Matthieu 27:31 - NYANMIƐN NDƐ'N 1998

³¹ Kɛ be yoli i finfin sɔ wieli'n, be yili i wun tralɛ dan'n, nan b'a fɛ i bɔbɔ liɛ'n b'a wlɛ i wun ekun, yɛ be fɛ ɔli i waka'n su bobolɛ-ɔ.

Nyanmien nde Ufle

³¹ Ke bé yô i finfin so wiéli'n, bé yii i wun trale dan'n, nan ba fe i bobo lie'n ba wle i wun ékun, ye bé fe oo i waka'n su bôbôleo.

Matthieu 27:31 Iomraidhean Croise

1 Famiɛn Mun 21:10

Man finfinfuɛ nnyɔn be trɛn i nyrun ndɛnman su lɛ, yɛ man be tɔn i suɛn be se kɛ: ‹A boli Nyanmiɛn nin famiɛn'n be sannzan.› Kpɛkuun amun `yi i klɔ'n nun fite, yɛ man be finfin i yɛbuɛ be kun i.»

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

Ezai 53:7

Kɛ be ´kle i yalɛ'n, ɔ kɛnnin i wun ase, ɔ yoli kɛ bua bɔ be su fɛ i ´kɔ i kunlɛ'n sa, ɔ yoli kɛ bua bɔ kɛ be ´kpɛkpɛ i ndrɛ'n ɔ kpan-man'n sa, ɔ'a uke-mɛn i nuan.

Kalɛ 15:35

Anannganman seli Moiz kɛ: «Man be fɛ i ngblaliɛ'n nun fite nan sran'm be kwlaa be `finfin i yɛbuɛ nan ɔ wu.»

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Matthieu 21:39

Be trɛ i fa ɔli vinyi fie'n sin lɔ nan b'a kun i.

Matthieu 26:2

«An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Marc 15:20

Kɛ be yoli i finfin sɔ wieli'n, be yili i wun tralɛ bɔ i nyin'n ti ɔkwlɛ kankankan'n, nan b'a fɛ i bɔbɔ liɛ'n b'a wlɛ i wun ekun, yɛ be fɛ i ɔli i waka'n su bobolɛ-ɔ.

Jean 19:16

Nan ɔ'a fɛ i a man be kɛ be ko bobo i, yɛ be nin i ɔli-ɔ.

Jean 19:27

Yɛ ɔ seli i sɔnnzɔnfuɛ'n kusu kɛ: «Ɔ nin'n yɛ ɔ o lɛ-ɔ.» Kɛ ɔ fin cɛn sɔ'n nun'n, i sɔnnzɔnfuɛ'n fɛli i nin'n wɔli i awlo.

Sa nga bé yôli'n 7:58

nan b'a cuɛn i b'a ɔ klɔ'n sin lɔ nan b'a finfin i yɛbuɛ. Yɛ lalofuɛ'm be yi be tralɛ'n guɛli i gbanflɛn kun bɔ be flɛ i Sɔl'n i bo lɛ kɛ ɔ nian su.

Hébreu 13:12

I sɔ'n ti, kɛ ɔ ´yo nan Jésus mmoja'n ti sran'm bé wun sa'n ɔ'a wie'n, i kusu ɔ wunnin nyrɛnnɛn klɔ'n i tiwa lɛ.