɛ sa bɔ cɛ yɛ ɔ yoli-ɔ? M'an wun-man sa ng'ɔ yoli b'ɔ nin kunlɛ fata-a. I sɔ'n ti'n, n yo man be ´bo i nan n ´yaci i nun.»

JÉSUS-CHRIST I DYASIN FE'N BO LUC KLELI'N 23:41

E liɛ'n ti i nuan su, afin sa nga e yoli'n, i nuan sa yɛ y'a nyɛn i-ɔ, sanngɛ bian nga liɛ'n ɔ'a yo-man sa fi.»

JÉSUS-CHRIST I DYASIN FE'N BO LUC KLELI'N 23:47

Kɛ sonja ya su kpɛn'n wunnin sa sɔ'n, ɔ manmannin Nyanmiɛn yɛ ɔ seli kɛ: «Bian nga ti nanwlɛfuɛ sakpa.»

Jean 19:7

Zuif'm be seli i kɛ: «Ɔ yo i wun kɛ ɔ ti Nyanmiɛn Wa. E lɛ mmla kun bɔ be klɛli i kɛ sran ng'ɔ yo sɔ-ɔ be `kun i.»

Sa nga bé yôli'n 13:28

B'a wun-man ndɛ fi bɔ be ´jran su be kun i-ɔ, sanngɛ be srɛli Pilat kɛ ɔ kun i.

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

1 Timote 4:2

Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 15:30

Sail waan: «M'an yo sa tɛ, sanngɛ ɔli nán gua mín nyin ase Izraɛl kpɛnngbɛn nin Izraɛlfuɛ'm be nyrun. Sa ɔ́ sin bla man n ko koto Anannganman b'ɔ ti ɔ Nyanmiɛn'n i bo.»

1 Samiɛl 19:5

Ɔ klɛnnin i wun mannin wie'n yɛ ɔ kunnin Filistifuɛ mun-ɔn. Kɛ ɔ yoli sɔ'n kusu Anannganman deli Izraɛl nvle'n. Ɔ bɔbɔ a wunnin i, ɔ yoli wɔ fɛ. David ɔ'a yo-man sa tɛ. ?Ɔ yo sɛ ti yɛ ɔ waan a ´kun i-ɔ?»