Matthieu 27:29 - NYANMIƐN NDƐ'N 1998

²⁹ Be wɔli owie kɛ sika kle sa be fa wlɛli i ti, yɛ be fa ndɛma kun wlɛli i sa fama'n nun, be kotoli i bo, be yoli i finfin be seli kɛ: «Zuif'm be famiɛn, man a cɛ o!»

Nyanmien nde Ufle

²⁹ Bé woo ôwié ke sika klé sa bé fa wle i ti, ye bé fa ndema kun wle i sa fama'n nun, bé kôtô i bô, bé yô i finfin bé sé ke: Juif'm bé famien, man a tye ô!

Matthieu 27:29 Iomraidhean Croise

Jue Mun 69:7

Min Min Anannganman b'ɔ sie mɛn'n wunmuan'n, nán n gua be bɔ be lafi ɔ su'n bé nyin ase. Izraɛl Nyanmiɛn, nán be bɔ be fa be wun mantan wɔ'n be wun nyannzuɛn min dunman nun.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Zeremi 20:7

Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Matthieu 26:49

Kpɛkuun ɔ wunngeli i wun lɛ nan ɔ'a se i kɛ: «Baba, anun o,» yɛ ɔ toli i sa yili i kɔmin-ɔn.

Matthieu 27:37

Be klɛli sa nga ti yɛ be boboli i waka'n su'n sieli i ti su lɛ, bɛ klɛli kɛ: «Jésus b'ɔ ti Zuif'm be famiɛn'n yɛ.»

Marc 15:17

Be fali tralɛ dan kun b'ɔ ti ɔkwlɛ kankankan'n, be wlɛli i wun, yɛ be wɔli owie kɛ sika kle sa be fa wlɛli i ti.

Marc 15:18

Kpɛkuun be yoli i like, be se kɛ: «Zuif'm be famiɛn, Nyanmiɛn man a cɛ o!»